Kişinyov – Samsun Ekspress

Kişinyovda 20 Yanvar faciəsinin 34-cü ildönümü ilə bağlı anım tədbiri keçirilib

Abdullah Yiğit — Sat, 27 Jan 2024 08:39:41 +0000

Kişinyovda 20 Yanvar faciəsinin 34-cü ildönümü ilə bağlı anım tədbiri keçirilib

2024

Kişinyovda 20 Yanvar faciəsinin 34-cü ildönümü ilə bağlı anım tədbiri keçirilib

Moldovanın paytaxtı Kişinyovda 20 Yanvar faciəsinin 34-cü ildönümü ilə bağlı anım tədbiri keçirilib.

Azərbaycanın Moldovadakı səfirliyində baş tutan tədbirdə diplomatlar, bu ölkədə yaşayan soydaşlarımız və tələbələr iştirak ediblər. Mərasimdə şəhidlərimizin xatirəsi bir dəqiqəlik sükutla yad edilib və səfirliyin ərazisindəki faciə qurbanlarının xatirəsinə həsr olunmuş guşə önünə çiçəklər düzülüb.

Tədbiri giriş sözü ilə açan səfir Ülvi Baxşəliyev bildirib ki, anım və qürur günü olan 20 Yanvar hadisələrinə ilk dəfə ümummilli lider Heydər Əliyev tərəfindən siyasi-hüquqi qiymət verilib. Öz süverenliyini və ərazi bütövlüyünü tam bərpa edən Azərbaycanın Silahlı Qüvvələrinin bütün şəhidlərimizin qisasını döyüş meydanında aldığını vurğulayan səfir qeyd edib ki, qəhrəmanlarımızın əziz xatirəsi hər bir soydaşımızın qəlbində əbədi yaşayacaq.

Moldova Azərbaycanlıları Konqresinin sədri Elçin Bayramov çıxışında 20 Yanvar faciəsinin Azərbaycan tarixinin ən qanlı, eyni zamanda şanlı səhifələrindən biri olduğunu, dövlətimizin azadlığı, xalqımızın birliyi və həmrəyliyinə gedən yolda dönüş nöqtəsinə çevrildiyini söyləyib. Nəzərə çatdırıb ki, 20 Yanvar şəhidlərinin və qurbanlarının dəfni zamanı milyonlarla həmyerlimiz Azadlıq meydanında toplaşaraq, xalqımızın sovet cəlladları qarşısında əyilmədiyini və qorxmadığını nümayiş etdirib.

Qeyd edək ki, Moldova parlamentinin deputatı, Moldova-Azərbaycan parlamentlərarası dostluq qrupunun həmsədri Vitali Jakot sosial şəbəkədəki səhifəsində 20 Yanvar faciəsi ilə bağlı fikirlərini bölüşüb. O, sovet imperiyasına müqavimət göstərən azərbaycanlıların cəsarətinə heyranlığını ifadə edib: “O dəhşətli günlərdən üç onillikdən çox vaxt keçsə də, əminliklə deyə bilərik ki, Azərbaycan xalqı beynəlxalq aləmdə nüfuzlu, firavan və mötəbər dövlət qurmağa nail olub. Azərbaycanın uğurları sübut edir ki, azadlıq uğrunda mübarizə aparmağa dəyər”.

Tədbir çərçivəsində 20 Yanvar faciəsini əks etdirən fotosərgi təqdim edilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/kisinyovda-20-yanvar-faciesinin-34-cu-ildonumu-ile-bagli-anim-tedbiri-kecirilib-4130

Kişinyovdakı icmamız Türkiyə səfirliyinə başsağlığı verib

Abdullah Yiğit — Sat, 11 Feb 2023 08:40:38 +0000

Kişinyovdakı icmamız Türkiyə səfirliyinə başsağlığı verib
, 2023
Kişinyovdakı icmamız Türkiyə səfirliyinə başsağlığı verib
Kişinyov şəhərində fəaliyyət göstərən “Moldova Azərbaycanlıları Konqresi” ictimai təşkilatının bir qrup fəalı Türkiyənin cənub-şərqində baş vermiş dəhşətli zəlzələ ilə əlaqədar qardaş ölkənin Moldovadakı səfirliyini ziyarət edib.

Ziyarət zamanı Türkiyə Cümhuriyyətinin qurucusu Mustafa Kamal Atatürkün abidəsi önünə güllər düzülüb və zəlzələ qurbanlarının xatirəsi ehtiramla yad edilib.

Moldova Azərbaycanlıları Konqresinin sədri Elçin Bayramov, Azərbaycanın Moldovadakı səfirliyinin birinci katibi İlqar Fərəcov və diaspor fəalları Türkiyənin Moldovadakı səfiri Mustafa Sertelə və xanımına başsağlığı verərək, bu kədərli anları bölüşdüklərini, qardaş ölkənin yanında olduqlarını, Türkiyə dövlətinin bu dağıdıcı təbii fəlakətin fəsadlarını tezliklə aradan qaldıracağına ümid etdiklərini bildiriblər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/kisinyovdaki-icmamiz-turkiye-sefirliyine-bassagligi-verib-2348

Kişinyovda Zəfər Günü bayram edilib

Abdullah Yiğit — Tue, 15 Nov 2022 09:27:10 +0000

Kişinyovda Zəfər Günü bayram edilib
, 2022

Kişinyovda Zəfər Günü bayram edilib

Moldovanın paytaxtı Kişinyovda Zəfər Gününə həsr olunmuş təntənəli bayram tədbiri keçirilib.

Moldova Azərbaycanlıları Konqresinin təşkilatçılığı ilə baş tutan tədbirdə Azərbaycanın, Moldovanın parlament üzvləri, ölkəmizin Moldovadakı səfirliyinin əməkdaşları, Azərbaycan diasporunun nümayəndələri iştirak ediblər.

Tədbir Konqresin nəzdindəki həftəsonu Azərbaycan məktəbi şagirdlərinin ifasında Azərbaycanın Dövlət Himninin səsləndirilməsi ilə başlayıb.

Tədbiri giriş sözü ilə açan Moldova Azərbaycanlıları Konqresinin sədri Elçin Bayramov bildirib ki, iki il öncə hər bir azərbaycanlı böyük həyəcanla cəbhə xəttindən gələn xəbərləri gözləyirdi. “İşğaldan azad edilən hər bir qəsəbəyə sevinir, hər itkinin acısını yaşayırdıq. Ordumuz addım-addım ən xoşbəxt və ən çox gözlənilən günə – Zəfər Gününə yaxınlaşırdı!”, – deyə vurğulayıb.

Milli Məclis sədrinin birinci müavini Əli Hüseynli, Moldova parlamentinin deputatı, Moldova-Azərbaycan parlamentlərarası dostluq qrupunun həmsədri Vitali Jako, Azərbaycanın Moldovadakı fövqəladə və səlahiyyətli səfiri Qüdsi Osmanov, Yeni Azərbaycan Partiyasının Gənclər Birliyinin sədri Bəxtiyar İslamov, Azərbaycan icmasının üzvləri Seyid Yasin və Allahverdi Xələfov möhtəşəm bayram münasibətilə soydaşlarımızı təbrik ediblər. Moldovada yaşayan Azərbaycan icmasının Prezident, Müzəffər Ali Baş Komandan İlham Əliyevin qətiyyətli rəhbərliyi, rəşadətli Azərbaycan Silahlı Qüvvələrinin qəhrəmanlığı sayəsində Qarabağda əldə olunmuş Zəfərlə qürur duyduqları vurğulanıb.

Sonra Konqresin nəzdindəki həftəsonu Azərbaycan məktəbinin müəllimi Səidə Səfərovanın rəhbərliyi ilə şagirdlərin bayram proqramı – rəqs nömrələri, Azərbaycan dilində şeirlər təqdim olunub. Sonda Prezident, Müzəffər Ali Baş Komandan İlham Əliyevin məşhur “dəmir yumruq” manerasını nümayiş etdirən şagirdlər birlikdə “Qarabağ Azərbaycandır!” şüarını səsləndiriblər.

Tədbir çərçivəsində Azərbaycandan olan uşaqların Vətənimizi vəsf edən və Avropa ölkələrində təqdim olunan rəsm əsərlərinin sərgisi nümayiş etdirilib.

FOTO QALEREYA

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/kisinyovda-zefer-gunu-bayram-edilib-1908