Xarı bülbül – Samsun Ekspress

Xarı-Bülbül Azərbaycan Mədəniyyət Evində növbəti dərslər Zəfər Gününə həsr olunub

Fri, 15 Nov 2024 06:15:55 +0000

Xarı-Bülbül Azərbaycan Mədəniyyət Evində növbəti dərslər Zəfər Gününə həsr olunub

, 2024
Xarı-Bülbül Azərbaycan Mədəniyyət Evində növbəti dərslər Zəfər Gününə həsr olunub

Almaniyanın Berlin şəhərində yerləşən Xarı-Bülbül Azərbaycan Mədəniyyət Evində növbəti dərslər 8 Noyabr – Zəfər Gününə həsr olunub. Bütün tədris qruplarında Vətən müharibəsindəki şanlı qələbəmizə, milli qürurumuza, qəhrəman şəhid və qazilərimizə dərin hörmət və minnətdarlığın ifadəsi kimi xüsusi dərslər keçirilib.

Mərkəzin sədri Sevda Badaliouri və müəllimləri Xəyalə Çiftçi, Pərvanə Aslanovanın təşəbbüsü ilə keçirilən dərslərdə uşaqlar və yeniyetmələr bu əlamətdar günün tarixi əhəmiyyətini öyrənib, vətən sevgisi, milli birliyimiz haqqında məlumatlandırılıb, öz doğma dillərində vətənpərvərlik mövzularında söhbətlər aparıblar.

Dərslərdə Azərbaycan Respublikasının Dövlət Himni ifa olunub. 44 günlük Vətən müharibəsində qazanılan zəfəri əks etdirən videomateriallar göstərilib, qəhrəman əsgərlərimizə həsr olunmuş şeirlər səsləndirilib.

Şagirdlər bu dərslərdə milli birliyi aşılayan müxtəlif fəaliyyətlərdə iştirak edib, ana dilimizdə tariximiz haqqında yeni biliklərə yiyələnib.

Qeyd edək ki, Almaniyanın paytaxtı Berlində fəaliyyət göstərən Xarı-Bülbül Azərbaycan Evi 2022-ci ildə açılıb. Diasporla İş üzrə Dövlət Komitəsinin dəstəyi ilə Azərbaycan Evində həftəsonu Azərbaycan dili məktəbi və Ritm rəqs dərnəyi fəaliyyət göstərir.

Foto qalereya

dostların arasında bunu ilk tövsiyyə edən sən ol
Digər xəbərlər

kaynak:https://diaspor.gov.az/az/news-detail/xari-bulbul-azerbaycan-medeniyyet-evinde-novbeti-dersler-zefer-gunune-hesr-olunub-5249

Almaniya paytaxtında “Xarı Bülbül” Azərbaycan Mədəniyyət Evinin iki illiyi qeyd edilib

Abdullah Yiğit — Tue, 06 Feb 2024 15:27:41 +0000

Almaniya paytaxtında “Xarı Bülbül” Azərbaycan Mədəniyyət Evinin iki illiyi qeyd edilib

2024

Almaniya paytaxtında “Xarı Bülbül” Azərbaycan Mədəniyyət Evinin iki illiyi qeyd edilib

Berlin şəhərində yerləşən Azərbaycan Mədəniyyət Mərkəzində “Xarı Bülbül” Azərbaycan Mədəniyyət Evinin 2 illik fəaliyyətinə həsr edilmiş tədbir keçirilib.

Diasporla İş üzrə Dövlət Komitəsinin dəstəyi, “Xarı Bülbül” Azərbaycan Mədəniyyət Evinin və Almaniya Azərbaycanlıları Alyansının təşkilatçılığı ilə baş tutan tədbirdə Azərbaycanın Almaniyadakı səfirliyinin, Diasporla İş üzrə Dövlət Komitəsinin əməkdaşları, soydaşlarımız və ölkəmizə dost icmaların nümayəndələri iştirak ediblər.

Humboldt Universitetinin magistri Oqtay Badaliourinin moderatorluğu ilə aparılan tədbir Azərbaycanın Dövlət himninin səsləndirilməsi və ölkəmizin ərazi bütövlüyü uğrunda canlarından keçmiş şəhidlərimizin əziz xatirəsinin bir dəqiqəlik sükutla yad edilməsi ilə başlayıb.

Sonra “Xarı Bülbül” Azərbaycan Mədəniyyət Evinin şagirdlərinin ifasında “Azərbaycan” şeiri səsləndirilib, “Xarı Bülbül” Azərbaycan Mədəniyyət Evinin fəaliyyətinə həsr olunmuş qısa film nümayiş etdirilib.

Tədbir iştirakçılarını salamlayan Almaniya Azərbaycanlıları Alyansı İdarə Heyətinin sədr müavini, “Xarı Bülbül” Azərbaycan Mədəniyyət Evinin rəhbəri Sevda Badaliouri mədəniyyət evinin iki illik fəaliyyəti barədə məlumat verib.

Azərbaycanın Almaniyadakı səfiri Nəsimi Ağayev və Diasporla İş üzrə Dövlət Komitəsinin sədr müavini Vaqif Seyidbəyov bu əlamətdar hadisə münasibətilə mərkəzi təbrik edib və gələcək fəaliyyətində uğurlar arzulayıb.

Komitə sədrinin müavini çıxışında mərkəzin Prezident İlham Əliyevin Dünya Azərbaycanlılarının Şuşada keçirilmiş V Qurultayında söylədiyi tövsiyələrə uyğun olaraq fəaliyyət göstərdiyini məmnunluqla vurğulayıb, diasporumuzun keçdiyi yola nəzər salıb, Azərbaycan dilinin xaricdə yaşayan soydaşlarımız tərəfindən unudulmamasının, onun dünyada təbliğinin, xaricdəki gənclərimizin vətənə bağlılığının ölkəmiz üçün çox önəmli olduğunu, Komitə tərəfindən bu mühüm məsələlərlə bağlı müxtəlif layihələr həyata keçirildiyini diqqətə çatdırıb.

Tədbir Komitə adından “Bakinets” Klununun rəhbəri Elmira Əşrəfovaya təltif olunduğu Azərbaycan Respublikasının “Diaspor fəaliyyətində xidmətə görə” Azərbaycan Respublikasının medalının təqdim olunması ilə davam etdirilib. Elmira Əşrəfova diaspor fəaliyyətinin yüksək qiymətləndirilməsinə görə Azərbaycan dövlətinə minnətdarlığını ifadə edib. Berlində yaşayan azərbaycanlıların, o cümlədən yəhudi əsilli soydaşlarımızın Azərbaycana xas adət-ənənələri mühacirətdə də qoruyub saxladıqlarını bildirib, “Xarı Bülbül” Azərbaycan Mədəniyyət Mərkəzini “Azərbaycan dili, musiqisi mədəniyyəti və tarixi ilə tanış olmaq üçün güclü platforma” adlandırıb.

Tədbirdə çıxış edən Almaniya Azərbaycanlıları Alyansının İdarə Heyətinin üzvləri və digər qonaqlar mərkəzin fəaliyyətini yüksək qiymətləndiriblər.

Bədii hissədə beynəlxalq müsabiqələr laureatı, pianoçu, dirijor, bəstəkar Abuzər Manafzadə, Günel Şirinova (sofrano) və “Xarı Bülbül” Azərbaycan Mədəniyyət Evinin nəzdində fəaliyyət göstərən “Ritm” rəqs qrupu çıxış ediblər. Onların ifasında təqdim olunan Azərbaycan bəstəkarlarının əsərləri və milli rəqslərimiz alqışlarla qarşılanıb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/almaniya-paytaxtinda-xari-bulbul-azerbaycan-medeniyyet-evinin-iki-illiyi-qeyd-edilib-4186

İstanbulda Novruz bayramı qeyd edilib

Abdullah Yiğit — Fri, 24 Mar 2023 08:12:20 +0000

İstanbulda Novruz bayramı qeyd edilib
, 2023
İstanbulda Novruz bayramı qeyd edilib

Türkiyənin İstanbul şəhərində yaşayan soydaşlarımız Novruz bayramı münasibətilə bir araya gəliblər.

İnsan Haqları, Təhsil, Mədəniyyət və Həmrəylik Dərnəyi ilə “Xarıbülbül” Azərbaycan Vizyon Teatrı Dərnəyinin birgə təşkilatçılığı ilə baş tutan tədbirdə Türkiyə-Azərbaycan Dərnəklər Federasiyasının sədr müavini Pərviz Məmmədzadə, İstanbul Səhiyə İdarəsi müdir müavini Mahmut Akman və vətəndaş cəmiyyətinin nümayəndələri iştirak ediblər.

Tədbir iştirakçılarını salamlayan İnsan Haqları, Təhsil, Mədəniyyət və Həmrəylik Dərnəyinin rəhbəri Məhsəti Şərif və “Xarı Bülbül” Azərbaycan Vizyon Teatr Dərnəyinin rəhbəri Kəmalə Kamal bayram münasibətilə türk xalqlarını təbrik ediblər, baharın Azərbaycan və Türkiyəyə düşərli olmasını arzulayıblar.

Sonra türklərin ortaq bayramı olan Novruzun önəmindən danışılıb və bayramın rəmzləri barədə məlumat verilib.

Tədbir çərçivəsində Novruzun adət-nənələrini və Azərbaycan mədəniyyətini əks etdirən eksponatlar və nümunələr nümayiş etdirilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/istanbulda-novruz-bayrami-qeyd-edilib-2662

Krakovda Xocalı soyqırımı ilə əlaqədar konfrans təşkil edilib

Abdullah Yiğit — Tue, 28 Feb 2023 08:06:44 +0000

Krakovda Xocalı soyqırımı ilə əlaqədar konfrans təşkil edilib

, 2023
Krakovda Xocalı soyqırımı ilə əlaqədar konfrans təşkil edilib
Polşanın Krakov şəhərində Xocalı soyqırımının 31-ci ildönümü ilə əlaqədar “Soyqırım və insanlığa qarşı törədilmiş cinayətlər” mövzusunda elmi konfrans keçirilib.

“Xarı Bülbül” Dünya Azərbaycanlıları Mədəniyyət Assosiasiyasının təşkilatçılığı ilə baş tutan tədbir “Xocalıya ədalət!” beynəlxalq təbliğat və təşviqat kampaniyası çərçivəsində gerçəkləşdirilib.

Konfransda məruzəçi qismində çıxış edən ADA Universitetinin professoru Ceyhun Rzayev, Varşava Dövlət Universitenin professoru Nərgiz Axundova, Adam Miskevic Universitetinin professoru Eva Domanska Holokost, Xocalı, Srebrenitsa və Katın kimi faciələrin tarixi, oxşar və fərqli cəhətlərindən danışıblar.

Konfrans müzakirə formatında davam edib.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/krakovda-xocali-soyqirimi-ile-elaqedar-konfrans-teskil-edilib-2461

Berlindəki “Azərbaycan dili” kurslarında bayram şənliyi təşkil edilib

Abdullah Yiğit — Fri, 06 Jan 2023 18:35:34 +0000

Berlindəki “Azərbaycan dili” kurslarında bayram şənliyi təşkil edilib
6 yanvar, 2023
Berlindəki “Azərbaycan dili” kurslarında bayram şənliyi təşkil edilib
Almaniyanın paytaxtı Berlin şəhərində yerləşən “Xarı Bülbül” Mədəniyyət Evində fəaliyyət göstərən “Azərbaycan dili” kurslarında Yeni ilə həsr olunmuş bayram şənliyi keçirilib.

Tədbirdə çıxış edən “Xarı Bülbül” Cəmiyyətinin sədri, Almaniya Azərbaycan Alyansının İdarə Heyətinin sədr müavini Sevda Badaliouri (Qəribova) məktəbliləri bayram münasibətilə təbrik edib.

Şənlik zamanı məktəblilər Azərbaycan dilində şeirlər, mahnılar səsləndirib, rəqs edib və müxtəlif əyləncəli oyunlar oynayıblar.

Gəlişi ilə uşaqları sevindirən Şaxta baba balacalara hədiyyələr paylayıb.

Play

Mute

Settings

Enter fullscreen

Play

dostların arasında bunu ilk tövsiyyə edən sən ol

Kaynak:http://diaspor.gov.az/az/news-detail/berlindeki-azerbaycan-dili-kurslarinda-bayram-senliyi-teskil-edilib-2163

Bakıda “Xarı bülbül əfsanəsi” sənədli filmi təqdim edilib

Abdullah Yiğit — Sun, 20 Nov 2022 11:34:00 +0000

Bakıda “Xarı bülbül əfsanəsi” sənədli filmi təqdim edilib
2022

Bakıda “Xarı bülbül əfsanəsi” sənədli filmi təqdim edilib

İsveçli fotoqraf, operator Mikael Silkeberqin ölkəmizin mədəniyyət paytaxtı Şuşaya həsr etdiyi “Xarı bülbül əfsanəsi” sənədli filminin Zəfər Günü çərçivəsində təqdimatı keçirilib.

Nizami Kino Mərkəzində baş tutan tədbirdə çıxış edən filmin rejissoru, Stokholm Azərbaycan Mədəniyyət Mərkəzinin sədri Rəhim Sadıqbəyli 44 günlük Vətən müharibəsində qazandığımız Qələbəyə görə Müzəffər Al Baş Komandana və Ordumuza təşəkkür edib. Azərbaycan dövlətinin hər zaman xaricdə yaşayan azərbaycanlıların yanında olduğunu məmnunluqla vurğulayan rejissor bildirib ki, bu, soydaşlarımız üçün ikiqat məsuliyyət yaratdığından, Azərbaycanı hər zaman layiqincə təmsil etməyə çalışırlar.

Filmin ideyasından danışan rejissor xatırladıb ki, bu, Mikael Silkeberqin ötən il Şuşa, Füzuli və Ağdama səfərindən sonra baş verib. Həmin səfər zamanı çəkilən fotolar Azərbaycanın İsveç, Norveç və Finlandiyadakı səfiri Zaur Əhmədovun təşəbbüsü ilə Stokholmda keçirilən sərgidə nümayiş etdirilib. Sərgidən sonra isə unikallığı ilə seçilən film ərsəyə gətirilib. Filmin İsveçin İctimai kanalı vasitəsilə nümayiş etdirildiyi nəzərə çatdırılıb.

Rejissor ekran əsərinin ərsəyə gəlməsinə dəstək olan təşkilatlara, o cümlədən Diasporla İş üzrə Dövlət Komitəsinə minnətdarlığını bildirib.

Tədbirdə çıxış edən Mədəniyyət Nazirliyinin İnteraktiv və audiovizual media şöbəsinin müdiri Rüfət Həsənov və başqaları sənədli filmin “Böyük qayıdış” prizması baxımından əhəmiyyətindən danışıb, filmin xarici kino adamının baxışı ilə təqdim olunmasını önəmli cəhətlərdən biri adlandırıb.

Mikael Silkeberq çıxışı zamanı yenidən Azərbaycana gəlişindən məmnunluğunu ifadə edərək, filmin ərsəyə gəlməsində dəstək olanlara və tədbir iştirakçılarına minnətdarlığını bildirib.

Sonra “Xarı bülbül əfsanəsi” sənədli filmi nümayiş etdirilib.

Qeyd edək ki, filmdə görkəmli elm və mədəniyyət xadimlərinin Qarabağ və Şuşa haqqında fikirləri, həmçinin tarixi şəxsiyyətlər barədə kadrlar yer alıb. Qərb alimlərinin Şərq mədəniyyəti, Azərbaycan ədəbiyyatı, musiqisi, muğamı və təbiəti ilə bağlı düşüncələri filmin əsas xəttini təşkil edib.

FOTO QALEREYA

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/bakida-xari-bulbul-efsanesi-senedli-filmi-teqdim-edilib-1954