Sankt-Peterburqda azərbaycanlıların Leninqradın müdafiəsində göstərdikləri şücaətdən danışılıb

, 2023

Sankt-Peterburqda azərbaycanlıların Leninqradın müdafiəsində göstərdikləri şücaətdən danışılıb

Sankt Peterburq şəhərində Leninqradın blokadasının yarılmasının 80 illiyi çərçivəsində azərbaycanlıların Rusiyanın şimal paytaxtının müdafiəsində nümayiş etdirdiyi qəhrəmanlıqlara həsr olunmuş mədəni-maarifçilik tədbiri keçirilib.

“Sankt-Peterburq və Leninqrad vilayəti üzrə Azərbaycan Milli-Mədəniyyət Muxtariyyəti”nin təşkilatçılığı və müvafiq dövlət qurumlarının dəstəyi ilə Sankt-Peterburq Dövlət Tarix Muzeyində baş tutan tədbirdə yerli hökumətin, ictimaiyyətin, Azərbaycanın Sankt-Peterburqdakı Baş konsulluğunun, Azərbaycan diasporunun nümayəndələri və Bakıdan gələn qonaqlar iştirak ediblər.

Tədbir II Dünya müharibəsində azərbaycanlıların iştirakını, hünərini əks etdirən tarixi faktların təqdimatı ilə başlayıb.

Sonra tədbirdə “Sankt-Peterburq və Leninqrad vilayəti üzrə Azərbaycan Milli-Mədəniyyət Muxtariyyəti”nin sədri Vaqif Məmişov, Azərbaycan Respublikasının Sankt-Peterburqdakı Baş konsulu Sultan Qasımov, Sankt-Peterburqun beynəlxalq əlaqələr üzrə komitəsinin sədr müavini Yevgeni Kassyura, şəhər qanunvericilik məclisinin deputatı, “Vahid Rusiya” hakim partiyası fraksiyasının rəhbəri Pavel Krupnik, Rusiya Federasiyası Xarici İşlər Nazirliyinin Sankt-Peterburqdakı nümayəndəliyinin başçısı Vladimir Zapevalov, blokada Leninqradının sakini Vera Rakova, Azərbaycan Dövlət İqtisad Universitetinin elmi fəaliyyətin təşkili və idarəedilməsi departmentinin direktoru, iqtisad elmləri doktoru, professor Zahid Məmmədov, Sankt-Peterburqda millətlərarası münasibətlər və miqrasiya siyasətinin həyata keçirilməsi komitəsinin sədri Oleq Kapitanov, Leninqrad vilayətinin yerli özünüidarə, millətlərarası və konfessiyalararası münasibətlər komitəsi sədrinin müavini Andrey Panov və başqaları çıxış ediblər. Onlar Leninqradı müdafiə edən qəhrəmanlara, o cümlədən azərbaycanlılara göstərdikləri fədakarlıqlara və şücatətlərə görə minnətdarlıqlarını və ehtiramlarını bildiriblər. Tədbirin ictimai şüura, şəhərin və bütövlükdə ölkənin mədəni irsinə mühüm töhfə olduğu vurğulanıb.

Bədii hissədə Timofey Uboqix və Anna Sudarevanın skripkada ifasında konsert proqramı təqdim edilib.

Tədbir çərçivəsində Leninqradın qəhrəman müdafiəçilərinin şərəfinə ucaldılmış monument ziyarət edilib, Leninqardın müdafiəsini və blokadasını əks etdirən ekspozisiya nümayiş olunub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/sankt-peterburqda-azerbaycanlilarin-leninqradin-mudafiesinde-gosterdikleri-sucaetden-danisilib-3860

Sankt-Peterburqdakı soydaşlarımız yerli ictimaiyyəti birliyə və həmrəyliyə çağırıb

, 2023

Sankt-Peterburqdakı soydaşlarımız yerli ictimaiyyəti birliyə və həmrəyliyə çağırıb

Rusiyanın Sankt-Peterburqda yaşayan Azərbaycan icması millətlərarası münasibətlərə və milli-mədəni müxtəlifliyə böyük zərbə vuracaq xoşagəlməz insidentlə bağlı şəhər ictimaiyyətinə müraciət edib.

“Sankt-Peterburq və Leninqrad vilayətinin Azərbaycan Milli-Mədəni Muxtariyyəti” şəhər ictimai birliyinin nəzdində fəaliyyət göstərən Azərbaycanlı Gənclər Birliyinin adından yayılmış bəyanatda bildirilib ki, soydaşlarımız Sankt-Peterburq şəhərinin günahsız sakinlərinə hücumda iştirak etməsi ilə bağlı videoları çəkilən gənclərin əməllərini qətiyyətlə hiddətlə pisləyir.

Bildirilib ki, həmin hərəkətlər dərin hiddət və narazılıq doğurur: “Bu gənclərin əməlləri dəyərlərimizə ziddir, nifrət doğurur, millətlərarası harmoniyanın əsaslarını sarsıdır”.

Nəzərə çatdırılıb ki, bu insident Sankt-Peterburqda və Leninqrad vilayətində millətlərarası münasibətlər üçün mümkün mənfi nəticələrlə bağlı narahatlıqları da artırıb. Çünki bu cür hərəkətlərin uzun müddət harmoniya şəraitində yaşayan müxtəlif mədəniyyətlər və xalqlar arasında qarşılıqlı anlaşmanın və tolerantlığın pozulmasına gətirib çıxarmasına yol vermək olmaz: “Şəhərimizin bütün vətəndaşlarını həmrəyliyə və əməkdaşlığa çağırırıq. Biz asayişi qorumalı, eyni zamanda cəmiyyətimizdə millətlərarası münasibətlərin möhkəmlənməsinə çalışmalıyıq”.

Azərbaycanlı Gənclər Birliyi şəhər ictimaiyyətini qanunlara əməl etməyə, həmrəyliyə və tolerantlığa çağırıb: “Biz ədalətə və qanuna inanırıq. Bildiyimiz kimi, Rusiya İstintaq Komitəsinin rəhbəri Aleksandr Bastrıkin bu hadisə ilə bağlı cinayət işinin başlanmasına göstəriş verib. Bu, təqsirkarların müəyyən edilməsi və qanun qarşısında məsuliyyətə cəlb edilməsi istiqamətində mühüm addımdır. Ədalətin bərqərar olacağına və günahkarların məsuliyyətə cəlb ediləcəyi əminliyi ilə Sizə müraciət edirik. Bu cür insidentləri pisləyək, çoxmillətli və çoxkonfessiyalı gözəl şəhərimizdə sülh və əmin-amanlığı qoruyaq! Biz qanuna və insan həyatına hörmət etməyə, müxtəlif mədəniyyətlər və millətlər arasında həmrəyliyə və tolerantlığa çağırırıq”.

Qeyd edək ki, bəzi bloggerlərin məlumatlarında və “Telegram” kanallarında etnik azərbaycanlılardan ibarət quldur dəstəsinin yerli sakinlərə hücumlar etməsi, bu cinayətləri diasporun və polislərin ört-basdır etməsi barədə məlumatlar yayılıb. İnternetdə Sankt-Peterburqda yaşayan azərbaycanlıları yolverilməz üsullarla cəzalandırmağa dair qorxunc və təhlükəli çağırışlar yer alıb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/sankt-peterbirqdaki-soydaslarimiz-yerli-ictimaiyyeti-birliye-ve-hemreyliye-cagirib-3683

Sankt – Samsun Ekspress

Həştərxanda “Teatr Deltası” III Beynəlxalq Festival-Forum açılıb

Sankt-Peterburqda azərbaycanlıların Leninqradın müdafiəsində göstərdikləri şücaətdən danışılıb

Sankt-Peterburqdakı soydaşlarımız yerli ictimaiyyəti birliyə və həmrəyliyə çağırıb