Rəna Müslümova – Samsun Ekspress https://samsunekspress.com Tue, 07 Mar 2023 21:19:29 +0000 tr hourly 1 https://samsunekspress.com/wp-content/uploads/2025/03/cropped-Samsun-32x32.webp Rəna Müslümova – Samsun Ekspress https://samsunekspress.com 32 32 Ottavada Azərbaycan icması ilə görüş olub https://samsunekspress.com/ottavada-az%c9%99rbaycan-icmasi-il%c9%99-gorus-olub-h41851.html Tue, 07 Mar 2023 21:19:29 +0000 https://1453kralmedya.com/ottavada-az%c9%99rbaycan-icmasi-il%c9%99-gorus-olub-h41851.html

 

 

 

 

Ottavada Azərbaycan icması ilə görüş olub

7 mart, 2023

Ottavada Azərbaycan icması ilə görüş olub

Kanadaya səfər çərçivəsində Diasporla İş üzrə Dövlət Komitəsinin şöbə müdiri Səlhət Abbasovanın Ottava və Monreal şəhərlərində yaşayan Azərbaycan icmasının üzvləri ilə görüşü keçirilib.

Görüşdə Azərbaycanın Kanadadakı müvəqqəti işlər vəkili Vasif Abutalıbov, Kvebek Azərbaycanlıları Assosiasiyasının sədri Məsud Əliyev, Monreal Kanada-Azərbaycan Cəmiyyətinin rəhbəri Rəna Müslümova, “Qarabağ” həftəsonu Azərbaycan dili məktəbinin həmtəsisçiləri Vüsalə Əhmədova və Nigar Əliyeva, müəllimi Axsura Rəhimli, Diaspor Gənclərinin Yay düşərgələrinin Kanadadan olan iştirakçıları, eləcə də Azərbaycan icmasının digər fəalları iştirak ediblər.

Tədbir iştirakçılarını salamlayan Komitənin şöbə müdiri Qarabağ həqiqətlərinin Kanada ictimaiyyətinə çatdırılması naminə göstərdikləri təşəbbüslərinə və fəaliyyətlətinə görə Azərbaycan icmasına minnətdarlığını bildirib, birgə əməkdaşlığın böyük əhəmiyyətə malik olduğunu vurğulayıb.

Tədbirdə Kvebek Azərbaycanlıları Assosiasiyasının sədri Məsud Əliyev və Dünya Azərbaycanlılarının V Qurultayının iştirakçısı Vüsalə Əhmədova çıxış ediblər. Azərbaycan diasporunun istiqamətləndirilməsində, mütəşəkkil fəaliyyətində Diasporla İş üzrə Dövlət Komitəsinin əvəzsiz rolu olduğu, bu cür münsibətin Azərbaycan diasporunu ruhlandırdığı vurğulanıb. Belə diqqətin “Qarabağ” həftəsonu Azərbaycan dili məktəbinə davamlı olaraq göstərildiyi, Ottavada yaşayan Azərbaycan icmasının, bu məktəbin şagirdlərinin diaspor fəaliyyətinə cəlb olunmasında və müvafiq materiallarla təminatında mühüm rol oynadığı nəzərə çatdırılıb.

Görüş Ottava və Monreal şəhərində yaşayan diaspor nümayəndələrinin fəaliyyətləri, Azərbaycan həqiqətlərinin Kanada ictimaiyyətinə daha güclü şəkildə çatdırılması və gələcək layihələrlə bağlı birgə əməkdaşlıq məsələlərinin müzakirəsi ilə davam edib.

Tədbirin sonunda “Qarabağ” məktəbinə Azərbaycan dili kitabı və Fransada yaşayan diaspor nümayəndəsi Günel Atkinsonun təşəbbüsü ilə ərsəyə gəlmiş “Ağsaqqal” oyunu, eləcə də icma üzvlərinə kiçik suvenirlər və digər təbliğat materialları təqdim olunub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/ottavada-azerbaycan-icmasi-ile-gorus-olub-2566

 

 

 

]]>