Millet vekili Meşhur Memmedov,

1453 Kral Medya – Türkiye

25 noyabr Kəlbəcər sakinləri üçün çox önəmli bir gündür. Bu gün Kəlbəcər şəhərinin işğaldan azad olunmasının tarixidir. 2020-ci ilin noyabr ayında, 27 illik işğaldan sonra Kəlbəcər azad edilib. Bu tarix, həm də Azərbaycanın gücünü və dövlət-xalq-ordu birliyini, xalqın əzmini nümayiş etdirən bir gündür.
Kəlbəcər, Azərbaycan xalqının tarixi və mədəni irsinin zəngin olduğu bir bölgədir. Dağlarla əhatə olunmuş və gözəl təbiəti ilə tanınan bir yer olub, çox sayda tarixi abidələrə, məscidlərə və təbiət mənzərəsinə, təbii sərvətlərə sahibdir. Kəlbəcərin yerləşdiyi ərazi həm də Azərbaycanın strateji əhəmiyyətə malik bölgələrindən biridir. Azərbaycanın ən yüksək dağ rayonu olan Kəlbəcərin ərazisinin çox hissəsi meşəlikdir. Kəlbəcər qərbdə Ermənistan Respublikası, şimalda Daşkəsən, Göygöl, Goranboy, şimali-şərqdə Tərtər, şərqdə Ağdam, Xocalı, cənubda Laçın rayonları ilə həmsərhəddir.
Bu baxımdan, şəhərin işğalı, yalnız yerli əhalinin yox, bütün Azərbaycan xalqının böyük bir itkisi idi. Kəlbəcər rayonu 1993-cü il 2 aprel tarixində Ermənistan Respublikasının Silahlı Qüvvələri tərəfindən işğal edilmişdir.

İşğal zamanı 511 dinc sakin öldürülüb, 321 adam əsir götürülüb və itkin düşüb. İşğal nəticəsində Kəlbəcərin əhalisi respublikanın 56 rayonunun 770 yaşayış məntəqəsində müvəqqəti məskunlaşmağa məcbur oldu. Dağıdılmış rayonun milyardlarla manatlıq sərvəti Ermənistana daşındı.

BMT Təhlükəsizlik Şurasının 30.04.1993-cü il tarixli 822 saylı Qətnaməsində işğalçı qüvvələrin Kəlbəcər və Azərbaycanın bütün digər işğal olunmuş rayonlarından dərhal çıxarılması tələb olunurdu. Lakin rəsmi İrəvan həmin Qətnaməni icra etmədi. Nədənsə, özlərini ədalət carçısı, demokratik hesab edən beynəlxalq təşkilatlar da Qətnamənin icrasını tələb etmədi.

Bundan ürəklənən Ermənistan qeyri-qanuni məskunlaşdırma siyasəti apardı. BMT-nin və ATƏT-in prinsiplərinə zidd olaraq 1999-cu ildən Kəlbəcər rayonu ərazisində ermənilərin məskunlaşdırılmasına başlanıldı.

Vətən Müharibəsi ilə sübut etdik ki, qloballaşan dünyada Qətnamələr yox, güclər itirilən torpaqları geri aldı. Vətən müharibəsində əldə etdiyimiz Qələbə nəticəsində imzalanmış 10 noyabr 2020-ci il tarixli Üçtərəfli Bəyanata əsasən Kəlbəcər rayonu noyabrın 25-də Azərbaycana təhvil verildi. Kəlbəcər şəhəri də daxil olmaqla, rayonun 147 yaşayış məntəqəsi işğaldan azad edildi.

Prezident İlham Əliyevin 31 iyul 2023-cü il tarixli Sərəncamı ilə Azərbaycan Respublikasının işğaldan azad edilmiş əraziləri üzrə şəhər günləri təsis edilmişdir. Sözügedən Sərəncama əsasən 25 noyabr Kəlbəcər şəhəri günü kimi müəyyən olub.

Cənab prezident İlham Əliyevin çıxışlarından birində qeyd etdiyi kimi, Vətən müharibəsinin ilk günlərində döyüşlər gedən zaman Kəlbəcərin şimal hissəsi Azərbaycan Silahlı Qüvvələri tərəfindən işğalçılardan azad edildi. Biz Kəlbəcərin şimal hissəsində strateji yüksəklikləri götürərək erməni silahlı qüvvələrinin hərəkətlərini bu istiqamətdə böyük dərəcədə məhdudlaşdıra bildik və faktiki olaraq onlar Basarkeçər-Kəlbəcər yolundan istifadə edə bilmədilər. Bəzi istiqamətlərdə strateji nöqtələri götürərək Ermənistan ordusunun hərəkətlərini demək olar ki, iflic vəziyyətə salmışdıq.

Üçtərəfli Bəyanatın şərtlərinə əsasən Kəlbəcərin ermənilərdən boşaldılması işğalçının eybəcər siması və barbarlığının, erməni vandalizminin növbəti nümayişi oldu.

Kəlbəcərdən qaçan qeyri-qanuni sakinlər rüsvayçı hərəkətləri və barbar davranışları ilə yadda qaldılar. Azərbaycanlılara qalmaması üçün evlərə, bağlara od vuranlar öz vəhşi xislətlərini nümayiş etdilər. Beynəlxalq ictimaiyyətin gözü qarşısında baş verən bu vəhşiliklər bir daha erməni vandalizmini dünya birliyinə nümayiş etdirdi. İşğal olunmuş ərazilərdə ekologiyaya ziyan vurulması və mülki obyektlərin dağıdılması beynəlxalq konvensiyalara görə hərbi cinayət sayılır.

2020-ci ilin noyabrında Kəlbəcər işğaldan azad edildikdən sonra, prezident İlham Əliyev bu ərazinin bərpası və yenidən qurulmasına ciddi diqqət yetirir.

Kəlbəcər şəhərində ilk yaşayış məhəlləsi 3,26 hektar ərazidə layihələndirilib. Yaşayış məhəlləsinin konsepsiyası Dövlət Şəhərsalma və Arxitektura Komitəsinin sifarişi ilə icra olunan Baş plan layihəsi çərçivəsində hazırlanıb. Məhəllədə dördmərtəbəli 3 və ikimərtəbəli 10 yaşayış binasının inşası nəzərdə tutulur. Burada 112 mənzildə ümumilikdə 460 nəfərdən çox sakin yaşayacaq. Məhəllədəki məktəbin ətrafında salınacaq yaşıllıq ərazi ictimai məkan funksiyasını yerinə yetirməklə əhalinin asudə vaxtının səmərəli keçirilməsinə xidmət edəcək.

Bölgədə infrastruktur yenidən qurulur. Toğanalı-Kəlbəcər-İstisu avtomobil yolunun tikintisinin 67,5 faizi tamamlanıb. Yolun uzunluğu 82 kilometrdir. I, II və III texniki dərəcəli yol iki, üç və dörd hərəkət zolağından ibarət olacaq. Bu yolun üzərindəki 5 tunelin ümumi uzunluğu 25,9 kilometrdir.
Bölgənin enerji ehtiyatlarından səmərəli istifadə edilir. Kəlbəcər rayonunun ərazisində Tərtər çayın sol qolu olan Meydan çayının üzərində 3,4 meqavatlıq kiçik su elektrik stansiyası tam yenidən qurulub. Rayonun qərbində Tərtər çayı üzərində yerləşən 8,33 meqavat gücündə “Çıraq-1” və 5,3 meqavat gücündə olan “Soyuqbulaq”, Qaraarxac çayı üzərində 3,6 meqavat gücündə “Çıraq-2” Kiçik Su Elektrik stansiyaları “AzərEnerji” ASC tərəfindən tamamilə yenidən qurulub.

Müzəffər Ali Baş Komandan İlham Əliyevin azad olunmuş Kəlbəcərə səfərləri və görülən işlər də sübut edur ki, Kəlbəcərin yenidən qurulması üçün mühüm addımlar atılıb. Prezident İlham Əliyev Kəlbəcər və ətraf bölgələrin bərpası ilə bağlı xüsusi layihələrin icrası üçün sərəncamlar imzalayıb. Bu layihələrə şəhərsalma, infrastrukturun yenilənməsi, su və elektrik təchizatı, yaşayış binalarının tikintisi və sosial obyektlərin qurulması daxildir.

Kəlbəcərin bərpası yalnız infrastrukturun yenidən qurulması ilə məhdudlaşmır. Dövlət tərəfindən göstərilən dəstək, həyata keçirilən layihələr sayəsində regionun iqtisadi inkişafı sürətlənir.
Kəlbəcər şəhəri günü yüksək əhval-ruhiyyə ilə qeyd edilir. Bu tarix Azərbaycanın müstəqilliyini və ərazi bütövlüyünü təmin etmək üçün göstərilən səylərin xatırlanmasıdır. Kəlbəcərin azad olunması, təkcə bu şəhərin sakinləri üçün deyil, bütün Azərbaycan xalqı üçün böyük bir qələbə simvoludur.

Gələcəkdə Kəlbəcər, sadəcə mədəni-tarixi abidələrə və təbii sərvətə sahib bir rayon olmaqla qalmayacaq, həm də Azərbaycanın iqtisadi inkişafına töhfə verəcək bir mərkəzə çevriləcək. Buradakı bərpa işləri, strateji əhəmiyyətli rayonu daha da inkişaf etdirəcək.

25 noyabr Kəlbəcər Şəhəri Günü, Azərbaycanın müstəqilliyi, ərazi bütövlüyü və dövlət-ordu-xalq birliyinin bariz nümunəsi olaraq gələcək nəsillərə örnək olacaq.

Ülker PİRİYEVA/AZERBAYCAN

Millet vekili Meşhur Memmedov,

1453 Kral Medya – Türkiye

Azərbaycan COP29-a ev sahibi olduqdan sonra inkişaf edən kiçik ada dövlətləri ilə münasibətlərimiz yeni, daha yüksək səviyyəyə qalxıb.

Kiçik ada dövlətlərinin səsi qlobal arenada eşidilməlidir. İnkişaf etmiş bütün ölkələr, xüsusən də müstəmləkə keçmişi olan ölkələr kiçik ada dövlətlərinə maddi və texniki dəstək göstərməlidir ki, onlar ölkələrini iqlim dəyişmələrinin fəsadlarından qoruya bilsinlər. İqlim dəyişmələri hər bir ölkəyə, o cümlədən Azərbaycana təsir göstərir. Xəzər dənizi ilbəil daha da dayazlaşır, çaylarımızda daha az su, dağlarımızda daha az qar var. Əfsuslar ki, keçmişdə heç vaxt görmədiyimiz daşqınlar və kəskin yağışlar bu gün reallıqdır. Hər bir ölkə təsirə məruz qalır, lakin kiçik ada dövlətləri üçün bu ekzistensial təhlükədir.

İqlim dəyişikliyi kiçik ada dövlətləri üçün ciddi bir təhdiddir, çünki bu ölkələr əsasən okeanlara yaxın ərazilərdə yerləşir və iqlim dəyişikliklərinin nəticələrindən ən çox təsirlənənlərdəndir. Dəniz səviyyəsinin yüksəlməsi, tropik fırtınalar və digər təbii fəlakətlər bu ölkələrin ərazisini daha da kiçildir, iqtisadiyyatlarına və həyat şəraitlərinə böyük ziyan vurur.

Bu vəziyyət, kiçik ada dövlətlərinin çoxu üçün mövcud olan həyat və inkişaf imkanlarını təhdid edir. Həmçinin, bu dövlətlərin əksəriyyəti coğrafi və iqtisadi baxımdan zəifdirlər və iqlim dəyişikliyinin təsirləri ilə mübarizə aparmaq üçün yetərli resurslara malik deyillər. Bu səbəbdən, onlar ətraf mühitin qorunması, davamlı inkişaf və iqlim dəyişikliyi ilə mübarizə məsələlərində beynəlxalq dəstəyə ehtiyac duyurlar.

Azərbaycan kiçik ada dövlətlərinə özünün birmənalı dəstəyini nümayiş etdirir.
Həmin ölkələrin üzləşdiyi çağırışların aradan qaldırılması COP29-da Azərbaycanın göstərdiyi səylərin əsasını təşkil edir.

Bu ilin mayında COP-la bağlı planlarını müzakirə etmək üçün Baham adalarının, Tonqanın və Tuvalunun rəhbərləri Azərbaycana səfər etdilər. Qəbul olunmuş Bakı Kommünikesində COP29-da mənalı nəticələrin əldə olunmasına çağırış edilir və əlçatan iqlim maliyyəsinin vacibliyi qeyd olunur. Bu ilin sentyabrında İtki və Zərərə Cavab Fondunun fəaliyyətə başlaması ilə bağlı Bakıda ciddi irəliləyiş əldə olunmuşdur. Hazırda proses ehtiyac duyan ölkələrə, xüsusən də kiçik ada dövlətlərinə maliyyənin verilməsi üçün tamamlanmalıdır. Bu yay Azərbaycan Tonqada Millətlər Birliyi ilə Birgə Bəyannamə imzaladı.
Prezident İlham Əliyev öz çıxışlarında bu mövzuya toxunaraq, Azərbaycanın kiçik ada dövlətləri ilə həmrəy olduğunu, onların inkişafına və ekoloji məsələlərə daha çox diqqət yetirilməsi gərəkdiyini vurğuladı. Eyni zamanda, Azərbaycanın iqlim dəyişikliyi ilə mübarizə sahəsindəki təcrübəsini və beynəlxalq əməkdaşlıqda göstərdiyi fəallığı da bu mövzuda yardım etmək istəyən ölkələrə nümunə göstərərək bildirdi ki, bu cür əməkdaşlıq, kiçik ada dövlətlərinin qarşılaşdıqları problemlərin həlli üçün mühüm rol oynaya bilər.

Cənab İlham Əliyev çıxışında Azərbaycanda həyata keçirilən dayanıqlı enerji keçidinə dair təcrübələrini paylaşaraq, bu sahədə kiçik ada dövlətlərinə dəstəyin vacibliyini vurğuladı. Dayanıqlı inkişaf, xüsusilə enerji keçidi, dünya miqyasında əhəmiyyətli məsələlərdən biridir. Azərbaycan, müxtəlif enerji mənbələrinə, o cümlədən bərpa olunan enerji sahələrinə olan marağını artıraraq, bu istiqamətdə mühüm addımlar atmaqdadır. Bu, ölkənin iqlim dəyişikliyinə qarşı mübarizədə iştirakını gücləndirir və beynəlxalq səviyyədə həmrəyliyi təbliğ edir.

Azərbaycanın təcrübəsi, bərpa olunan enerji mənbələrinin istifadəsi, enerji səmərəliliyi və karbon emissiyalarının azaldılması məsələlərində kiçik ada dövlətləri üçün faydalı ola bilər. Bu dövlətlər, məhdud resurslarla iqlim dəyişikliyinin təsirlərinə qarşı mübarizə aparmağa çalışır və dayanıqlı enerji keçidi onların iqtisadiyyatını gücləndirmək və ətraf mühiti qorumaq üçün vacib bir yol ola bilər.
Prezident İlham Əliyev, kiçik ada dövlətlərinin enerjiyə olan ehtiyaclarını qarşılamaq üçün Azərbaycanın bu sahədə təcrübə paylaşımına hazır olduğunu ifadə edərək, beynəlxalq əməkdaşlığın əhəmiyyətini bir daha vurğuladı. Azərbaycanın bu sahədəki texnoloji inkişafları və siyasətləri, kiçik ada dövlətlərinə dayanıqlı enerji sistemləri qurmaqda və iqlim dəyişikliyinin qarşısını almaqda dəstək verə bilər.
Prezident İlham Əliyev COP29 çərçivəsində inkişaf etməkdə olan kiçik ada dövlətlərinin Sammitində çıxışı zamanı qətiyyətlə vurğuladı ki, Azərbaycan Qoşulmama Hərəkatının sədri kimi kiçik ada dövlətlərinə hər zaman dəstək verib, COP29-un sədri kimi onları dəstəkləyəcək və gələcəkdə dostlarımızı dəstəkləməkdə davam edəcək.

Ülker PİRİYEVA/AZERBAYCAN

Millet vekili Meşhur Memmedov,

1453 Kral Medya – 18 Kasım/ Türkiye

2020-ci il 10 noyabr tarixində Azərbaycan, Ermənistan və Rusiya arasında imzalanmış üçtərəfli bəyanat, 44 günlük Vətən müharibəsinin nəticəsi olaraq Ermənistanın kapitulyasiyasını rəsmiləşdirən mühüm sənəd kimi tarixə düşdü. Bu bəyanat Cənubi Qafqazda yeni siyasi reallıqların formalaşmasını təmin etdi və bölgədə uzunmüddətli sülhün bərqərar olmasına yönəldi.

Bəyanatın əsas müddəalarına əsasən bütün hərbi əməliyyatlar dayandırıldı və tərəflər mövcud mövqelərdə dayandı. Ermənistan 1 dekabr 2020-ci il tarixinədək Kəlbəcər, Ağdam və Laçın rayonlarını Azərbaycanın nəzarətinə qaytarmağı öhdəsinə götürdü. Laçın dəhlizində və Qarabağdakı təmas xətti boyunca Rusiya sülhməramlı qüvvələri yerləşdirildi. Bu qüvvələr bölgədə sabitliyin qorunmasına xidmət edirdi. Regionda bütün iqtisadi və nəqliyyat əlaqələrinin bərpası razılaşdırıldı. Azərbaycanın qərb rayonları ilə Naxçıvan Muxtar Respublikası arasında dəhlizin yaradılması nəzərdə tutuldu.

Bəyanat, Ermənistanın Vətən müharibəsindəki məğlubiyyətini rəsmiləşdirdi və ölkənin kapitulyasiya aktı kimi qiymətləndirildi. Bu sənəd Ermənistanın işğalçılıq siyasətinin sonunu gətirdi və Azərbaycanın beynəlxalq səviyyədə tanınmış ərazi bütövlüyünü bərpa etməsinə şərait yaratdı.

Azərbaycan Prezidenti İlham Əliyev bu bəyanatı tarixi zəfər kimi dəyərləndirərək, Azərbaycanın haqlı mövqeyini həm döyüş meydanında, həm də diplomatik cəbhədə sübut etdiyini vurğuladı. Ermənistanın bu bəyanatı imzalaması onun təcavüzkar siyasətinin iflasını və regionda yeni reallıqların qəbul edilməsini təsdiqlədi.

10 noyabr bəyanatı, yalnız müharibənin sonunu deyil, həm də Cənubi Qafqazda sülh və əməkdaşlıq üçün yeni imkanların açılmasını simvolizə edir. Azərbaycanın bərpa işləri və regionun iqtisadi potensialının artırılması istiqamətindəki səyləri, bölgənin gələcək inkişafına mühüm töhfə verir.

Bu bəyanat, bölgədə sabitliyin və təhlükəsizliyin təmin olunması baxımından mühüm rol oynamaqda davam edir.

Müharibədə qalib olmağımızda xalqın İlham Əliyevə dəstəyi və inamı əsas motivasiya oldu.
Azərbaycan Prezidenti İlham Əliyev ölkənin siyasi, iqtisadi və hərbi sahələrdə inkişafına rəhbərlik edərək, xalqın dərin dəstəyini və inamını qazanıb. Onun liderliyi altında Azərbaycan regionda güclü dövlətə çevrilmiş, beynəlxalq arenada mövqeyini möhkəmləndirmiş və Qarabağ münaqişəsinin həllində tarixi zəfərə nail olmuşdur.

Xalqın Prezident İlham Əliyevə inamının ən parlaq təzahürlərindən biri 2020-ci ildəki Vətən müharibəsi dövründə müşahidə olundu. Azərbaycan Ordusunun Ermənistanın işğal etdiyi əraziləri azad etməsi və ölkənin ərazi bütövlüyünün bərpası Prezidentin qətiyyətli siyasəti və müdrik strategiyasının nəticəsi idi. İlham Əliyevin müharibə dövründə xalqa etdiyi müraciətlər və beynəlxalq media vasitəsilə apardığı diplomatik mübarizə, xalqın həmrəyliyini daha da gücləndirdi.

Prezident İlham Əliyevin ölkəyə rəhbərliyi dövründə həyata keçirilən genişmiqyaslı islahatlar xalqın rifahını artırmağa yönəlib. Sosial müdafiə, təhsil, səhiyyə və infrastruktur layihələrinə böyük diqqət yetirilib. Xüsusilə, kənd təsərrüfatı və sənaye sektorunda tətbiq olunan yeniliklər, Azərbaycanın iqtisadi müstəqilliyini daha da gücləndirib. Bu islahatlar, xalqın həyat səviyyəsinin yaxşılaşmasına və Prezidentə olan inamın artmasına səbəb olub.

Prezident İlham Əliyevin beynəlxalq münasibətlərdə balanslı və müstəqil siyasəti Azərbaycanı etibarlı tərəfdaş kimi tanıdıb. Onun rəhbərliyi ilə Azərbaycan, BMT, Avropa Şurası, Türkdilli Dövlətlərin Əməkdaşlıq Şurası kimi beynəlxalq təşkilatlarda mühüm rol oynayır. Bu gün Azərbaycan BMT-nun nüfuzlu tədbiri COP29-a ev sahibliyi edir. Azərbaycanın enerji siyasəti, xüsusilə TANAP və TAP layihələri, ölkənin beynəlxalq mövqeyini daha da gücləndirib.

İlham Əliyev hər zaman xalqın içində olmaq, onların qayğı və problemlərinə birbaşa diqqət yetirmək prinsipinə sadiqdir. Onun bölgələrə səfərləri, müxtəlif layihələrin açılışında iştirakı və vətəndaşlarla birbaşa ünsiyyəti, xalqın liderinə olan sevgisini və etimadını günü-gündən artırır.

Xalqın İlham Əliyevə dəstəyi, onun dövlət başçısı kimi verdiyi strateji qərarların düzgünlüyünü və ölkəni uğurlu gələcəyə aparmaq istiqamətindəki qətiyyətini təsdiqləyir. Prezidentin xalqın istəklərini ön planda tutması və Azərbaycanı regional və qlobal səviyyədə güclü dövlətə çevirməsi bu inamın davamlı olmasının əsas səbəbidir.

Ülker PİRİYEVA/AZERBAYCAN

Millet vekili Meşhur Memmedov,

1453 Kral Medya – 16 Kasım/ Türkiye

Zəfər Parkının açılışı və Prezident İlham Əliyevin bu münasibətlə etdiyi çıxış, Azərbaycanın müstəqilliyinin və 44 günlük Vətən müharibəsində tarixi Qələbənin əbədiləşdirilməsi yolunda atılmış növbəti mühüm addımdır. Bu park, xalqın və ordunun göstərdiyi qəhrəmanlığın, eyni zamanda ölkənin gələcəyə olan inamının parlaq ifadəsidir.

44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik.

44 gün ərzində Azərbaycan Silahlı Qüvvələri ancaq irəli gedirdi. Müharibə dövründə döyüş meydanında 300-dən çox şəhər və kənd işğalçılardan azad edildi və düşmən kapitulyasiya aktını imzalamağa məcbur oldu. Belə qısa müddətdə ərazilərimizin düşməndən azad edilməsi şanlı ordumuzun gücünü, hərbçilərimizin peşəkarlığını, fədakarlığını, xalqımızın əzmini bütün dünyaya nümayiş etdirdi.

Torpaqlarımız 30 il ərzində işğal altında olsa da, Azərbaycan xalqı və dövləti bu işğalla heç vaxt barışmırdı. Prezident, Ali Baş Komandan İlham Əliyev güclü ordu yaratdı, iqtisadi inkişafı təmin etdi, çünki Ermənistandan fərqli olaraq heç bir kənar yerdən yardım almadıq, ancaq öz gücümüzə güvənirdik. İqtisadi inkişaf, xalq-iqtidar birliyi, gənc nəslin vətənpərvər ruhda yetişdirilməsi – bütün bu amillər bizi Qələbəyə doğru aparırdı. Cəmi 44 gün ərzində düşmənin müdafiə xəttlərini öz sinəsini qabağa verərək, güllə altına qoyaraq yaran qəhrəman övladlarımız bütün dünyaya Azərbaycan xalqının əyilməz ruhunu, gücünü, iradəsini bir daha göstərmişdir. Həmin düşmən 2019-cu ildə Xankəndidə “Qarabağ Ermənistandır və nöqtə” demişdi. Bu gün bütün dünya “Qarabağ Azərbaycandır” deyir və bundan sonra da deyəcək.

Prezident İlham Əliyevin Bakıda Zəfər Parkının açılışında etdiyi çıxış, 44 günlük Vətən müharibəsinin tarixi əhəmiyyətini bir daha vurğuladı və Azərbaycanın müstəqillik, ərazi bütövlüyü və xalqın qüruru uğrunda apardığı mübarizənin simvoluna çevrildi. Bu park, Azərbaycanın azad edilmiş torpaqlarında qazandığı böyük Zəfəri və ölkənin gələcək nəsilləri üçün mühüm bir tarixi yaddaş olaraq əhəmiyyət kəsb edir.

Prezident İlham Əliyev çıxışında qeyd etdi ki, Zəfər Parkı, Vətən müharibəsində qəhrəmanlıq göstərmiş Azərbaycan Ordusunun şərəfinə salınmışdır. Bu park, xalqın birlik və iradəsinin göstəricisi olmaqla yanaşı, gələcək nəsillərə Azərbaycanın haqlı mübarizəsini xatırladacaq. Dövlət başçısının qeyd etdiyi kimi, bu park Azərbaycan xalqının Qələbəsinin, milli iradənin və əsgərimizin şücaətinin əbədi simvoludur.

Ali Baş Komandan, müharibənin gedişatına və onun tarixi əhəmiyyətinə diqqət çəkərək, Azərbaycanın beynəlxalq hüquqa əsaslanaraq ərazilərini işğaldan azad etdiyini vurğuladı. O, Azərbaycanın hərbi və diplomatik sahələrdə nümayiş etdirdiyi üstünlüyü bir daha xatırlatdı və bu Qələbənin təkcə hərbi deyil, həm də milli qürurun zirvəsi olduğunu qeyd etdi.

Prezident İlham Əliyev müharibə dövründə xalqın göstərdiyi həmrəyliyi xüsusi vurğuladı. Azərbaycan xalqının müharibə zamanı sıx birləşməsi, Ali Baş Komandan “Dəmir yumruq” ifadəsi ilə simvollaşıb. Bu birlik, Qələbənin əldə edilməsində əsas rol oynadı və bu gün də ölkənin inkişafında mühüm amildir.

Zəfər Parkının açılışı zamanı Prezident İlham Əliyev azad edilmiş ərazilərin bərpası və yenidən qurulması istiqamətində görülən işlərdən də bəhs etdi. O qeyd etdi ki, bu ərazilər yaxın gələcəkdə Azərbaycanın ən inkişaf etmiş regionlarına çevriləcək və məcburi köçkünlər öz doğma yurdlarına qayıdacaqlar. Park, həm də Azərbaycanın sülhə və yenidənqurmaya verdiyi önəmi göstərir.

Cənab İlham Əliyevin çıxışı, həmçinin beynəlxalq ictimaiyyətə bir mesaj idi. O vurğuladı ki, Azərbaycan heç bir zaman öz ərazi bütövlüyündən vaz keçməyib və haqq-ədalətin bərpası üçün mübarizəsini davam etdirəcək. Bu park, dünya ictimaiyyətinə Azərbaycanın ədalətli mövqeyini və tarixi qələbəsini nümayiş etdirən mühüm bir abidədir.

Ülker PİRİYEVA/AZERBAYCAN

Millet vekili Meşhur Memmedov,

1453 Kral Medya – 15 Kasım/ Türkiye

Bütün dünyanın diqqəti Azərbaycana, paytaxt Bakıya yönəlib. Azərbaycan COP29-a ev sahibliyi edir. 200 ölkənin yekdil qərarı ilə Azərbaycana COP29-a ev sahibliyi etmək fürsəti nəsib oldu. Bu, bizim ölkəyə hörmət əlamətidir və bizim fəal rolumuzun beynəlxalq arenada qiymətləndirilməsi deməkdir.
COP29 iqlim dəyişikliyi ilə mübarizədə qlobal səviyyədə ən mühüm platformalardan biridir. Bu sammit dünya liderlərini bir araya gətirərək, planetin gələcəyinə dair kritik qərarların müzakirə edildiyi bir məkandır. Azərbaycan Prezidenti İlham Əliyevin bu platformada iştirakı və çıxışı, ölkənin iqlim dəyişikliyi ilə mübarizədə artan rolunun bariz nümunəsidir.

Prezident İlham Əliyev çıxışında Azərbaycanın “Yaşıl Enerji Zonası” təşəbbüsünü xüsusi vurğuladı. Qarabağ və Şərqi Zəngəzur regionlarında həyata keçirilən bu layihələr Azərbaycanın iqlim hədəflərinə çatmasında mühüm rol oynayır. Bu ərazilərdə bərpa olunan enerji mənbələrindən (külək və günəş enerjisi) geniş istifadə nəzərdə tutulur.

Azərbaycan külək və günəş enerjisi kimi bərpa olunan enerji sahələrinə böyük sərmayələr yatırır. Bu, ölkənin karbon emissiyalarını azaltmaqla yanaşı, enerji ixracında dayanıqlı mənbələrdən istifadə etməsini təmin edir.

Qarabağ və Şərqi Zəngəzur regionlarında həyata keçirilən bu təşəbbüs, Azərbaycanın işğaldan azad edilmiş ərazilərdə ən müasir və ekoloji dayanıqlı infrastruktur yaratmaq hədəfini güdür. Bu layihə regionda “yaşıl inkişaf” modelinə keçid üçün nümunəvi bir addımdır.

Prezident Azərbaycanın Avropa və Asiya arasında enerji tranziti sahəsindəki unikal rolunu vurğuladı. Cənub Qaz Dəhlizi layihəsi Avropanın enerji təhlükəsizliyinə töhfə verərək, həm də təbii qazın karbon emissiyalarını azaltmaq üçün keçid mənbəyi kimi istifadəsini təmin edir. Bununla yanaşı, Azərbaycan Avropa və Asiya bazarlarına yaşıl enerji və hidrogen ixracını genişləndirmək məqsədilə müxtəlif layihələr üzərində çalışır.

Azərbaycan, beynəlxalq iqlim razılaşmalarına sadiq qalaraq, Avropa və Asiya ölkələri ilə enerji sahəsində strateji tərəfdaşlıqlar qurur. Bu, regionda dayanıqlı enerji təchizatının təmin olunmasına və iqlim dəyişikliyi ilə mübarizədə kollektiv səylərin güclənməsinə şərait yaradır.
Bu cür layihələr Azərbaycanın qlobal səhnədə dayanıqlı inkişaf və iqlim dəyişikliyi ilə mübarizə üzrə lider rolunu gücləndirir.

Azərbaycanın başladığı meqalayihələr Avrasiyada enerji və daşımalar yollarını dəyişib. Şimal, Cənub, Qərb və Şərq məhz Azərbaycanın qovuşduğu bir məkandır. Burada enerji, mədəniyyət, o cümlədən daşımalar müxtəlif beynəlxalq iştirakçılar arasında baş tutur. Əminliklə demək olar ki, biz məhsuldar və çoxtərəfli əməkdaşlıq formatı qurmuşuq.

Qara dənizin dibi ilə enerji kabelinin texniki əsaslandırma işləri bu yaxınlarda bitəcək.
Biz, həmçinin ixrac bazarlarına diqqət yetiririk və öz tərəfdaşlarımızla birgə çalışırıq ki, digər mühüm enerji təhlükəsizliyi layihələrini həyata keçirək. Bunun sayəsində biz yaşıl enerjini Avropaya nəql edəcəyik. Bu kabelin texniki potensialı və yeri gəlmişkən, texniki əsaslandırma işləri bu yaxınlarda bitəcəkdir. Onun imkanları iki giqavat olacaqdır. Bu, yalnız başlanğıcdır.

Azərbaycan, iqlim dəyişikliyinin təsirlərini azaldaraq, öz enerji sektorunu diversifikasiya etməkdə qərarlıdır. Prezident çıxışında, həmçinin ölkənin meşə örtüyünün genişləndirilməsi, su ehtiyatlarının qorunması və dayanıqlı kənd təsərrüfatı sahəsində atılan addımlardan bəhs etdi. Ölkə rəhbəri İlham Əliyevin çıxışı, beynəlxalq ictimaiyyət tərəfindən müsbət qarşılandı. Azərbaycan, iqlim dəyişikliyinə qarşı mübarizədə yalnız milli deyil, həm də qlobal səviyyədə məsuliyyət daşıdığını nümayiş etdirir. Beynəlxalq təşkilatlar və tərəfdaş ölkələr Azərbaycanın bu sahədəki təşəbbüslərini dəstəkləyir və əməkdaşlıq üçün yeni imkanlar yaradır.

Azərbaycanın COP29 sammitindəki fəal iştirakı ölkənin qlobal iqlim siyasətində vacib aktorlardan birinə çevrildiyini göstərir. Prezident İlham Əliyevin liderliyi ilə həyata keçirilən layihələr həm regional, həm də qlobal miqyasda dayanıqlı inkişaf və iqlim dəyişikliyi ilə mübarizə sahəsində mühüm töhfələr verir.
Bu layihələr həm ölkə daxilində, həm də regionda dayanıqlı inkişafın təmin olunmasına və iqlim dəyişikliyi ilə mübarizədə beynəlxalq hədəflərə çatmağa mayak rolunu oynayır.

Azərbaycanın gələcək hədəfləri iqlim dəyişikliklərinin təsirlərini minimuma endirmək və dünyada yaşıl enerjinin inkişafına liderlik etməkdir.

COP29-un sədri kimi Azərbaycan inkişaf etmiş və inkişaf edən ölkələr arasında konsensusun tapılmasına töhfə verməyə və Qlobal Cənubla Qlobal Şimal arasında əlaqələr qurulmasına çalışacaq.

Ülker PİRİYEVA/AZERBAYCAN

Millet vekili Meşhur Memmedov,

1453 Kral Medya – 12 Kasım/ Türkiye

Türk Dünyası ölkələri arasında əməkdaşlıq ildən-ilə yüksək templə inkişaf edir və strateji sahələrdə dərinləşir. Bişkekdə keçirilən Türk Dövlətləri Təşkilatının (TDT) 11-ci Zirvə Görüşündə Prezident İlham Əliyev bu əməkdaşlığın uğurlarını xüsusi vurğulayıb. Dövlət başçısının da qeyd etdiyi kimi, iqtisadi, ticari və nəqliyyat əlaqələrinin genişlənməsi, xüsusilə Şərq-Qərb Orta Dəhlizinin potensialının artırılması əməkdaşlığın əsas istiqamətlərindən biridir. Bu dəhliz Mərkəzi Asiya ölkələrini Azərbaycan və Türkiyə üzərindən Avropa ilə birləşdirərək, regionda ticarət və logistik imkanları gücləndirir.

Son dövrlər Şərq-Qərb nəqliyyat dəhlizi ilə Azərbaycan ərazisi üzrə daşımalar daha da artıb. Mərkəzi Asiya ölkələri ilə Türkiyəni Azərbaycan üzərindən bağlayan bu dəhlizin ötürmə qabiliyyətinin yüksəldilməsi üçün Azərbaycan öz sərmayələrini artırır. 2023-cü ilin müvafiq dövrü ilə müqayisədə 2024-cü ilin yanvar-sentyabr aylarında üzv və müşahidəçi dövlətlərlə tranzit daşımalarının həcmində 15 faizə yaxın artım müşahidə edilir. Hazırda Orta Dəhlizin rəqəmsallaşdırılması və ticarətin asanlaşdırılması istiqamətində bir sıra layihələr icra olunur. Bu layihələr logistika səmərəliliyinin artırılmasına və xərclərin azaldılmasına təsir edəcək.

Hərbi və təhlükəsizlik sahəsində də tərəfdaşlıq dərinləşir. Bu əməkdaşlıq, regiondakı sabitlik və təhlükəsizliyin təmin edilməsi baxımından önəmli rol oynayır. Azərbaycan, Türkiyə, Qazaxıstan, Özbəkistan, Qırğızıstan və digər Türk dövlətləri birgə hərbi təlimlər keçirir, silahlı qüvvələrini mütəmadi olaraq inkişaf etdirirlər.

Türk Dövlətlərinin silahlı qüvvələri arasında ortaq hərbi təlimlər keçirilməsi, hərbi təhsil müəssisələrində kadrların hazırlanması qarşılıqlı etimadın göstəricisidir. Bundan əlavə, mədəniyyət, təhsil və iqlim dəyişiklikləri sahələrində də birgə layihələr icra olunur. Türk Dövlətləri arasında əlaqələr təkcə tarixi və mədəni bağlarla məhdudlaşmır, həm də müasir dövrün tələblərinə uyğun yeni sahələrdə möhkəmlənir. Bu, həm regional sabitliyə, həm də qlobal səviyyədə türk dünyasının nüfuzunun artmasına töhfə verir.
Cənab İlham Əliyev noyabrın 6-da Bişkekdə keçirilən Türk Dövlətləri Təşkilatı Dövlət Başçılarının 11-ci Zirvə görüşündə çıxışında qeyd etdiyi kimi bu, son iki ildə Qırğız Respublikasına onun üçüncü səfəridir. Hər səfərində Sadır Nurqojoyeviçin rəhbərliyi ilə ölkədə inkişafın şahidi olduğunu deyən dövlətimizin başçısı əldə edilmiş bütün uğurlar münasibətilə qardaş Qırğızıstanı təbrik edib.

Prezident İlham Əliyevin Bişkekdə keçirilən Türk Dövlətləri Təşkilatının 11-ci Zirvə Görüşündəki çıxışı Türk dünyası üçün mühüm mesajlar daşıyır. O, Azərbaycan ilə TDT ölkələri arasında əməkdaşlığın inkişafından, xüsusilə Naxçıvan Sazişinin 15-ci ildönümündə bu təşkilatın keçdiyi uğurlu yoldan bəhs edib.
Dövlət başçısı qeyd edib ki, Azərbaycan Türk Dövlətləri Təşkilatına maliyyə dəstəyi verəcək. Hədəflər böyükdür, Türk Dövlətləri Təşkilatının mövcud büdcəsi qarşıya qoyduğumuz hədəflərin həyata keçirilməsi üçün yetərli deyil. Azərbaycanın Türk Dövlətləri Təşkilatının Katibliyinə 2 milyon və Ağsaqqallar Şurasına 100 min ABŞ dolları məbləğində maliyyə dəstəyi təşkilatın potensialının daha da güclənməsinə töhfə verəcək. Bu dəstək, təşkilatın potensialını artırmaq məqsədini güdür.
Azərbaycan Prezidenti diqqəti azad edilmiş ərazilərdəki bərpa işlərinə və Böyük Qayıdış Proqramına çəkərək, bu prosesdə türk dövlətlərinin dəstəyini yüksək qiymətləndirib. Bundan əlavə, dövlətimizin başçısı iqlim dəyişikliyi məsələlərinə toxunaraq, Azərbaycanın ev sahibliyi edəcəyi COP29 iqlim konfransının əhəmiyyətini qeyd edib. Bu tədbir beynəlxalq ictimaiyyətin Azərbaycanın qlobal məsələlərdəki rolunu tanımasının göstəricisi kimi vurğulanıb.

Ötən ilin dekabrında 200-ə yaxın ölkə Azərbaycanın namizədliyini yekdilliklə dəstəkləyib. Bu, beynəlxalq aləmin ölkəmizə böyük hörmətinin və dəstəyinin təzahürüdür. Prezident İlham Əliyev Türk Dövlətləri Təşkilatına üzv ölkələrin COP29 konfransının işində fəal iştirak edəcəklərinə əminliyini bildirib.
Dövlət başçısı Bişkekdəki çıxışında Türk dövlətlərinin Azərbaycanın yanında olduğunu vurğulayıb və bu dəstəyi sözdə deyil, əməldə göstərdiklərini qeyd edib. O, Türk Dövlətləri Təşkilatına üzv ölkələrin azad edilmiş ərazilərdə həyata keçirdiyi layihələrə görə təşəkkürünü ifadə edib. Bu ölkələrin məktəblər, yaradıcılıq mərkəzləri və digər sosial obyektlər inşa etməsi, onların real dəstəyinin bariz nümunəsidir.
Cənab İlham Əliyev, həmçinin təşkilat üzvlərinin beynəlxalq platformalarda Azərbaycanın haqlı mövqeyini müdafiə etməsini yüksək qiymətləndirib. Bu dəstək həm siyasi, həm də iqtisadi sahələrdə əməkdaşlığın gücləndirilməsinə imkan yaradır.

Azərbaycanın müstəqilliyini və ərazi bütövlüyünü qorumaq yolunda Türk dövlətlərinin bu dəstəyi, həmrəylik və qardaşlıq münasibətlərinin əyani göstəricisidir.

Ülker PİRİYEVA/AZERBAYCAN

Millet vekili Meşhur Memmedov,

1453 Kral Medya – 12 Kasım/ Türkiye

Türk Dünyası ölkələri arasında əməkdaşlıq ildən-ilə yüksək templə inkişaf edir və strateji sahələrdə dərinləşir. Bişkekdə keçirilən Türk Dövlətləri Təşkilatının (TDT) 11-ci Zirvə Görüşündə Prezident İlham Əliyev bu əməkdaşlığın uğurlarını xüsusi vurğulayıb. Dövlət başçısının da qeyd etdiyi kimi, iqtisadi, ticari və nəqliyyat əlaqələrinin genişlənməsi, xüsusilə Şərq-Qərb Orta Dəhlizinin potensialının artırılması əməkdaşlığın əsas istiqamətlərindən biridir. Bu dəhliz Mərkəzi Asiya ölkələrini Azərbaycan və Türkiyə üzərindən Avropa ilə birləşdirərək, regionda ticarət və logistik imkanları gücləndirir.

Son dövrlər Şərq-Qərb nəqliyyat dəhlizi ilə Azərbaycan ərazisi üzrə daşımalar daha da artıb. Mərkəzi Asiya ölkələri ilə Türkiyəni Azərbaycan üzərindən bağlayan bu dəhlizin ötürmə qabiliyyətinin yüksəldilməsi üçün Azərbaycan öz sərmayələrini artırır. 2023-cü ilin müvafiq dövrü ilə müqayisədə 2024-cü ilin yanvar-sentyabr aylarında üzv və müşahidəçi dövlətlərlə tranzit daşımalarının həcmində 15 faizə yaxın artım müşahidə edilir. Hazırda Orta Dəhlizin rəqəmsallaşdırılması və ticarətin asanlaşdırılması istiqamətində bir sıra layihələr icra olunur. Bu layihələr logistika səmərəliliyinin artırılmasına və xərclərin azaldılmasına təsir edəcək.

Hərbi və təhlükəsizlik sahəsində də tərəfdaşlıq dərinləşir. Bu əməkdaşlıq, regiondakı sabitlik və təhlükəsizliyin təmin edilməsi baxımından önəmli rol oynayır. Azərbaycan, Türkiyə, Qazaxıstan, Özbəkistan, Qırğızıstan və digər Türk dövlətləri birgə hərbi təlimlər keçirir, silahlı qüvvələrini mütəmadi olaraq inkişaf etdirirlər.

Türk Dövlətlərinin silahlı qüvvələri arasında ortaq hərbi təlimlər keçirilməsi, hərbi təhsil müəssisələrində kadrların hazırlanması qarşılıqlı etimadın göstəricisidir. Bundan əlavə, mədəniyyət, təhsil və iqlim dəyişiklikləri sahələrində də birgə layihələr icra olunur. Türk Dövlətləri arasında əlaqələr təkcə tarixi və mədəni bağlarla məhdudlaşmır, həm də müasir dövrün tələblərinə uyğun yeni sahələrdə möhkəmlənir. Bu, həm regional sabitliyə, həm də qlobal səviyyədə türk dünyasının nüfuzunun artmasına töhfə verir.
Cənab İlham Əliyev noyabrın 6-da Bişkekdə keçirilən Türk Dövlətləri Təşkilatı Dövlət Başçılarının 11-ci Zirvə görüşündə çıxışında qeyd etdiyi kimi bu, son iki ildə Qırğız Respublikasına onun üçüncü səfəridir. Hər səfərində Sadır Nurqojoyeviçin rəhbərliyi ilə ölkədə inkişafın şahidi olduğunu deyən dövlətimizin başçısı əldə edilmiş bütün uğurlar münasibətilə qardaş Qırğızıstanı təbrik edib.

Prezident İlham Əliyevin Bişkekdə keçirilən Türk Dövlətləri Təşkilatının 11-ci Zirvə Görüşündəki çıxışı Türk dünyası üçün mühüm mesajlar daşıyır. O, Azərbaycan ilə TDT ölkələri arasında əməkdaşlığın inkişafından, xüsusilə Naxçıvan Sazişinin 15-ci ildönümündə bu təşkilatın keçdiyi uğurlu yoldan bəhs edib.
Dövlət başçısı qeyd edib ki, Azərbaycan Türk Dövlətləri Təşkilatına maliyyə dəstəyi verəcək. Hədəflər böyükdür, Türk Dövlətləri Təşkilatının mövcud büdcəsi qarşıya qoyduğumuz hədəflərin həyata keçirilməsi üçün yetərli deyil. Azərbaycanın Türk Dövlətləri Təşkilatının Katibliyinə 2 milyon və Ağsaqqallar Şurasına 100 min ABŞ dolları məbləğində maliyyə dəstəyi təşkilatın potensialının daha da güclənməsinə töhfə verəcək. Bu dəstək, təşkilatın potensialını artırmaq məqsədini güdür.
Azərbaycan Prezidenti diqqəti azad edilmiş ərazilərdəki bərpa işlərinə və Böyük Qayıdış Proqramına çəkərək, bu prosesdə türk dövlətlərinin dəstəyini yüksək qiymətləndirib. Bundan əlavə, dövlətimizin başçısı iqlim dəyişikliyi məsələlərinə toxunaraq, Azərbaycanın ev sahibliyi edəcəyi COP29 iqlim konfransının əhəmiyyətini qeyd edib. Bu tədbir beynəlxalq ictimaiyyətin Azərbaycanın qlobal məsələlərdəki rolunu tanımasının göstəricisi kimi vurğulanıb.

Ötən ilin dekabrında 200-ə yaxın ölkə Azərbaycanın namizədliyini yekdilliklə dəstəkləyib. Bu, beynəlxalq aləmin ölkəmizə böyük hörmətinin və dəstəyinin təzahürüdür. Prezident İlham Əliyev Türk Dövlətləri Təşkilatına üzv ölkələrin COP29 konfransının işində fəal iştirak edəcəklərinə əminliyini bildirib.
Dövlət başçısı Bişkekdəki çıxışında Türk dövlətlərinin Azərbaycanın yanında olduğunu vurğulayıb və bu dəstəyi sözdə deyil, əməldə göstərdiklərini qeyd edib. O, Türk Dövlətləri Təşkilatına üzv ölkələrin azad edilmiş ərazilərdə həyata keçirdiyi layihələrə görə təşəkkürünü ifadə edib. Bu ölkələrin məktəblər, yaradıcılıq mərkəzləri və digər sosial obyektlər inşa etməsi, onların real dəstəyinin bariz nümunəsidir.
Cənab İlham Əliyev, həmçinin təşkilat üzvlərinin beynəlxalq platformalarda Azərbaycanın haqlı mövqeyini müdafiə etməsini yüksək qiymətləndirib. Bu dəstək həm siyasi, həm də iqtisadi sahələrdə əməkdaşlığın gücləndirilməsinə imkan yaradır.

Azərbaycanın müstəqilliyini və ərazi bütövlüyünü qorumaq yolunda Türk dövlətlərinin bu dəstəyi, həmrəylik və qardaşlıq münasibətlərinin əyani göstəricisidir.

Ülker PİRİYEVA/AZERBAYCAN

Millet vekili Meşhur Memmedov,

1453 Kral Medya – 10 Kasım/ Türkiye

Hər il 9 noyabr Azərbaycanda Dövlət Bayrağı Günü kimi qeyd olunur. Bu əlamətdar gün, xalqımızın milli suverenliyini, azadlığını və dövlətçilik ənənələrini simvolizə edən müqəddəs bayrağımıza olan hörmətin təcəssümüdür.

Azərbaycan Respublikası Prezidenti İlham Əliyevin 2009-cu il noyabrın 17-də imzaladığı Sərəncamla hər il noyabrın 9-u ölkədə Dövlət Bayrağı Günü kimi qeyd edilir. Azərbaycan Respublikası Əmək Məcəlləsinin 105-ci maddəsinə əsasən bu bayram ölkədə qeyri-iş günü olan bayramların siyahısına daxil edilib.

Azərbaycanın üçrəngli bayrağı 1918-ci ildə Azərbaycan Xalq Cümhuriyyəti dövründə qəbul edilmişdir. Mavi rəng – türk mənşəyimizi, qırmızı rəng – müasirlik və demokratik dəyərlərə bağlılığımızı, yaşıl rəng isə – İslam sivilizasiyasına mənsubiyyətimizi ifadə edir. Bayraqdakı səkkizguşəli ulduz və aypara isə xalqımızın tarixi və mədəni irsinə olan dərin hörməti əks etdirir.

Bayraq Günündən danışarkən, Bayraqdarımız – Ümummilli Lideri Heydər Əliyevin tarixi qərarını bir daha diqqətə çatdırmaq istəyirəm. Azərbaycan Xalq Cümhuriyyətinin üçrəngli Dövlət Bayrağı 1990-cı il noyabrın 17-də Naxçıvan Muxtar Respublikası Ali Məclisinin sədri, xalqımızın Ümummilli Lideri Heydər Əliyevin təşəbbüsü və rəhbərliyi ilə keçirilən sessiyada Naxçıvan Muxtar Respublikasının Dövlət Bayrağı olaraq təsdiq edilmişdir.

Ümummilli Lideri Heydər Əliyev çıxışlarından birində dediyi kimi:
“90-cı il noyabrın 17-də biz burada, Naxçıvan Muxtar Respublikası Ali Sovetinin sessiyasında, mənim sədrlik elədiyim sessiyada ilk dəfə 1918-ci ildə Azərbaycan Xalq Cümhuriyyəti tərəfindən qəbul olunmuş Azərbaycan milli bayrağını qaldırdıq. Yəni bunu biz küçə və meydanda qaldırmadıq, orada bu bayraq qaldırıldı. Amma biz bir dövlət kimi Naxçıvan Muxtar Respublikasının dövlət atributlarını müəyyən elədik. Hələ Kommunist Partiyası da var idi, Sovet hakimiyyəti də. Qərar qəbul etdik ki, Naxçıvan Muxtar Respublikasının adından “Sovet Sosialist” sözləri çıxarılmalıdır. Çıxartdıq və qərar qəbul etdik ki, Naxçıvanın milli bayrağı qəbul olunmalıdır – milli bayraq 1918-ci ildə Xalq Cümhuriyyəti tərəfindən qəbul edilmiş üçrəngli bayraqdır. Bu bayrağı sessiyanın salonuna gətirdik, başımızın üstünə vurduq.”.
1991-ci ildə müstəqilliyimizin bərpasından sonra Azərbaycan Respublikasının dövlət bayrağı yenidən öz tarixi mövqeyinə qayıtdı. Bu bayraq yalnız bir simvol deyil, həm də hər bir azərbaycanlının qəlbində vətənə olan sevgi və sadiqliyin ifadəsidir.

Dövlət rəmzinə hörmət hər bir məsuliyyətli vətəndaşın borcudur. Azərbaycan Respublikası Konstitusiyasının 75-ci maddəsinə əsasən hər bir vətəndaş Azərbaycan Respublikasının dövlət rəmzlərinə – bayrağına, gerbinə və himninə hörmət etməlidir. Dövlət rəmzlərinə hörmətsizliyin nümayiş etdirilməsi qanunla müəyyən edilmiş məsuliyyətə səbəb olur.

Dövlət Bayrağı Günü, xalqımızın birlik və həmrəyliyini daha da gücləndirir. Bu gün hər bir azərbaycanlı bayrağın ətrafında toplaşaraq, onun altındakı vəhdətimizi bir daha nümayiş etdirir. Xüsusilə Vətən Müharibəsində qazanılan tarixi zəfərdən sonra bayrağımız azad edilən torpaqlarda dalğalanır, bu da xalqımızın əzmini və fədakarlığını əbədi yaşadır.

Dövlət Bayrağı Günü, sadəcə bir bayram deyil, həm də milli qürur və şərəf günüdür. Bayrağımızın altında müstəqilliyimizi, suverenliyimizi və azadlığımızı qeyd etmək hər birimizin borcudur. Azərbaycan bayrağı daim yüksəklərdə dalğalansın, müstəqilliyimiz və birliyimiz əbədi olsun!

Sözlərimi Ulu Öndər Heydər Əliyevin hər zaman fəxrlə xatırladığımız sözləri ilə sonlandırmaq istəyirəm:
“İndi dünyada müstəqil Azərbaycan dövləti var. Onun milli dövlət bayrağı var, milli himni var, milli gerbi var. Azərbaycan dünya birliyində özünə layiq yer tutubdur. Azərbaycanın dövlət bayrağı bütün beynəlxalq təşkilatların iqamətgahları qarşısında dalğalanır, müstəqil Azərbaycanın başı üstündə dalğalanır və daim dalğalanacaqdır, bu yüksəkliklərə qalxmış bayraq bundan sonra heç vaxt enməyəcəkdir.”.

Ülker PİRİYEVA/AZERBAYCAN

Millet vekili Meşhur Memmedov,

1453 Kral Medya – 10 Kasım/ Türkiye

Hər il 9 noyabr Azərbaycanda Dövlət Bayrağı Günü kimi qeyd olunur. Bu əlamətdar gün, xalqımızın milli suverenliyini, azadlığını və dövlətçilik ənənələrini simvolizə edən müqəddəs bayrağımıza olan hörmətin təcəssümüdür.

Azərbaycan Respublikası Prezidenti İlham Əliyevin 2009-cu il noyabrın 17-də imzaladığı Sərəncamla hər il noyabrın 9-u ölkədə Dövlət Bayrağı Günü kimi qeyd edilir. Azərbaycan Respublikası Əmək Məcəlləsinin 105-ci maddəsinə əsasən bu bayram ölkədə qeyri-iş günü olan bayramların siyahısına daxil edilib.

Azərbaycanın üçrəngli bayrağı 1918-ci ildə Azərbaycan Xalq Cümhuriyyəti dövründə qəbul edilmişdir. Mavi rəng – türk mənşəyimizi, qırmızı rəng – müasirlik və demokratik dəyərlərə bağlılığımızı, yaşıl rəng isə – İslam sivilizasiyasına mənsubiyyətimizi ifadə edir. Bayraqdakı səkkizguşəli ulduz və aypara isə xalqımızın tarixi və mədəni irsinə olan dərin hörməti əks etdirir.

Bayraq Günündən danışarkən, Bayraqdarımız – Ümummilli Lideri Heydər Əliyevin tarixi qərarını bir daha diqqətə çatdırmaq istəyirəm. Azərbaycan Xalq Cümhuriyyətinin üçrəngli Dövlət Bayrağı 1990-cı il noyabrın 17-də Naxçıvan Muxtar Respublikası Ali Məclisinin sədri, xalqımızın Ümummilli Lideri Heydər Əliyevin təşəbbüsü və rəhbərliyi ilə keçirilən sessiyada Naxçıvan Muxtar Respublikasının Dövlət Bayrağı olaraq təsdiq edilmişdir.

Ümummilli Lideri Heydər Əliyev çıxışlarından birində dediyi kimi:
“90-cı il noyabrın 17-də biz burada, Naxçıvan Muxtar Respublikası Ali Sovetinin sessiyasında, mənim sədrlik elədiyim sessiyada ilk dəfə 1918-ci ildə Azərbaycan Xalq Cümhuriyyəti tərəfindən qəbul olunmuş Azərbaycan milli bayrağını qaldırdıq. Yəni bunu biz küçə və meydanda qaldırmadıq, orada bu bayraq qaldırıldı. Amma biz bir dövlət kimi Naxçıvan Muxtar Respublikasının dövlət atributlarını müəyyən elədik. Hələ Kommunist Partiyası da var idi, Sovet hakimiyyəti də. Qərar qəbul etdik ki, Naxçıvan Muxtar Respublikasının adından “Sovet Sosialist” sözləri çıxarılmalıdır. Çıxartdıq və qərar qəbul etdik ki, Naxçıvanın milli bayrağı qəbul olunmalıdır – milli bayraq 1918-ci ildə Xalq Cümhuriyyəti tərəfindən qəbul edilmiş üçrəngli bayraqdır. Bu bayrağı sessiyanın salonuna gətirdik, başımızın üstünə vurduq.”.
1991-ci ildə müstəqilliyimizin bərpasından sonra Azərbaycan Respublikasının dövlət bayrağı yenidən öz tarixi mövqeyinə qayıtdı. Bu bayraq yalnız bir simvol deyil, həm də hər bir azərbaycanlının qəlbində vətənə olan sevgi və sadiqliyin ifadəsidir.

Dövlət rəmzinə hörmət hər bir məsuliyyətli vətəndaşın borcudur. Azərbaycan Respublikası Konstitusiyasının 75-ci maddəsinə əsasən hər bir vətəndaş Azərbaycan Respublikasının dövlət rəmzlərinə – bayrağına, gerbinə və himninə hörmət etməlidir. Dövlət rəmzlərinə hörmətsizliyin nümayiş etdirilməsi qanunla müəyyən edilmiş məsuliyyətə səbəb olur.

Dövlət Bayrağı Günü, xalqımızın birlik və həmrəyliyini daha da gücləndirir. Bu gün hər bir azərbaycanlı bayrağın ətrafında toplaşaraq, onun altındakı vəhdətimizi bir daha nümayiş etdirir. Xüsusilə Vətən Müharibəsində qazanılan tarixi zəfərdən sonra bayrağımız azad edilən torpaqlarda dalğalanır, bu da xalqımızın əzmini və fədakarlığını əbədi yaşadır.

Dövlət Bayrağı Günü, sadəcə bir bayram deyil, həm də milli qürur və şərəf günüdür. Bayrağımızın altında müstəqilliyimizi, suverenliyimizi və azadlığımızı qeyd etmək hər birimizin borcudur. Azərbaycan bayrağı daim yüksəklərdə dalğalansın, müstəqilliyimiz və birliyimiz əbədi olsun!

Sözlərimi Ulu Öndər Heydər Əliyevin hər zaman fəxrlə xatırladığımız sözləri ilə sonlandırmaq istəyirəm:
“İndi dünyada müstəqil Azərbaycan dövləti var. Onun milli dövlət bayrağı var, milli himni var, milli gerbi var. Azərbaycan dünya birliyində özünə layiq yer tutubdur. Azərbaycanın dövlət bayrağı bütün beynəlxalq təşkilatların iqamətgahları qarşısında dalğalanır, müstəqil Azərbaycanın başı üstündə dalğalanır və daim dalğalanacaqdır, bu yüksəkliklərə qalxmış bayraq bundan sonra heç vaxt enməyəcəkdir.”.

Ülker PİRİYEVA/AZERBAYCAN

1453 Kral Medya – 9 Kasım/ Türkiye

Millet vekili Meşhur Memmedov,

2020-ci il noyabrın 8-də müzəffər ordumuz Şuşa şəhərini işğaldan azad edərək şanlı tarix yazdı.

Qəhrəman əsgər və zabitlərimiz yolsuzluq şəraitində uzun məsafə qət edərək, sıldırım qayalardan və dərin dərələrdən keçərək düşməni Qarabağın döyünən qəlbi olan Şuşadan qovub çıxardı. Xalqımızın qüdrətinin və milli qürurumuzun təntənəsinə çevrilən bu möhtəşəm Qələbə Prezident İlham Əliyevin Sərəncamı ilə əbədiləşdirildi. Şuşa şəhərinin işğaldan azad edilməsinin tarixi əhəmiyyəti nəzərə alınaraq noyabrın 8-i Zəfər Günü elan edildi. 2021-ci il yanvarın 14-də isə Ali Baş Komandan İlham Əliyev Şuşa şəhərində üçrəngli bayrağımızı ucaltdı.

Şuşa Zəfəri Azərbaycan xalqının tarixinə qızıl hərflərlə yazılıb. Bu, yalnız hərbi gücün Qələbəsi deyil, həm də Azərbaycan xalqının milli kimliyini və öz torpağına olan sevgisini təsdiqləyən bir hadisədir. Şuşanın azad edilməsi Azərbaycan xalqının əzmini, Vətənə bağlılığını və tarixi ədalətin bərpası uğrunda olan mübarizəsini simvolizə edir.

Prezident, Müzəffər Ali Baş Komandan İlham Əliyev 2020-ci il noyabrın 8-də Şəhidlər xiyabanında Azərbaycan xalqına müraciətində böyük fəxarət və qürur hissi ilə Şuşa şəhəri işğaldan azad olunduğunu bəyan etdi. Çıxışında bütün bu illər ərzində Azərbaycan xalqının dəstəyini hiss etdiyini və bunun ona güc verdiyini vurğulayan dövlətimizin başçısı dedi: “Bu günlərdə dəfələrlə Azərbaycan xalqına müraciət edərək düşmənə yumruq göstərmişdim. Demişdim ki, bu yumruq elə belə yumruq deyil. Bu, dəmir yumruqdur. Bu dəmir yumruqla düşmənin başını əzirik və əzəcəyik! Eyni zamanda, bu yumruq birliyimizin rəmzidir. Bax, bu gün Azərbaycan xalqı bu yumruq kimi birləşib! Həmişə belə olacaq! Bu birlik əbədi olacaq! Bu birlik bizə gələcəkdə də bütün vəzifələri icra etmək üçün imkan yaradacaq”.
Azərbaycanın mədəniyyət beşiyi olan Şuşanın işğaldan azad edilməsi, xalqımız üçün həm mənəvi, həm də strateji bir əhəmiyyət kəsb edir. Bu Zəfər nəticəsində Qarabağ bölgəsində sülh və stabillik bərqərar olunub, Azərbaycan Ordusunun qəhrəmanlığı isə dünya səviyyəsində heyranlıqla izlənilib. Şuşanın azadlığı Azərbaycan xalqının birlik və həmrəyliyinin, Prezident İlham Əliyevin qətiyyətli liderliyinin, ordumuzun peşəkarlığının və xalqımızın milli iradəsinin parlaq təcəssümüdür.

Biz 28 illik ayrılıqdan sonra doğma Şuşaya qayıtdıq. Bu qayıdışımızla Şuşaya yeni ruh, yeni nəfəs gəldi. Azadlığına qovuşmuş qədim şəhər artıq böyük quruculuq, təmir-bərpa işlərinin, möhtəşəm tədbirlərin şahidinə çevrilib. Düşmən tapdağından azad edilmiş Şuşanın yeni inkişaf dövrü başlayıb. Ötən dörd ildə Şuşa şəhərində bir sıra mühüm infrastruktur layihələri icra olunub. Bunlardan biri igid oğullarımızın Şuşaya doğru dağların, meşələrin qoynu ilə irəliləyərək açdığı cığır boyu avtomobil yolunun salınmasıdır. Prezident İlham Əliyev Şuşaya 101 kilometr uzunluğu olan bu yolu “Zəfər yolu” adlandırıb.
Zəfərdən sonra Şuşa yenidən doğulur. Azərbaycan dövləti bu qədim şəhəri yenidən mədəniyyət və turizm mərkəzinə çevirmək üçün bərpa işlərinə start verib. Şuşada keçirilən mədəni tədbirlər, yenidən inşa olunan tarixi abidələr və bu şəhərə axın edən qonaqlar, Şuşanın yalnız bir şəhər deyil, milli bir dəyər olduğunu bir daha göstərir.

Bu Zəfər gələcək nəsillərə böyük örnəkdir. Şuşa Zəfəri ilə Azərbaycan xalqı sübut etdi ki, milli birliyimiz və Vətən sevgimiz olduğu müddətcə hər hansı bir çətinliyi dəf edə bilərik. Bu Qələbə Azərbaycan xalqının birliyi, gücü və iradəsinin əbədi rəmzi olaraq yaşayacaq və bizi gələcəyə doğru ruhlandıracaq. Şuşa Zəfəri ilə Azərbaycan həm regional, həm də qlobal səviyyədə öz gücünü və müstəqilliyini nümayiş etdirdi. Bu Qələbə bizim həm tariximiz, həm də gələcəyimiz üçün əbədi bir miras olaraq yaddaşlara həkk olunacaq.
Bəziləri düşünürdü ki, Azərbaycan 2020-ci il noyabrın 10-da üçtərəfli Bəyanatla təsbit edilmiş status-kvonu dəyişməyə cürət etməyəcək və Şuşanın azad edilməsi ilə kifayətlənəcək. Hadisələrin sonrakı gedişi bu cür düşünənlərin yanıldığını göstərdi. 2023-cü ilin sentyabrın 19-20-də Zəfər yürüşünün davamı olan antiterror əməliyyatı uğurla nəticələndi. Cəmi 23 saat 48 dəqiqə davam edən antiterror əməliyyatı Ali Baş Komandanın qətiyyətini, dəmir yumruğun yerində olduğunu, ordumuzun gücünü bir daha nümayiş etdirdi. Düşmən üç il əvvəl olduğu kimi, yenə ağ bayraq qaldıraraq təslim olmağa məcbur edildi. Bununla da Qarabağda terrorçuların və separatçı rejimin mövcudluğuna birdəfəlik son qoyuldu.
Prezident, Müzəffər Ali Baş Komandan İlham Əliyev Vətən müharibəsində qazanılmış möhtəşəm Qələbənin üçüncü ildönümü ərəfəsində Xankəndi, Xocalı, Xocavənd, Əsgəran və Ağdərədə Dövlət Bayrağımızı ucaltmaqla xalqımıza tükənməz sevinc və qürur yaşatdı, dövlət suverenliyimiz tam bərpa olundu.

Qarabağ Zəfərinə aparan yolun başlanğıcı Ulu Öndər Heydər Əliyev tərəfindən qoyulmuşdu. Sonrakı dövrdə həyata keçirilən kompleks tədbirlər, əzmkar və çoxşaxəli fəaliyyət bizi bu hədəfə addım-addım yaxınlaşdırdı. Prezident İlham Əliyev Ulu Öndərin qoyduğu möhkəm təməl üzərində dünyada söz sahibi olan, böyük iqtisadi və hərbi gücə malik qüdrətli Azərbaycan dövləti qurdu. Azərbaycan Ordusu ən müasir silah-sursat və hərbi texnika ilə təmin olundu, şəxsi heyətin döyüş qabiliyyətinin artırılması, mənəvi-psixoloji ruhunun yüksəldilməsi üçün bütün zəruri tədbirlər görüldü. Cənab İlham Əliyevin rəhbərliyi və davamlı səyləri ilə güclü hərbi potensial yaradıldı. İldən-ilə artan iqtisadi-hərbi güc və siyasi iradə nəticəsində BMT Təhlükəsizlik Şurasının 27 il kağız üzərində qalmış 4 qətnaməsini Azərbaycan özü icra etdi. Xüsusən Silahlı Qüvvələrin fədakar, vətənpərvər gənc nəsli bu müqəddəs missiyanın yerinə yetirilməsinə öz əvəzsiz töhfəsini verdi. Xalqımızın öz Lideri ətrafında yumruq kimi birləşməsi, görünməmiş milli həmrəylik nümayiş etdirməsi Qələbənin təmin edilməsində mühüm rol oynadı.

Ülker PİRİYEVA/AZERBAYCAN