Qlazqo – Samsun Ekspress

Qlazqo Universitetinin tələbələri Azərbaycanda keçiriləcək COP29-la bağlı məlumatlandırılıb

Abdullah Yiğit — Thu, 02 May 2024 12:12:09 +0000

Qlazqo Universitetinin tələbələri Azərbaycanda keçiriləcək COP29-la bağlı məlumatlandırılıb

2024

Qlazqo Universitetinin tələbələri Azərbaycanda keçiriləcək COP29-la bağlı məlumatlandırılıb

Şotlandiyanın Qlazqo Universitetində azərbaycanlı tələbələrin təşkilatçılığı ilə “Yaşıl gələcək” (“Green Future”) adlı tədbir keçirilib. Xarici tələbələrin də iştirak etdiyi tədbirdə noyabrda Azərbaycanda keçiriləcək Birləşmiş Millətlər Təşkilatının İqlim Dəyişikliyi Konfransının 29-cu Sessiyası – COP29 çərçivəsində indiyə qədər görülən və bundan sonra həyata keçiriləcək işlər haqqında məlumatlar verilib, videolar göstərilib.

Tədbirdə UNEC Empirik Araşdırmalar Mərkəzinin direktor müavini, Qlazqo Universitetinin tələbəsi Nicat Muradzadə videotəqdimatla çıxış edib və ətraf mühitin qorunmasının ölkəmizin prioritet vəzifələrindən olduğunu deyib. Eyni zamanda, ekoloji maarifləndirmə tədbirlərinin həyata keçirilməsinin əhəmiyyətini qeyd edib, işğaldan azad olmuş bölgələrdə yaşıllığa, təbiətə diqqət və qayğı göstərilməsini vurğulayıb. Daha sonra Kalqari Universitetinin müəllimi Səbinə İsgəndərova, Azərbaycan Bərpa Olunan Enerji Agentliyinin (AREA) direktor müavini Kamran Hüseynovun çıxışları dinlənilib. Tədbirdə Azərbaycanın müxtəlif bölgələrinin yaşıllığını, təbiətini əks etdirən şəkillər nümayiş olunub.

Tədbirin sonunda isə hər kəsə yaşıl dünya naminə simvolik olaraq gül və bitki toxumları hədiyyə edilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/qlazqo-universitetinin-telebeleri-azerbaycanda-kecirilecek-cop29-la-bagli-melumatlandirilib-4606

Qlazqo Universitetinin tələbələri ilə görüş olub

Abdullah Yiğit — Fri, 22 Dec 2023 18:35:58 +0000

Qlazqo Universitetinin tələbələri ilə görüş olub

2023

Qlazqo Universitetinin tələbələri ilə görüş olub

Birləşmiş Krallığa səfər çərçivəsində Diasporla İş üzrə Dövlət Komitəsinin şöbə müdiri Səlhət Abbasovanın Şotlandiyanın Qlazqo şəhərində yerləşən ən qədim ali təhsil ocaqlarından biri olan Qlazqo Universitetində azərbaycanlı tələbələrlə görüşü keçirilib.

Qlazqo Universitetində fəaliyyət göstərən Azərbaycan Cəmiyyətinin təşkilatçılığı ilə baş tutan görüş zamanı Azərbaycan dövlətinin diaspor siyasəti, Komitənin fəaliyyət istiqamətləri, müasir Azərbaycan dövlətinin qurucusu Heydər Əliyevin dünya azərbaycanlılarının tarixi vətən və azərbaycançılıq məfkurəsi ətrafında birləşməsi istiqamətində qəbul etdiyi qərarlar və atdığı addımlar barədə danışılıb.

Qlazqonun digər universitetlərində də təhsil alan tələbələri və mütəxəssisləri bir araya gətirməklə Azərbaycan Cəmiyyətinin gənclərimizin həmrəyliyi, asudə vaxtının təşkili və Azərbaycanı təbliğ olunması məqsədilə layihələr həyata keçirməyə çalışdığı diqqətə çatdırılıb.

Əksəriyyəti xaricdə təhsil üzrə Dövlət Proqramı çərçivəsində təhsil alan tələləbələr müzakirələrdə fəal iştirak edərək, təcrübələrini və gələcək planlarını həvəslə bölüşüblər. Tələbələrimizin yüksək təhsil almaqla yanaşı, hər zaman zəngin mədəniyyətimizi təbliğ etməyə çalışdıqları, Azərbaycan həqiqətlərini yerli və digər millətlərin təmsilçiləri ilə paylaşdıqları vurğulanıb. Azərbaycanın multikultural mühitində formalaşan soydaşlarımızın təhsil və ya kommunikasiya-inteqrasiya məsələləri baxımından hər hansı çətinliklə qarşılaşmadığı, qarşılıqlı hörmətin hökm sürdüyü mühitə çox asan uyğunlaşdıqları bildirilib.

Diasporla İş üzrə Dövlət Komitəsinin adından hədiyyə olunan kitab və suvenirləri məmnunluqla qarşılayan gənclərimiz universitetin kitabxanasına daha çox kitabın təqdim olunması istiqamətində Azərbaycan Cəmiyyətinin fəalları ilə birgə çalışacaqlarını söyləyiblər.

Tədbirin sonunda Komitənin şöbə müdiri Dünya Azərbaycanlılarının Həmrəyliyi Günü və Yeni il münasibətilə gənclərimizi təbrik edib, görüşün təşkilinə görə Azərbaycan Cəmiyyətinin rəhbəri Nərmin Əliyevaya minnətdarlığını bildirib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/qlazqo-universitetinin-telebeleri-ile-gorus-olub-3988

Qlazqoda “Azərbaycan Cəmiyyəti” təsis edilib

Abdullah Yiğit — Wed, 22 Feb 2023 08:21:51 +0000

Qlazqoda “Azərbaycan Cəmiyyəti” təsis edilib
22 fevral, 2023
Qlazqoda “Azərbaycan Cəmiyyəti” təsis edilib
Şotlandiyanın Qlazqo və Stratklayd (Strathclyde) universitetlərində təhsil alan azərbaycanlı tələbələrin təşəbbüsü ilə “Azərbaycan Cəmiyyəti” yaradılıb.

Təsis konfransını giriş sözü ilə açan cəmiyyətin sədri Ləman Əliyeva bildirib ki, Qlazqo şəhərində azərbaycanlı tələbələrin sayının çox olması belə təşkilatın yaradılmasını zəruri edib. Başlıca məqsəd azərbaycanlı tələbələri bir araya gətirmək, vətənimizi yerli ictimaiyyətə tanıtmaq, bu istiqamətdə layihələrin və tədbirlərin həyata keçirilməsindən ibarətdir.

Sonra Azərbaycan haqqında geniş təqdimat nümayiş etdirilib. Ölkəmizin qədim tarixi, zəngin mədəniyyəti, adət-ənənələri, milli mətbəxi və füsunkar təbiəti barədə ətraflı məlumat verilib.

Tədbirin bədii hissəsində Azərbaycan rəqsləri, xüsusilə də birlik və həmrəylik rəmzi olan “Yallı” rəqsi təqdim olunub, milli musiqilərimiz səsləndirilib.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/qlazqoda-azerbaycan-cemiyyeti-tesis-edilib-2425