Dövlət – Samsun Ekspress https://samsunekspress.com Thu, 06 Jun 2024 17:21:06 +0000 tr hourly 1 https://samsunekspress.com/wp-content/uploads/2025/03/cropped-Samsun-32x32.webp Dövlət – Samsun Ekspress https://samsunekspress.com 32 32 Yaponiyanın Azərbaycandakı səfiri Dövlət Komitəsində olub https://samsunekspress.com/yaponiyanin-az%c9%99rbaycandaki-s%c9%99firi-dovl%c9%99t-komit%c9%99sind%c9%99-olub-h57954.html Thu, 06 Jun 2024 17:21:06 +0000 https://1453kralmedya.com/yaponiyanin-az%c9%99rbaycandaki-s%c9%99firi-dovl%c9%99t-komit%c9%99sind%c9%99-olub-h57954.html

Yaponiyanın Azərbaycandakı səfiri Dövlət Komitəsində olub

6 iyun, 2024

Yaponiyanın Azərbaycandakı səfiri Dövlət Komitəsində olub

Yaponiyanın Azərbaycandakı fövqəladə və səlahiyyətli səfiri Vatanebe Katsuya Diasporla İş üzrə Dövlət Komitəsində olub.

 

 

 

 

Qonağı səmimi salamlayan Komitə sədri Fuad Muradov Komitənin fəaliyyəti, həyata keçirdiyi layihələr, xaricdəki Azərbaycan Evləri, Koordinasiya Şuraları haqqında ətraflı məlumat verib. Komitənin təkcə xaricdə yaşayan azərbaycanlılarla deyil, eyni zamanda Azərbaycana dost münasibəti bəsləyən ölkələrlə də iş apardığını bildirən Sədr Yaponiyadakı Azərbaycan diasporunun fəaliyyətinin iki ölkə arasındakı münasibətlərin daha da genişlənməsində mühüm rol oynadığını qeyd edib. Komitənin dəstəyilə Yaponiyada gerçəkləşdirilən layihələr barədə fikirlərini bölüşüb.

Səfir Vatanebe Katsuya səmimi qəbula görə təşəkkür edib. Ötən ilin dekabrından Azərbaycanda fəaliyyətə başladığını söyləyən Səfir azərbaycanlıların Yaponiyaya olan sevgisinin onda xoş təəssürat yaratdığını deyib. O, bundan sonrakı fəaliyyətində Komitə ilə əməkdaşlığa hər zaman hazır olduğunu bildirib.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/yaponiyanin-azerbaycandaki-sefiri-dovlet-komitesinde-olub-4818

 

]]> İlham Əliyev Bakıda Dövlət Sərhəd Xidmətinin yeni hərbi hospital kompleksinin açılışında iştirak edib https://samsunekspress.com/ilham-%c9%99liyev-bakida-dovl%c9%99t-s%c9%99rh%c9%99d-xidm%c9%99tinin-yeni-h%c9%99rbi-hospital-kompleksinin-acilisinda-istirak-edib-h53526.html Mon, 15 Jan 2024 21:35:52 +0000 https://1453kralmedya.com/ilham-%c9%99liyev-bakida-dovl%c9%99t-s%c9%99rh%c9%99d-xidm%c9%99tinin-yeni-h%c9%99rbi-hospital-kompleksinin-acilisinda-istirak-edib-h53526.html

 

 

İlham Əliyev Bakıda Dövlət Sərhəd Xidmətinin yeni hərbi hospital kompleksinin açılışında iştirak edib
15 yanvar 2024,

 

 

İlham Əliyev Bakıda Dövlət Sərhəd Xidmətinin yeni hərbi hospital kompleksinin açılışında iştirak edib
Yanvarın 15-də Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev Bakıda Dövlət Sərhəd Xidmətinin yeni hərbi hospital kompleksinin açılışında iştirak edib.

 

 

 

Dövlət Sərhəd Xidmətinin rəisi, general-polkovnik Elçin Quliyev Azərbaycan Prezidenti, Silahlı Qüvvələrin Ali Baş Komandanı İlham Əliyevə raport verdi. Sonra Bakının Fətəli xan Xoyski küçəsi, 99 ünvanında yerləşən hospital kompleksi barədə dövlətimizin başçısına məlumat verildi.

 

 

 

Bildirildi ki, hərbi hospitalın köhnə binası XX əsrin 70-ci illərində inşa olunub. Yeni hərbi hospitalda ən son elmi-texniki nailiyyətlərə və müharibə təcrübəsinə əsaslanan tibbi müayinə və müalicə imkanları yaradılıb. Dünyanın qabaqcıl ölkələrində istehsal olunan tibbi avadanlıqlarla təchiz edilmiş hərbi hospitalın ürək-damar cərrahiyyəsi, invaziv kardiologiya, nevrologiya və digər tibbi fəaliyyət sahələri xəstələrə ən yüksək səviyyədə çoxfunksionallı xidmət göstərəcək.

Səkkiz mərtəbədən və köməkçi binalardan ibarət hərbi hospitalın inşası müasir texnologiyalar və qabaqcıl təcrübələr əsasında həyata keçirilib. Ümumi sahəsi 24.760 kvadratmetr olan 240 çarpayılıq binada 903 otaq, 17 şöbə, 80 palata mövcuddur. Hərbi dövrdə çarpayı sayının 700-ə çatdırılması imkanları vardır. Burada yaradılan Təcili Tibbi Yardım Mərkəzi durumu son dərəcə kritik olan xəstələrin 24 saat qəbulunu həyata keçirməyə imkan verəcək.

 

 

 

İl ərzində hərbi hospitalda 100-110 min ambulator, 17 min-20 min xəstə stasionar müalicə oluna bilər.

Hərbi hospitalın Cərrahiyyə şöbəsində quraşdırılan avadanlıqlar istənilən növ ağır əməliyyatları aparmağa imkan verir. Tibb ocağında 11 əməliyyatxanadan ibarət xüsusi blok yerləşir. Hospitalda uçuş heyətinin və dalğıcların müayinəsi və müalicəsi üçün respublikada ən müasir hiperbarik oksigenasiya avadanlığı (barokamera) quraşdırılıb.

 

 

 

Binada gözləmə, konfrans, yataq, yemək otaqları yaradılıb, intensiv terapiya və tibbi heyət üçün bölmələr fəaliyyət göstərir. DSX-də qadın hərbi qulluqçuların sayı nəzərə alınaraq hərbi hospitalda doğum mərkəzi də yaradılıb.

 

 

 

Hərbi hospitalın Laboratoriya şöbəsində ən yeni müayinə üsullarını özündə birləşdirən və tibbi tələblərə tam cavab verən dünyanın aparıcı şirkətlərinin laborator avadanlığı quraşdırılıb. Müalicə ocağı dövrün tələblərinə uyğun çağrı və nəzarət sistemləri ilə təmin olunub. Hərbi hospitalda klinik fəaliyyətin, yəni tibbi tədris işinin təşkili və ixtisaslı hərbi həkimlərin hazırlanması şəraiti yaradılıb.

 

 

 

 

Hərbi hospitalın yerləşdiyi 3 hektar ərazidə geniş abadlıq-quruculuq işləri görülüb, yaşıllıq sahələri salınıb.

Sonda xatirə şəkli çəkdirildi.

Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/63063

 

 

 

]]> İlham Əliyev ABŞ Dövlət Departamentinin nümayəndəsini qəbul edib https://samsunekspress.com/ilham-%c9%99liyev-abs-dovl%c9%99t-departamentinin-numay%c9%99nd%c9%99sini-q%c9%99bul-edib-h50753.html Sun, 22 Oct 2023 15:19:00 +0000 https://1453kralmedya.com/ilham-%c9%99liyev-abs-dovl%c9%99t-departamentinin-numay%c9%99nd%c9%99sini-q%c9%99bul-edib-h50753.html

 

 

İlham Əliyev ABŞ Dövlət Departamentinin nümayəndəsini qəbul edib

2023,

 

 

İlham Əliyev ABŞ Dövlət Departamentinin nümayəndəsini qəbul edib

Azərbaycan Respublikasının Prezidenti İlham Əliyev oktyabrın 20-də ABŞ Dövlət Departamentinin Avropa və Avrasiya məsələləri üzrə Bürosunda dövlət katibi köməkçisinin müavini Coşua Hakı qəbul edib.

 

 

 

Görüşdə regionda sülhün və sabitliyin təmin edilməsi, Ermənistan ilə Azərbaycan arasında münasibətlərin normallaşdırılması prosesi ətrafında fikir mübadiləsi aparıldı.

 

 

 

Prezident İlham Əliyev Azərbaycanın regional sülh gündəliyi, Ermənistan ilə Azərbaycan arasında münasibətlərin normallaşdırılması, sülh müqaviləsi üzrə danışıqların davam etdirilməsi və tezliklə imzalanması ilə bağlı niyyətini bir daha ifadə etdi.

Görüşdə qarşılıqlı maraq doğuran digər məsələlər ətrafında da fikir mübadiləsi aparıldı.

Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/61809

 

 

 

 

]]> İlham Əliyev Bişkekdə MDB Dövlət Başçıları Şurasının məhdud tərkibdə görüşündə iştirak edib https://samsunekspress.com/ilham-%c9%99liyev-biskekd%c9%99-mdb-dovl%c9%99t-bascilari-surasinin-m%c9%99hdud-t%c9%99rkibd%c9%99-gorusund%c9%99-istirak-edib-h50394.html Fri, 13 Oct 2023 20:00:10 +0000 https://1453kralmedya.com/ilham-%c9%99liyev-biskekd%c9%99-mdb-dovl%c9%99t-bascilari-surasinin-m%c9%99hdud-t%c9%99rkibd%c9%99-gorusund%c9%99-istirak-edib-h50394.html

 

 

 

 

İlham Əliyev Bişkekdə MDB Dövlət Başçıları Şurasının məhdud tərkibdə görüşündə iştirak edib

13 oktyabr 2023,

 

 

 

 

İlham Əliyev Bişkekdə MDB Dövlət Başçıları Şurasının məhdud tərkibdə görüşündə iştirak edib

 

 

 

Oktyabrın 13-də Bişkekdə Müstəqil Dövlətlər Birliyi (MDB) Dövlət Başçıları Şurasının iclası keçirilib.

Azərbaycan Respublikasının Prezidenti İlham Əliyev iclasda iştirak edib.

Qırğız Respublikasının Prezidenti Sadır Japarov Azərbaycan Prezidenti İlham Əliyevi və digər dövlət başçılarını qarşıladı.

İclasda iştirak edən dövlət başçıları birgə foto çəkdirdilər.

Əvvəlcə MDB Dövlət Başçıları Şurasının məhdud tərkibdə iclası keçirildi.

Qırğızıstan Prezidenti Sadır Japarov dedi:

-Çıxış üçün söz Azərbaycan Respublikasının Prezidenti İlham Heydər oğlu Əliyevə verilir. İlham Heydər oğlu, buyurun, söz Sizindir.

Prezident İlham Əliyev iclasda çıxış edərək dedi:

 

 

 

 

-Hörmətli Sadır Nurqojoyeviç, hörmətli dövlət başçıları. Əvvəlcə, qonaqpərvərliyə və tədbirin yüksək səviyyədə təşkilinə görə Qırğızıstan Prezidenti Sadır Nurqojoyeviç Japarova təşəkkür etmək istərdim.

Şadam ki, Qırğızıstan və Azərbaycan arasında dostluq və qardaşlıq münasibətləri uğurla inkişaf edir. Dövlət başçılarının qarşılıqlı səfərləri zamanı əldə olunmuş razılaşmalar yerinə yetirilir. Azərbaycan Qırğızıstanda investisiya layihələrini həyata keçirməyə başlayıb. Əməkdaşlığı dərinləşdirmək məqsədilə Azərbaycan-Qırğızıstan İnvestisiya Fondu yaradılıb. Fürsətdən istifadə edərək Qırğızıstan rəhbərliyini ölkənin sosial-iqtisadi inkişafında uğurları münasibətilə təbrik etmək istərdim.

Rusiya Federasiyasının növbəti ildə MDB-də sədrliyinin həyata keçirilməsində hörmətli Vladimir Vladimiroviç Putinə uğurlar diləmək istərdim.

 

 

 

 

Tədbirimizin əlamətdar hadisəsi Özbəkistan Prezidenti, hörmətli Şavkat Miromonoviç Mirziyoyevin MDB-nin Fəxri Nişanı ilə təltif edilməsidir. Şavkat Miromonoviçi bu layiqli mükafata görə təbrik edirəm. Qardaş Özbəkistanla bağlı olan digər mühüm hadisə Səmərqənd şəhərinin 2024-cü ildə “Birliyin mədəniyyət paytaxtı” elan edilməsi ilə bağlı qərardır.

 

 

 

 

Humanitar sahə bizim Birliyin çərçivəsində əsas istiqamətlərdən biridir. Azərbaycan bu sahədə əməkdaşlığımızın inkişafına böyük töhfə verir. Azərbaycanın 2025-ci ildə üçüncü MDB Oyunlarının keçirilməsi üzrə namizədliyini dəstəklədikləri üçün həmkarlarıma minnətdarlığımı bildirmək istərdim.

Əminəm ki, üçüncü MDB Oyunları idman sahəsində əməkdaşlığımızı möhkəmləndirməklə yanaşı, Birlik məkanında uğurlu qarşılıqlı fəaliyyətimizin daha bir nümayişi olacaq.

 

 

 

Fürsətdən istifadə edərək, Belarus Prezidenti, hörmətli Aleksandr Qriqoryeviç Lukaşenkonu ikinci MDB Oyunlarının uğurla keçirilməsi münasibətilə təbrik etmək istərdim.

Hörmətli həmkarlar, iqtisadi əlaqələrimizin möhkəmlənməsi müsbət nəticə verir. Keçən il Azərbaycan ilə MDB ölkələri arasında əmtəə dövriyyəsinin həcmi təxminən 30 faiz artıb. Bu il artım 20 faizdən də çoxdur.

 

 

 

 

Azərbaycan MDB-nin bir çox ölkələri üçün tranzit-nəqliyyat sahəsində etibarlı tərəfdaşdır. MDB-nin bir çox üzv ölkələri Şərq-Qərb və Şimal-Cənub nəqliyyat dəhlizləri üzrə Azərbaycanın tranzit imkanlarından fəal istifadə edirlər. Bu iki nəqliyyat dəhlizinin ötürmə qabiliyyətinin genişləndirilməsi üzrə həyata keçirilən və perspektiv layihələr ölkələrimizin nəqliyyat təhlükəsizliyinin möhkəmlənməsi işinə və əmtəə dövriyyəsinin artırılmasına xidmət edəcək.

 

 

 

Bir daha tədbirin yüksək səviyyədə təşkilinə görə Qırğızıstan Prezidentinə təşəkkürümü bildirmək istəyirəm. Əminəm ki, sammitin nəticələri gələcəkdə əməkdaşlığımızın möhkəmlənməsinə xidmət edəcək.

Diqqətinizə görə təşəkkür edirəm.

Prezident Sadır Japarov: Sağ olun, İlham Heydər oğlu.

X X X

Sonra MDB Dövlət Başçıları Şurasının iclası işini geniş tərkibdə davam etdirdi.

 

 

 

Qırğızıstan Prezidenti Sadır Japarov iclasda aparılan müzakirələrin MDB-yə üzv ölkələr arasında əməkdaşlığın inkişafına töhfə verəcəyini vurğuladı. Sadır Japarov MDB-yə sədrliyin Qırğızıstandan Rusiyaya keçdiyini elan etdi.

 

 

 

 

Rusiya Federasiyasının Prezidenti Vladimir Putin ölkəsinin MDB-yə sədrliyi dövründə prioritet hədəfləri barədə məlumat verdi. Vladimir Putin MDB Dövlət Başçıları Şurasının növbəti iclasının gələn ilin oktyabrında Moskvada keçiriləcəyini vurğuladı.

 

 

 

 

İclasda çıxış edən MDB-nin Baş katibi Sergey Lebedev imzalanacaq sənədlər barədə məlumat verdi.

Daha sonra sənədlər imzalandı.

Bununla da MDB Dövlət Başçıları Şurasının iclası başa çatdı.

 

 

 

 

Böyük ölçüdə video
Böyük ölçüdə şəkillər
BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/61561

 

 

 

 

 

]]> Türkiyə nümayəndə heyəti Dövlət Komitəsində olub https://samsunekspress.com/turkiy%c9%99-numay%c9%99nd%c9%99-hey%c9%99ti-dovl%c9%99t-komit%c9%99sind%c9%99-olub-h49699.html Tue, 19 Sep 2023 08:27:22 +0000 https://1453kralmedya.com/turkiy%c9%99-numay%c9%99nd%c9%99-hey%c9%99ti-dovl%c9%99t-komit%c9%99sind%c9%99-olub-h49699.html

 

 

 

Türkiyə nümayəndə heyəti Dövlət Komitəsində olub

, 2023

Türkiyə nümayəndə heyəti Dövlət Komitəsində olub

 

 

 

 

Diasporla İş üzrə Dövlət Komitəsinin sədri Fuad Muradov Azərbaycanda səfərdə olan Türkiyə nümayəndə heyəti ilə görüşüb.

 

 

 

 

Görüşdə Azərbaycan-Türkiyə dostluq və qardaşlıq münasibətlərinin daha da inkişaf etməsi, Şuşa Bəyannaməsinin bu münasibətlərin təməlini möhkəmləndirməsi barədə danışılıb. Qeyd olunub ki, Ermənistanın ölkəmizə qarşı təxribatlarının davam etməsi dünya ictimaiyyətinin məlumatlandırılmasını aktual edir və bu işdə Türkiyədəki təşkilatların, vətəndaş cəmiyyətinin də əvəzolunmaz rolu var.

Fuad Muradov Azərbaycan Prezidenti İlham Əliyevin tövsiyələrinə uyğun olaraq türk dövlətləri ilə, o cümlədən qardaş ölkə ilə birlikdə müxtəlif layihələrin ardıcıl və sistemli şəkildə həyata keçirildiyini diqqətə çatdırıb.

 

 

 

 

İstanbul Türkiyə Azərbaycan Həmrəylik və Kültür Dərnəyinin rəhbəri Səfər Karakoyunlu səmimi qəbula görə təşəkkür edib, rəhbərlik etdiyi təşkilatın gördüyü işləri xatırladıb, ölkələrimiz arasındakı münasibətlərin inkişafına töhfə verməkdən qürur duyduqlarını dilə gətirib.

 

 

 

 

Qonaqlar Azərbaycan torpaqlarının işğalı dövründə informasiya müharibəsində yaxından iştirak etdiklərini, bundan sonra daha güclü platformalar üzərindən fəaliyyətlərini davam etdirəcəklərini, bütün qüvvələri ilə Azərbaycanın yanında olacaqlarını nəzərə çatdırıblar.

Sonda qonaqlara hədiyyələr təqdim olunub və xatirə şəkli çəkilib.

FOTO QALEREYA

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/turkiye-numayende-heyeti-dovlet-komitesinde-olub-3462

 

 

 

 

]]> Nazir Ceyhun Bayramovun ABŞ dövlət katibinin Avropa və Avrasiya məsələləri üzrə köməkçisi vəzifəsini icra edən Yuri Kim ilə telefon danışığına dair mətbuat məlumatı https://samsunekspress.com/nazir-ceyhun-bayramovun-abs-dovl%c9%99t-katibinin-avropa-v%c9%99-avrasiya-m%c9%99s%c9%99l%c9%99l%c9%99ri-uzr%c9%99-kom%c9%99kcisi-v%c9%99zif%c9%99sini-icra-ed%c9%99n-yuri-kim-il%c9%99-telefon-danisi-3-h49643.html Sun, 17 Sep 2023 11:03:08 +0000 https://1453kralmedya.com/nazir-ceyhun-bayramovun-abs-dovl%c9%99t-katibinin-avropa-v%c9%99-avrasiya-m%c9%99s%c9%99l%c9%99l%c9%99ri-uzr%c9%99-kom%c9%99kcisi-v%c9%99zif%c9%99sini-icra-ed%c9%99n-yuri-kim-il%c9%99-telefon-danisi-3-h49643.html

 

 

 

No:470/23, Nazir Ceyhun Bayramovun ABŞ dövlət katibinin Avropa və Avrasiya məsələləri üzrə köməkçisi vəzifəsini icra edən Yuri Kim ilə telefon danışığına dair mətbuat məlumatı

 

 

 

7 sentyabr 2023-cü il tarixində Azərbaycan Respublikasının xarici işlər naziri Ceyhun Bayramov ilə ABŞ dövlət katibinin Avropa və Avrasiya məsələləri üzrə köməkçisi vəzifəsini icra edən Yuri Kim arasında telefon danışığı baş tutub.

 

 

 

Telefon danışığı zamanı iki ölkə arasında ikitərəfli və çoxtərəfli əməkdaşlıq gündəliyi, regionda mövcud vəziyyət, habelə Azərbaycan və Ermənistan arasında normallaşma prosesi müzakirə olunub.

 

Nazir Ceyhun Bayramov, bölgədə cari vəziyyət barədə qarşı tərəfi ətraflı məlumatlandıraraq, Ermənistanın Azərbaycana qarşı hərbi-siyasi təxribatlarının, vəziyyəti təhrif edən manipulyasiyalarının artması fonunda bu ölkənin beynəlxalq ictimaiyyəti yanlış yönləndirməyə istiqamətlənən propaqandasının reallıqları əks etdirmədiyini diqqətə çatdırıb.

 

 

 

Bölgədə guya “çətin humanitar vəziyyət” və “blokada”nın mövcudluğu ilə bağlı əsassız iddialar bəhanəsi ilə ölkəmizin daxili işlərinə, o cümlədən Qarabağ bölgəsində yaşayan erməni sakinlərin cəmiyyətimizə reinteqrasiyası səylərinə müdaxilələrin qəbuledilməz olduğu diqqətə çatdırılıb.

 

 

 

Azərbaycan tərəfindən Beynəlxalq Qızıl Xaç Komitəsi vasitəsilə Ağdam-Xankəndi yolundan istifadə etməklə erməni sakinlərə yüklərin daşınması, buna paralel olaraq Laçın yolundan istifadənin intensivləşməsi barədə əldə edilmiş razılıqların Ermənistan və onun yaratdığı qondarma rejim tərəfindən son anda pozulmasının yaranmış vəziyyətin humanitar deyil siyasi manipulyasiya olduğunu göstərdiyi bildirilib.

 

 

 

Post-münaqişə dövründə bölgədə sülh və təhlükəsizliyin bərqərar edilməsi istiqamətində yaranmış tarixi şansın əldən verilməməsi üçün beynəlxalq ictimaiyyət tərəfindən Ermənistanın təxribatçı addımlarının, o cümlədən Azərbaycan ərazilərində yaradılmış qondarma rejimi dəstəkləyən bəyanatlarının kəskin pislənməsi və qınanmasının zəruriliyi vurğulanıb.

 

 

 

Ermənistan tərəfinin sülh prosesini təhdid altında qoyan bəyanat və addımlarına baxmayaraq, normallaşma gündəliyinin irəli aparılmasında qərarlı olduğumuz, lakin bu mövqeyimizə sadiqliyimizin, ərazi bütövlüyümüz və suverenliyimizə qarşı yönələn hər hansı təhdidin qarşısını almaq hüququmuza xələl gətirmədiyi diqqətə çatdırılıb.

 

 

 

Telefon danışığı zamanı, həmçinin qarşılıqlı maraq doğuran digər məsələlər ətrafında fikir mübadiləsi aparılıb.

Paylaş
BÜTÜN XƏBƏRLƏR

kaynak:https://mfa.gov.az/az/news/no47023

 

 

]]> Nazir Ceyhun Bayramovun ABŞ dövlət katibinin Avropa və Avrasiya məsələləri üzrə köməkçisi vəzifəsini icra edən Yuri Kim ilə telefon danışığına dair mətbuat məlumatı https://samsunekspress.com/nazir-ceyhun-bayramovun-abs-dovl%c9%99t-katibinin-avropa-v%c9%99-avrasiya-m%c9%99s%c9%99l%c9%99l%c9%99ri-uzr%c9%99-kom%c9%99kcisi-v%c9%99zif%c9%99sini-icra-ed%c9%99n-yuri-kim-il%c9%99-telefon-danisi-2-h49600.html Fri, 15 Sep 2023 12:11:52 +0000 https://1453kralmedya.com/nazir-ceyhun-bayramovun-abs-dovl%c9%99t-katibinin-avropa-v%c9%99-avrasiya-m%c9%99s%c9%99l%c9%99l%c9%99ri-uzr%c9%99-kom%c9%99kcisi-v%c9%99zif%c9%99sini-icra-ed%c9%99n-yuri-kim-il%c9%99-telefon-danisi-2-h49600.html

 

 

 

No:476/23, Nazir Ceyhun Bayramovun ABŞ dövlət katibinin Avropa və Avrasiya məsələləri üzrə köməkçisi vəzifəsini icra edən Yuri Kim ilə telefon danışığına dair mətbuat məlumatı

 

 

9 sentyabr 2023-cü il tarixində Azərbaycan Respublikasının xarici işlər naziri Ceyhun Bayramov ilə ABŞ dövlət katibinin Avropa və Avrasiya məsələləri üzrə köməkçisi vəzifəsini icra edən Yuri Kim arasında növbəti telefon danışığı baş tutub.

 

 

 

Telefon danışığı zamanı regionda son vəziyyət müzakirə olunub.

 

 

 

Nazir Ceyhun Bayramov Ermənistanın və onun tərəfindən Azərbaycan ərazilərində yaradılmış qondarma rejimin Azərbaycanın ərazi bütövlüyü və suverenliyinə qarşı artan təxribatlarının, öhdəliklərə zidd olaraq Azərbaycan ərazilərindən hələ də çıxarılmamış erməni silahlı qüvvələrinin bölgədə sülh və təhlükəsizliyə əsas təhdid olduğunu diqqətə çatdırıb.

 

 

 

Azərbaycanın Qarabağ bölgəsində qondarma rejimin 9 sentyabr tarixində “prezident seçkiləri” adı altında apardığı qanunsuz fəaliyyətin Azərbaycan Respublikasının Konstitusiyası, qanunları və beynəlxalq hüququn norma və prinsiplərinin kobud şəkildə pozuntusu olduğu, bu addımın bölgədə normallaşma və erməni sakinlərin Azərbaycan Respublikasının konstitusion çərçivəsinə reinteqrasiya edilməsi səylərinə ciddi zərbə vurduğu bildirilib.

 

 

 

Erməni silahlı qüvvələrinin Azərbaycanın Qarabağ bölgəsindən qeyd-şərtsiz və tamamilə çıxarılması, qondarma rejimin buraxılmasının zəruri olduğu nazir tərəfindən vurğulanıb.

 

 

 

Nazir beynəlxalq hüquqdan irəli gələn öhdəliklərə uyğun olaraq, Azərbaycan ərazisində “seçki” adı altında aparılan bu qanunsuz fəaliyyəti qətiyyətlə pisləməyə çağırıb.

 

 

 

Telefon danışığı zamanı, tərəflər qarşılıqlı maraq doğuran digər məsələlər ətrafında fikir mübadiləsi aparıblar.

Paylaş

BÜTÜN XƏBƏRLƏR

 

kaynak:https://mfa.gov.az/az/news/no47623

 

 

]]> Nazir Ceyhun Bayramovun ABŞ dövlət katibinin Avropa və Avrasiya məsələləri üzrə köməkçisi vəzifəsini icra edən Yuri Kim ilə telefon danışığına dair mətbuat məlumatı https://samsunekspress.com/nazir-ceyhun-bayramovun-abs-dovl%c9%99t-katibinin-avropa-v%c9%99-avrasiya-m%c9%99s%c9%99l%c9%99l%c9%99ri-uzr%c9%99-kom%c9%99kcisi-v%c9%99zif%c9%99sini-icra-ed%c9%99n-yuri-kim-il%c9%99-telefon-danisigi-h49499.html Mon, 11 Sep 2023 18:22:46 +0000 https://1453kralmedya.com/nazir-ceyhun-bayramovun-abs-dovl%c9%99t-katibinin-avropa-v%c9%99-avrasiya-m%c9%99s%c9%99l%c9%99l%c9%99ri-uzr%c9%99-kom%c9%99kcisi-v%c9%99zif%c9%99sini-icra-ed%c9%99n-yuri-kim-il%c9%99-telefon-danisigi-h49499.html

 

 

 

No:470/23, Nazir Ceyhun Bayramovun ABŞ dövlət katibinin Avropa və Avrasiya məsələləri üzrə köməkçisi vəzifəsini icra edən Yuri Kim ilə telefon danışığına dair mətbuat məlumatı

 

 

7 sentyabr 2023-cü il tarixində Azərbaycan Respublikasının xarici işlər naziri Ceyhun Bayramov ilə ABŞ dövlət katibinin Avropa və Avrasiya məsələləri üzrə köməkçisi vəzifəsini icra edən Yuri Kim arasında telefon danışığı baş tutub.

 

Telefon danışığı zamanı iki ölkə arasında ikitərəfli və çoxtərəfli əməkdaşlıq gündəliyi, regionda mövcud vəziyyət, habelə Azərbaycan və Ermənistan arasında normallaşma prosesi müzakirə olunub.

 

 

 

Nazir Ceyhun Bayramov, bölgədə cari vəziyyət barədə qarşı tərəfi ətraflı məlumatlandıraraq, Ermənistanın Azərbaycana qarşı hərbi-siyasi təxribatlarının, vəziyyəti təhrif edən manipulyasiyalarının artması fonunda bu ölkənin beynəlxalq ictimaiyyəti yanlış yönləndirməyə istiqamətlənən propaqandasının reallıqları əks etdirmədiyini diqqətə çatdırıb.

 

 

 

Bölgədə guya “çətin humanitar vəziyyət” və “blokada”nın mövcudluğu ilə bağlı əsassız iddialar bəhanəsi ilə ölkəmizin daxili işlərinə, o cümlədən Qarabağ bölgəsində yaşayan erməni sakinlərin cəmiyyətimizə reinteqrasiyası səylərinə müdaxilələrin qəbuledilməz olduğu diqqətə çatdırılıb.

 

Azərbaycan tərəfindən Beynəlxalq Qızıl Xaç Komitəsi vasitəsilə Ağdam-Xankəndi yolundan istifadə etməklə erməni sakinlərə yüklərin daşınması, buna paralel olaraq Laçın yolundan istifadənin intensivləşməsi barədə əldə edilmiş razılıqların Ermənistan və onun yaratdığı qondarma rejim tərəfindən son anda pozulmasının yaranmış vəziyyətin humanitar deyil siyasi manipulyasiya olduğunu göstərdiyi bildirilib.

 

 

 

Post-münaqişə dövründə bölgədə sülh və təhlükəsizliyin bərqərar edilməsi istiqamətində yaranmış tarixi şansın əldən verilməməsi üçün beynəlxalq ictimaiyyət tərəfindən Ermənistanın təxribatçı addımlarının, o cümlədən Azərbaycan ərazilərində yaradılmış qondarma rejimi dəstəkləyən bəyanatlarının kəskin pislənməsi və qınanmasının zəruriliyi vurğulanıb.

 

 

 

Ermənistan tərəfinin sülh prosesini təhdid altında qoyan bəyanat və addımlarına baxmayaraq, normallaşma gündəliyinin irəli aparılmasında qərarlı olduğumuz, lakin bu mövqeyimizə sadiqliyimizin, ərazi bütövlüyümüz və suverenliyimizə qarşı yönələn hər hansı təhdidin qarşısını almaq hüququmuza xələl gətirmədiyi diqqətə çatdırılıb.

 

Telefon danışığı zamanı, həmçinin qarşılıqlı maraq doğuran digər məsələlər ətrafında fikir mübadiləsi aparılıb.

Paylaş
BÜTÜN XƏBƏRLƏR

kaynak:https://mfa.gov.az/az/news/no47023

 

 

]]> ABŞ Dövlət katibi Antoni Blinken İlham Əliyevə zəng edib https://samsunekspress.com/abs-dovl%c9%99t-katibi-antoni-blinken-ilham-%c9%99liyev%c9%99-z%c9%99ng-edib-h49425.html Fri, 08 Sep 2023 21:17:24 +0000 https://1453kralmedya.com/abs-dovl%c9%99t-katibi-antoni-blinken-ilham-%c9%99liyev%c9%99-z%c9%99ng-edib-h49425.html

 

 

 

 

 

ABŞ Dövlət katibi Antoni Blinken İlham Əliyevə zəng edib

2023,

 

 

 

 

 

 

 

Sentyabrın 1-də ABŞ Dövlət katibi Antoni Blinken Azərbaycan Respublikasının Prezidenti İlham Əliyevə zəng edib.

 

 

 

Telefon söhbəti zamanı Ağdam-Xankəndi və Laçın-Xankəndi yollarının açılması ilə bağlı məsələlər ətrafında fikir mübadiləsi aparılıb.

 

 

 

 

Dövlətimizin başçısı vurğulayıb ki, Ermənistan və onun Azərbaycanın Qarabağ bölgəsində yaratdığı və dəstəkləməkdə davam etdiyi qondarma separatist rejim Ağdam-Xankəndi yolunun açılmasına qərəzli şəkildə imkan vermir və bu yoldan istifadənin qarşısının alınması üçün süni maneə və əngəllər yaradır, Beynəlxalq Qırmızı Xaç Komitəsinin xətti ilə bu yol ilə yüklərin daşınması barədə əldə olunmuş ilkin razılaşmadan imtina edib. Azərbaycan Prezidenti qeyd edib ki, Ağdam-Xankəndi yolundan istifadədən bu formada imtina etmək siyasi manipulyasiyadır və həmin ərazidə guya humanitar, yaxud qida böhranının yaşandığını iddia etmək üçün məqsədyönlü yalandır. Ağdam-Xankəndi yolunun açılmasından sonra Azərbaycanın gömrük və sərhəd-nəzarət rejimi qaydaları tətbiq edilməklə Laçın-Xankəndi yolu açıla bilər. Prezident İlham Əliyev vurğulayıb ki, dövlətimiz tərəfindən separatizmin bütün təzahürləri qəbulolunmazdır.

 

 

 

 

Prezident İlham Əliyev qeyd edib ki, Azərbaycan tərəfi ilə razılaşdırmadan Ermənistan tərəfindən Azərbaycanın “Laçın” sərhəd-keçid məntəqəsinin qarşısına humanitar təyinatlı olduğunu iddia etdikləri yüklərin gətirilməsi Azərbaycanın daxili işlərinə qarışmaqdır, ölkəmizin ərazi bütövlüyünə və suverenliyinə hörmətsizlikdir. Azərbaycan Prezidenti Ermənistanın bu kimi siyasətinin sülh müqaviləsi üzrə danışıqlara ciddi zərər vurduğunu bildirib.

 

 

 

 

Dövlətimizin başçısı Azərbaycan Qızıl Aypara Cəmiyyətinin xətti ilə həmin əraziyə ərzaq yüklərinin çatdırıldığını, lakin qanunsuz separatist rejimin bundan imtina etdiyini bildirib.

Prezident İlham Əliyev Azərbaycanın Qarabağın erməni əhalisinin nümayəndələrinin reinteqrasiya məsələləri ilə bağlı müzakirələrin aparılması üçün paytaxt Bakıya və ölkəmizin digər şəhərlərinə dəvət edilməsinə baxmayaraq, onların bundan imtina etdiklərini xatırladıb.

 

 

 

 

ABŞ Dövlət katibi Antoni Blinken sülh müqaviləsinin imzalanması və Azərbaycan ilə Ermənistan arasında münasibətlərin normallaşdırılması istiqamətində səylərini bundan sonra da davam etdirəcəklərini bildirib, Bakı ilə Xankəndi arasında birbaşa təmasları dəstəklədiklərini vurğulayıb.

BÜTÜN YAZILAR
XƏBƏRLƏR
SƏNƏDLƏR
VİDEOLAR
ŞƏKİLLƏR

kaynak:https://president.az/az/articles/view/61004

 

 

]]> Özbəkistanda təhsil alan bir qrup tələbə ölkəmizdə səfərdə olub https://samsunekspress.com/ozb%c9%99kistanda-t%c9%99hsil-alan-bir-qrup-t%c9%99l%c9%99b%c9%99-olk%c9%99mizd%c9%99-s%c9%99f%c9%99rd%c9%99-olub-h49207.html Fri, 01 Sep 2023 07:02:13 +0000 https://1453kralmedya.com/ozb%c9%99kistanda-t%c9%99hsil-alan-bir-qrup-t%c9%99l%c9%99b%c9%99-olk%c9%99mizd%c9%99-s%c9%99f%c9%99rd%c9%99-olub-h49207.html

 

 

 

 

Özbəkistanda təhsil alan bir qrup tələbə ölkəmizdə səfərdə olub

, 2023

Özbəkistanda təhsil alan bir qrup tələbə ölkəmizdə səfərdə olub

 

 

 

Özbəkistanda təhsil alan bir qrup azərbaycanlı və özbək tələbə Azərbaycanın paytaxtı Bakıya səfər edib.

 

22-25 avqust tarixində baş tutan səfərdə Nizami Gəncəvi adına Daşkənd Dövlət Pedaqoji Universitetinin 3 tələbəsi və Əlişir Nəvai adına Daşkənd Dövlət Özbək Dili və Ədəbiyyatı Universitetinin 4 tələbəsi iştirak edib. Səfər zamanı gəncləri Nizami Gəncəvi adına Daşkənd Dövlət Pedaqoji Universitetinin prorektoru müşayiət edib.

 

 

 

Fəxri Xiyabanı və Şəhidlər Xiyabanını ziyarət edən qonaqlar müasir Azərbaycan dövlətinin qurucusu Heydər Əliyevin və ölkəmizin ərazi bütövlüyü uğrunda canlarından keçmiş şəhidlərimizin əziz xatirələrini ehtiramla yad ediblər.

 

 

 

 

Qonaqlar ekskursiya proqramına uyğun olaraq Qız qalasını, “Şirvanşahlar Sarayı Kompleksi” Dövlət Tarix-Memarlıq qoruq-muzeyini, Milli Azərbaycan Tarixi Muzeyini, Nizami Gəncəvi adına Milli Azərbaycan Ədəbiyyatı Muzeyini, Heydər Əliyev Mərkəzini ziyarət ediblər. Özbəkistanlı gənclər Diasporla İş üzrə Dövlət Komitəsində və Milli Məclisdə olublar.

Tələbələr Azərbaycana səfərlərinə dəstək göstərən Diasporla İş üzrə Dövlət Komitəsinə minnətdarlıqlarını bildiriblər.

Komitənin adından tələbələrə xatirə hədiyyələri təqdim edilib.

 

FOTO QALEREYA

 

 

 

 

 

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/ozbekistanda-tehsil-alan-bir-qrup-telebe-olkemizde-seferde-olub-3412

 

 

]]>