DİDK – Samsun Ekspress https://samsunekspress.com Sat, 22 Apr 2023 12:24:19 +0000 tr hourly 1 https://samsunekspress.com/wp-content/uploads/2025/03/cropped-Samsun-32x32.webp DİDK – Samsun Ekspress https://samsunekspress.com 32 32 Komitə sədri “Artainment” şirkətinin rəhbəri ilə görüşüb https://samsunekspress.com/komit%c9%99-s%c9%99dri-artainment-sirk%c9%99tinin-r%c9%99hb%c9%99ri-il%c9%99-gorusub-h43905.html Sat, 22 Apr 2023 12:24:19 +0000 https://1453kralmedya.com/komit%c9%99-s%c9%99dri-artainment-sirk%c9%99tinin-r%c9%99hb%c9%99ri-il%c9%99-gorusub-h43905.html

 

 

 

Komitə sədri “Artainment” şirkətinin rəhbəri ilə görüşüb

2023
Komitə sədri “Artainment” şirkətinin rəhbəri ilə görüşüb

 

Diasporla İş üzrə Dövlət Komitəsinin (DİDK) sədri Fuad Muradovun “Dubay Expo-2020”də Mobillik Pavilyonunun direktoru, “Artainment” şirkətinin təsisçisi və rəhbəri Erik van der Şaftla görüşü keçirilib.

Qonaqları salamlayan Komitə sədri dövlətimizin diaspor siyasəti, DİDK-nin yaranma tarixi, fəaliyyət istiqamətləri, Azərbaycan diasporunun ölkəmizin həqiqətlərinin və zəngin mədəniyyətinin təbliği istiqamətində həyata keçirdiyi layihələr barədə danışıb.

 

 

 

Erik van der Şaft ilk dəfə Azərbaycana gəldiyini, səfər proqramının çox maraqlı olduğunu bildirib. Proqram çərçivəsində Azərbaycanın mədəniyyət paytaxtı Şuşa şəhərinə getdiyini, sənət adamı kimi bu qədim şəhərlə bağlı artıq bir neçə ideyasının yarandığını vurğulayıb.

Qonaq şəxsi təcrübəsindən, indiyədək rəhbərlik etdiyi irimiqyaslı layihələrdən söz açıb, gələcəkdə diaspor və digər sahələrdə Azərbaycanla əməkdaşlıq etmək niyyətində olduğunu diqqətə çatdırıb.

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:http://diaspor.gov.az/az/news-detail/komite-sedri-artainment-sirketinin-rehberi-ile-gorusub-2820

 

 

]]> ABŞ-ın San-Xose şəhərində Azərbaycan icması ilə görüş keçirilib https://samsunekspress.com/abs-in-san-xose-s%c9%99h%c9%99rind%c9%99-az%c9%99rbaycan-icmasi-il%c9%99-gorus-kecirilib-h43200.html Tue, 11 Apr 2023 21:33:01 +0000 https://1453kralmedya.com/abs-in-san-xose-s%c9%99h%c9%99rind%c9%99-az%c9%99rbaycan-icmasi-il%c9%99-gorus-kecirilib-h43200.html

 

 

 

ABŞ-ın San-Xose şəhərində Azərbaycan icması ilə görüş keçirilib
, 2023
ABŞ-ın San-Xose şəhərində Azərbaycan icması ilə görüş keçirilib

Diasporla İş üzrə Dövlət Komitəsi (DİDK) əməkdaşlarının ABŞ-a səfəri çərçivəsində Kaliforniya ştatının San-Xose və ətraf şəhərlərində yaşayan azərbaycanlılarla görüş keçirilib.

Azərbaycanın və Amerika Birləşmiş Ştatlarının Dövlət himnlərinin səsləndirilməsi ilə başlayan tədbirdə ölkəmizin ərazi bütövlüyü uğrunda canlarından keçmiş şəhidlərimizin xatirəsi bir dəqiqəlik sükutla yad edilib.

Şimali Kaliforniya Azərbaycan Mədəniyyət Mərkəzinin rəhbəri Aynur Ağayeva tədbiri açaraq, təşkilatın fəaliyyəti barədə ətraflı məlumat verib.

Tədbir Komitənin fəaliyyətini əks etdirən videoçarxların və Diaspor Marşının nümayişi lə davam edib.

Görüş iştirakçılarını salamlayan Komitə sədri Fuad Muradov İkinci Qarabağ müharibəsi və post-müharibə dövründə Azərbaycan həqiqətlərinin dünya ictimaiyyətinə çatdırılmasında göstərdikləri fəallığa, vətənpərvərliyə görə icma üzvlərinə təşəkkür edib, ABŞ-da yaşayan azərbaycanlıların Azərbaycan mədəniyyətinin tanıdılmasında böyük rol oynadığını vurğulayıb.

Prezident İlham Əliyevin Dünya Azərbaycanlılarının V Qurultayında səsləndirdiyi tövsiyələri xatırladan Komitə sədri DİDK-nın çoxşaxəli fəaliyyət istiqamətləri, diaspor təşkilatlarını vahid platformada birləşdirən Koordinasiya şuraları, Azərbaycan evləri, həftəsonu Azərbaycan məktəbləri, Diaspor Gənclərinin Yay düşərgələri və digər irimiqyaslı layihələr barədə ətraflı məlumat verib.

 

 

 

Tədbirdə çıxış edən Azərbaycanın Los-Ancelesdəki Baş konsulluğunun konsulu Rasim Daşdəmirov və Azərbaycanın ABŞ-dakı səfirliyinin əməkdaşı icmanın fəaliyyəti ilə bağlı fikir və tövsiyələrini səsləndiriblər. Qeyd olunub ki, Kaliforniya ştatında ən çox azərbaycanlı San-Xose şəhərində yaşayır, buradakı gənclərimiz əsasən elm və İT sahələrində çalışırlar.

Sonra Prezident İlham Əliyevin Zəfər Günü ilə bağlı videoçıxışı təqdim olunub.

Müzakirələr zamanı Kaliforniya ştatında fəaliyyət göstərən diaspor təşkilatları nümayəndələrinin və diaspor fəallarının iştirak etdiyi tədbirdə Azərbaycan diasporunun təşkilatlanması istiqamətində aparılan ardıcıl, məqsədyönlü və sistemli işin nəticələri barədə danışılıb, əldə olunan nailiyyətlərə diqqət cəlb edilib.

Soydaşlarımız Kaliforniya ştatında yaşayan azərbaycanlıları bir arada topladığına, onları daim diqqət mərkəzində saxladığına və yaxından maraqlandığına görə Komitə rəhbərliyinə və əməkdaşlarına təşəkkür ediblər. Onlar bu görüşü həmyerlilərimizin şəbəkələşməsi və təşkilatlanması üçün atılan mühüm addımlardan biri kimi dəyərləndiriblər. Həmvətənlərimiz bundan sonra da yaşadıqları ölkədə Azərbaycanın haqlı mövqeyini müdafiə edəcəklərini, Azərbaycan xalqının və dövlətinin mənafeyini daim uca tutacaqlarını bildiriblər.

Tədbir qarşılıqlı fikir mübadiləsinin aparılması və sualların cavablandırılması ilə yekunlaşıb.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/abs-in-san-xose-seherinde-azerbaycan-icmasi-ile-gorus-kecirilib-2760

 

 

 

]]> Komitə əməkdaşları Daşkənddəki Heydər Əliyev adına Azərbaycan Mədəniyyət Mərkəzini ziyarət ediblər https://samsunekspress.com/komit%c9%99-%c9%99m%c9%99kdaslari-dask%c9%99ndd%c9%99ki-heyd%c9%99r-%c9%99liyev-adina-az%c9%99rbaycan-m%c9%99d%c9%99niyy%c9%99t-m%c9%99rk%c9%99zini-ziyar%c9%99t-edibl%c9%99r-h42411.html Fri, 24 Mar 2023 09:39:06 +0000 https://1453kralmedya.com/komit%c9%99-%c9%99m%c9%99kdaslari-dask%c9%99ndd%c9%99ki-heyd%c9%99r-%c9%99liyev-adina-az%c9%99rbaycan-m%c9%99d%c9%99niyy%c9%99t-m%c9%99rk%c9%99zini-ziyar%c9%99t-edibl%c9%99r-h42411.html

 

 

 

 

 

Komitə əməkdaşları Daşkənddəki Heydər Əliyev adına Azərbaycan Mədəniyyət Mərkəzini ziyarət ediblər
, 2023
Komitə əməkdaşları Daşkənddəki Heydər Əliyev adına Azərbaycan Mədəniyyət Mərkəzini ziyarət ediblər
Özbəkistana səfər çərçivəsində Diasporla İş üzrə Dövlət Komitəsi (DİDK) əməkdaşlarının Azərbaycanın bu ölkədəki səfirliyində və Heydər Əliyev adına Azərbaycan Mədəniyyət Mərkəzində görüşləri keçirilib.

Qonaqları salamlayan Azərbaycanın Özbəkistandakı səfiri Hüseyn Quliyev Azərbaycan və Özbəkistan dövlət başçılarının səyləri nəticəsində iki ölkə arasında münasibətlərin və əməkdaşlıq əlaqələrinin yüksək səviyyədə inkişaf etməsindən, uğurla həyata keçirilən qardaşlaşmış şəhərlər layihəsindən danışıb. Bildirib ki, bu layihə Lənkəran və Buxara, Şuşa və Xivə, Şəki və Kokand, Gəncə və Səmərqənd şəhərlərini əhatə edir.

Komitənin şöbə müdiri Vüsal Məmmədov DİDK-nın çoxşaxəli fəaliyyət istiqamətlərinə, irimiqyaslı layihələrinə diqqəti cəlb edib. Müasir Azərbaycan dövlətinin qurucusu, görkəmli dövlət xadimi Heydər Əliyevin anadan olmasının 100 illiyi münasibətilə Özbəkistanda keçirilməsi nəzərdə tutulan tədbirlərdən danışıb.

Azərbaycan səfiri Diasporla İş üzrə Dövlət Komitəsinin fəaliyyətini və irimiqyaslı layihələrini yüksək qiymətləndirdiyini nəzərə çatdırıb.

Komitə adından səfirə xatirə hədiyyəsi təqdim edilib.

Sonra səfirlikdə Bakı və Daşkəndin qardaşlaşmış məktəblərinin bir qrup şagirdi ilə görüş keçirilib və xatirə şəkli çəkilib.

Həmin gün Komitə əməkdaşları Heydər Əliyev adına Azərbaycan Mədəniyyət Mərkəzinin fəaliyyəti ilə də tanış olublar. Mərkəzin direktoru Samir Abbasov burada yaradılmış müxtəlif muzeylər barədə məlumat verib, Özbəkistanda ədəbiyyat və mədəniyyət sahəsində həyata keçirilən müxtəlif layihələrdən, diaspor təşkilatları ilə əməkdaşlıq məsələlərindən danışıb.

Komitənin şöbə müdiri qardaş ölkədə mərkəzin gördüyü işləri, Özbəkistandakı diaspor təşkilatları ilə əməkdaşlıq əlaqələrinin yaradılmasını müsbət dəyərləndirib.

Birgə əməkdaşlıq perspektivlərinin müzakirə olunduğu görüşün sonunda Komitənin adından mərkəzə xatirə hədiyyəsi təqdim olunub.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/komite-emekdaslari-daskenddeki-heyder-eliyev-adina-azerbaycan-medeniyyet-merkezini-ziyaret-edibler-2668

 

 

 

]]> Nyu-Yorkda bir qrup azərbaycanlı gənclə görüş olub https://samsunekspress.com/nyu-yorkda-bir-qrup-az%c9%99rbaycanli-g%c9%99ncl%c9%99-gorus-olub-h42071.html Tue, 14 Mar 2023 19:57:45 +0000 https://1453kralmedya.com/nyu-yorkda-bir-qrup-az%c9%99rbaycanli-g%c9%99ncl%c9%99-gorus-olub-h42071.html

 

 

 

Nyu-Yorkda bir qrup azərbaycanlı gənclə görüş olub

, 2023
Nyu-Yorkda bir qrup azərbaycanlı gənclə görüş olub

ABŞ-a səfər çərçivəsində Diasporla İş üzrə Dövlət Komitəsi (DİDK) əməkdaşlarının Nyu-Yorkda yaşayan Azərbaycan icmasının bir qrup gənc fəalı ilə görüşü keçirilib.

Görüş zamanı DİDK-nın sədr müavini Elşad Əliyev Azərbaycan dövlətinin diaspor siyasəti, Komitənin çoxşaxəli fəaliyyət istiqamətləri və həyata keçirilən müxtəlif layihələr barədə gənc soydaşlarımıza ətraflı məlumat verib. Nyu-York ştatında yaşayan intellektual və çevik gənclərin bir araya gəlməsinin, Azərbaycan həqiqətlərinin yerli ictimaiyyətə çatdırılması məqsədilə sosial şəbəkələrdə daha fəal hərəkət etməsinin önəmi vurğulanıb. Qeyd edilib ki, Komitə xaricdə, o cümlədən Nyu-Yorkda yaşayan həmvətənlərimizin birliyinin və həmrəyliyinin təmin olunması, Vətənlə əlaqələrinin möhkəmləndirilməsi prosesinə hər zaman dəstək göstərməyə hazırdır.

Sonra Nyu-Yorkda, eləcə də ABŞ-da gənclər tərəfindən həyata keçirilə biləcək mümkün təşəbbüslər dəyərləndirilib, konstruktiv fikir mübadiləsi aparılıb. Gənclərimiz səmərəli görüşün təşkil edilməsinə görə DİDK rəhbərliyinə xüsusi təşəkkürlərini bildiriblər.

Görüşdə Komitənin şöbə müdiri Səlhət Abbasova və əməkdaşı Zaur Salmanov iştirak ediblər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/nyu-yorkda-bir-qrup-azerbaycanli-gencle-gorus-olub-2588

 

 

]]> Torontoda türk və yəhudi icmaları ilə görüşlər keçirilib https://samsunekspress.com/torontoda-turk-v%c9%99-y%c9%99hudi-icmalari-il%c9%99-gorusl%c9%99r-kecirilib-h42057.html Tue, 14 Mar 2023 09:05:56 +0000 https://1453kralmedya.com/torontoda-turk-v%c9%99-y%c9%99hudi-icmalari-il%c9%99-gorusl%c9%99r-kecirilib-h42057.html

 

 

 

 

Torontoda türk və yəhudi icmaları ilə görüşlər keçirilib
, 2023
Torontoda türk və yəhudi icmaları ilə görüşlər keçirilib

Kanadaya səfəri çərçivəsində Diasporla İş üzrə Dövlət Komitəsinin (DİDK) şöbə müdiri Səlhət Abbasovanın Toronto şəhərində yaşayan türk xalqlarının, yəhudi icmasının nümayəndələri və Cənubi Azərbaycandan olan soydaşlarımız ilə görüşləri keçirilib.

“Vətən” Azərbaycan İncəsənət və Mədəniyyət Mərkəzinin təşkilatçılığı ilə baş tutan görüşdə Qaraçay türkləri, tatar, qazax, türkmən, özbək, İraq türkmənləri və digər icmaların nümayəndələri iştirak ediblər.

Tədbir iştirakçılarını salamlayan DİDK-nın şöbə müdiri bildirib ki, belə görüşlərin davamlı təşkil edilməsi türk xalqlarının Kanadada daha böyük və güclü bir icma olaraq təmsil olunmasına mühüm töhfələr verəcək.

DİDK şöbə müdirinin Qızılbaş Qlobal İrs Şurasının regional rəhbəri Arşı Qızılbaşla da görüşü keçirilib. Qeyd edək ki, Arşı Qızılbaş Dünya Azərbaycanlılarının Şuşada keçirilmiş V Qurultayının iştirakçısı olub.

Azərbaycandan Kanadaya köçmüş yəhudi icmasının üzvləri ilə görüşdə vətənimizə olan dərin sevgidən və sıx bağlılıqdan danışılıb. Yəhudi əsilli azərbaycanlılar ölkəmizdə böyüyüb boya-başa çatdıqlarını vurğulayaraq, Kanadada Azərbaycan mədəniyyətini təmsil və təbliğ etdiklərini, gələcəkdə Azərbaycan icması ilə birgə müxtəlif tədbirlərin təşkilində yaxından iştirak etmək istədiklərini nəzərə çatdırıblar.

Görüş zamanı Azərbaycan poeziyasından müxtəlif şeir nümunələri səsləndirilib. Sonra Toronto şəhərində fəaliyyət göstərən sinaqoq ziyarət edilib və yəhudi icması daimi sülh və inkişaf naminə Azərbaycana böyük nailiyyətlər arzulayıb.

Səfər çərçivəsində cənubi azərbaycanlı soydaşlarımız, o cümlədən “HB” (Heydərbaba) Media Qrupunun rəhbəri, “Azərbaycan StarTV”-nin təşkilatçısı və baş redaktoru olan Yaşar Poorali ilə də görüş keçirilib. “Təbriz” musiqi və rəqs ansamblının üzvləri ilə görüş Ontario əyalətinin Vaughan şəhərində yerləşən “Kavkaz Cuisine and Restaurant” adlı Azərbaycan restoranında baş tutub. Hər iki görüş zamanı diaspor fəaliyyəti, Azərbaycan mədəniyyətinin Kanada ictimaiyyətinə çatdırılmasına dair layihələrin Komitə tərəfindən dəstəklənməsi və gələcək layihələrlə bağlı birgə əməkdaşlıq məsələləri müzakirə edilib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/torontoda-turk-ve-yehudi-icmalari-ile-gorusler-kecirilib-2585

 

 

]]> Toronto Universitetinin kitabxanasına Azərbaycan haqqında kitablar təqdim edilib https://samsunekspress.com/toronto-universitetinin-kitabxanasina-az%c9%99rbaycan-haqqinda-kitablar-t%c9%99qdim-edilib-h41996.html Sat, 11 Mar 2023 21:00:59 +0000 https://1453kralmedya.com/toronto-universitetinin-kitabxanasina-az%c9%99rbaycan-haqqinda-kitablar-t%c9%99qdim-edilib-h41996.html

 

 

 

Toronto Universitetinin kitabxanasına Azərbaycan haqqında kitablar təqdim edilib
, 2023
Toronto Universitetinin kitabxanasına Azərbaycan haqqında kitablar təqdim edilib

Diasporla İş üzrə Dövlət Komitəsi (DİDK) Kanadanın ən nüfuzlu universitetlərindən biri olan Toronto Universitetinin kitabxanasına Azərbaycan həqiqətlərini və mədəniyyətini əks etdirən 20 kitab hədiyyə edib.

Kitabxana rəhbərliyi ilə görüşü zamanı DİDK-nın şöbə müdiri Səlhət Abbasova bildirib ki, ölkələrimiz arasındakı uzaq məsafə Kanadadakı kitabxanaların Azərbaycan haqqında müvafiq kitablar və digər materiallarla təmin edilməsində müəyyən çətinlik yaradır. DİDK-nın bu təşəbbüsü isə kitabxanada Azərbaycan bölməsinin formalaşdırılmasına yardım edə bilər, çünki təqdim edilmiş kitablar kitabxananın fondunun zənginləşdirilməsində böyük rol oynayacaq. Bu layihənin davamlı şəkildə həyata keçiriləcəyi vurğulanıb.

Qeyd edək ki, kitabxanaya təqdim edilən nəşrlər arasında “Azərbaycan: 100 sual”, “Azərbaycan musiqisinin inciləri”, “Zəfər Salnaməsi”, “Qarabağ. İşğaldan əvvəl və sonra”, “Qarabağ XIII əsrdən 1920-yə qədər”, “Azərbaycan dili”, eləcə də Azərbaycanın qədim tarixini, zəngin mədəniyyətini və milli mətbəxini əks etdirən digər kitablar yer alıb.

Sonra Toronto Universitetinin əsas humanitar və sosial elmlər kitabxanası hesab edilən Robarts kitabxanası ziyarət edilib. Bu kitabxanaya da Azərbaycana dair kitabların təqdim edilməsinə ehtiyac olduğu vurğulanıb.

Görüşdə Toronto Universiteti kitabxanasının əməkdaşı Dr. Lalə Cavanşir və “Vətən” Azərbaycan İncəsənət və Mədəniyyət Mərkəzinin rəhbəri Lalin Həsənova da iştirak ediblər.

Lalə Cavanşir bildirib ki, bu təşəbbüs tələbələrin və professorların Azərbaycana dair tədqiqat aparmasında mühüm rol oynayacaq və ölkəmiz haqqında yeni araşdırmaların meydana çıxmasına öz töhfəsini verəcək.

Lalə Cavanşirlə aparılan fikir mübadiləsi əsnasında gələcəkdə Toronto universitetlərində Azərbaycan dili kurslarının açılması, Azərbaycan dilinin təbliği, həmçinin kitabxanaların zənginləşdirilməsi istiqamətində Azərbaycan icmasının fəaliyyət istiqamətləri kimi məsələlər müzakirə edilib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/toronto-universitetinin-kitabxanasina-azerbaycan-haqqinda-kitablar-teqdim-edilib-2578

 

 

]]> “Florida Keys” müsabiqəsinin Nyu-Yorkdakı qala-konserti Heydər Əliyevin 100 illik yubileyinə həsr edilib https://samsunekspress.com/florida-keys-musabiq%c9%99sinin-nyu-yorkdaki-qala-konserti-heyd%c9%99r-%c9%99liyevin-100-illik-yubileyin%c9%99-h%c9%99sr-edilib-h41994.html Sat, 11 Mar 2023 19:49:05 +0000 https://1453kralmedya.com/florida-keys-musabiq%c9%99sinin-nyu-yorkdaki-qala-konserti-heyd%c9%99r-%c9%99liyevin-100-illik-yubileyin%c9%99-h%c9%99sr-edilib-h41994.html

 

 

 

“Florida Keys” müsabiqəsinin Nyu-Yorkdakı qala-konserti Heydər Əliyevin 100 illik yubileyinə həsr edilib
, 2023
“Florida Keys” müsabiqəsinin Nyu-Yorkdakı qala-konserti Heydər Əliyevin 100 illik yubileyinə həsr edilib
Nyu-York şəhərindəki məşhur “Carnegie Hall” mədəniyyət mərkəzinin “Weill” konsert salonunda VIII “Florida Keys” beynəlxalq musiqi müsabiqəsinin qala-konserti keçirilib.

Diasporla İş üzrə Dövlət Komitəsinin (DİDK) dəstəyi, Florida ştatında fəaliyyət göstərən Amerika-Azərbaycan Mədəniyyət Assosiasiyasının rəhbəri Töhfə Eminova və assosiasiyanın nəzdindəki Təhsil və mədəniyyət məsələləri üzrə komitənin rəhbəri Pərvin Muradovun birgə təşkilatçılığı ilə baş tutan tədbirdə DİDK-nın, ölkəmizin ABŞ-dakı səfirliyinin və BMT-dəki nümayəndəliyinin əməkdaşları da iştirak ediblər.

Öncə Azərbaycan və ABŞ-ın Dövlət himnləri səsləndirilib. Tədbir iştirakçılarını salamlayan “Florida Keys” musabiqəsinin direktoru Pərvin Muradov bildirib ki, bu il ölkəmizdə və dünyada müasir Azərbaycan dövlətinin qurucusu, görkəmli dövlət xadimi Heydər Əliyevin anadan olmasının 100 illiyi qeyd edilir. “Florida Keys” müsabiqəsi bu mühüm hadisəni nəzərə alaraq qala-konserti ulu öndərin yubileyinə həsr edib.

Tədbirdə çıxış edən Diasporla İş üzrə Dövlət Komitəsi sədrinin müavini Elşad Əliyev uzun illər ABŞ-da maraqlı musiqi yarışması təşkil etdiklərinə görə Pərvin Muradov və Töhfə Eminova başda olmaqla “Florida Keys” müsabiqəsinin komandasına, münsiflər heyətinə, musiqiçilərə, müəllimlərə və valideynlərə minnətdarlığını bildirib.

“Bildiyiniz kimi, builki qala-konsert Azərbaycanın dahi şəxsiyyəti, Azərbaycan mədəniyyətinin və musiqisinin böyük dəstəkçisi Heydər Əliyevin 100 illik yubileyinə həsr olunub. Əminik ki, ulu öndər də bütün Azərbaycan xalqı kimi bu tədbirin təşkilinə görə qürur duyur. Onun ruhu şaddır”, – deyə sədr müavini vurğulayıb.

“Carnegie Hall” kimi məşhur mədəniyyət ocağında çıxış etmək şərəfinə nail olmuş qalibləri təbrik edən sədr müavini müsabiqədə iştirak etmiş bütün gənclərə uğurlar arzulayıb.

Tədbirdə Azərbaycanın ABŞ-dakı səfirliyinin birinci katibi Toğrul Əliyev də çıxış edib.

Sonra “Florida Keys” müsabiqəsinin finalçıları Azərbaycan və dünya klassik bəstəkarlarının əsərlərini ifa ediblər. Konsert proqramında xalqımızın dahi şəxsiyyəti Heydər Əliyevin çox sevdiyi “Küçələrə su səpmişəm” Azərbaycan xalq mahnısı və əfsanəvi bəstəkar-müğənni Müslüm Maqomayevin “Azərbaycan” mahnısı səsləndirilib.

Tədbir müxtəlif nominasiyalar üzrə müsabiqənin qaliblərinin elan edilməsi, onlara diplom və mükafatların təqdim olunması ilə yekunlaşıb. Qaliblər arasında Azərbaycan, ABŞ, Almaniya, İsrail və Gürcüstan kimi ölkələri təmsil edən musiqiçilər olub.

Builki qalibləri Türkiyənin Ərzrum şəhərindəki Atatürk Universitetinin professoru, pianoçu Həqiqət Məhərrəmova (sədr), Kaliforniyadakı San Xose Dövlət Universitetinin professoru, pianoçu Namiq Sultanov, Metropolitan Operanın solisti, bariton Aleksey Lavrov, Kolumbiya Universitetinin nəzdindəki musiqi məktəbinin və İsveçrənin Lozanna Konservatoriyasının nəzdindəki Ali Musiqi Məktəbinin skripka üzrə professoru Sergey Şvarts, Alberto-Korto adına Paris musiqi məktəbinin və Rüey-Malmezon Konservatoriyasının fortepiano üzrə professoru Rəna Şereşevskaya-Mustafabəyli, Madriddəki Kraliça Sofiya adına musiqi məktəbində “Fundación Banco Santander” fortepiano fondunun sədri, professor Stanislav Yudeniçdən ibarət münsiflət heyəti müəyyənləşdirib.

Qeyd edək ki, Azərbaycanın görkəmli bəstəkarı Cövdət Hacıyev adına “Florida Keys” müsabiqəsi dünyanın hər yerindən istedadlı musiqiçilərin üzə çıxarılması, “Carnegie Hall” mərkəzində çıxış etmək imkanının yaradılması, Azərbaycanın zəngin musiqi mədəniyyətinə diqqətin cəlb olunması məqsədilə 2017-ci ildən etibarən keçirilir. Müsabiqənin önəmli tərəflərindən biri Azərbaycan musiqisinin çoxsaylı əcnəbi musiqiçilər tərəfindən ifa edilməsidir.

Layihənin rəhbəri Pərvin Muradov Azərbaycanın xalq artistləri – bəstəkar Cövdət Hacıyevin və milli rəqslərin görkəmli ifaçısı Əminə Dilbazinin övladıdır.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/florida-keys-musabiqesinin-nyu-yorkdaki-qala-konserti-heyder-eliyevin-100-illik-yubileyine-hesr-edilib-2579

 

 

]]> Komitə əməkdaşları Qazaxıstana səfər ediblər https://samsunekspress.com/komit%c9%99-%c9%99m%c9%99kdaslari-qazaxistana-s%c9%99f%c9%99r-edibl%c9%99r-h41458.html Wed, 01 Mar 2023 05:32:33 +0000 https://1453kralmedya.com/komit%c9%99-%c9%99m%c9%99kdaslari-qazaxistana-s%c9%99f%c9%99r-edibl%c9%99r-h41458.html

 

 

 

 

Komitə əməkdaşları Qazaxıstana səfər ediblər
, 2023
Komitə əməkdaşları Qazaxıstana səfər ediblər

Qazaxıstanın Aktau şəhərinə səfər çərçivəsində Diasporla İş üzrə Dövlət Komitəsinin (DİDK) əməkdaşları “Dostluq Evi”ni ziyarət ediblər.

“Dostluq Evi”nin direktoru Amanqul Calilxanova ilə görüş zamanı Komitənin şöbə müdiri Vüsal Məmmədov Azərbaycan dövlətinin diaspor siyasətindən, Komitənin diaspor quruculuğu sahəsində həyata keçirdiyi layihələrdən danışıb, dövlətlərarası münasibətlərin inkişafında diaspor amilinin böyük əhəmiyyət kəsb etdiyini vurğulayıb. Qazaxıstanda yaşayan soydaşlarımızın bu ölkənin elm, incəsənət, kənd təsərrüfatı, biznes və digər sahələrində fəal çalışdığını, ictimai-siyasi həyatda yaxından iştirak etdiyini nəzərə çatdırıb. İldən-ilə daha da genişlənən ikitərəfli əməkdaşlıq münasibətlərin və dostluq əlaqələrinin inkişafında Azərbaycan və Qazaxıstan dövlətləri liderlərinin müstəsna xidmətlərini, ölkə rəhbərlərinin başçılığı ilə nümayəndə heyətlərinin qarşılıqlı səfərlərinin əhəmiyyətini xüsusi vurğulayıb.

Görüşdə iştirak edən “Dostluq” Azərbaycan Etnomədəni Birliyinin sədri Şəmsəddin Hüseynov Aktauda fəaliyyət göstərən diasporumuzun fəaliyyəti haqqında geniş məlumat verib.

Sonra DİDK əməkdaşları “Dostluq Evi”ndə fəaliyyət göstərən müxtəlif icmalara yaradılmış şəraitlə tanış olublar.

Tədbirin sonunda DİDK adından “Dostluq Evi”nin direktoruna və “Dostluq” Azərbaycan Etnomədəni Birliyinin sədrinə xatirə hədiyyələri təqdim edilib.

Görüşdə Azərbaycanın Aktau şəhərindəki Baş konsulluğunun rəhbəri v.i.e., konsul Elçin Məmmədov da iştirak edib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/komite-emekdaslari-qazaxistana-sefer-edibler-2482

 

 

]]> Amerika-Azərbaycan Mədəniyyət Fondunun rəhbəri Dövlət Komitəsində olub https://samsunekspress.com/amerika-az%c9%99rbaycan-m%c9%99d%c9%99niyy%c9%99t-fondunun-r%c9%99hb%c9%99ri-dovl%c9%99t-komit%c9%99sind%c9%99-olub-h38591.html Sat, 17 Dec 2022 14:03:28 +0000 https://1453kralmedya.com/amerika-az%c9%99rbaycan-m%c9%99d%c9%99niyy%c9%99t-fondunun-r%c9%99hb%c9%99ri-dovl%c9%99t-komit%c9%99sind%c9%99-olub-h38591.html

 

 

 

Amerika-Azərbaycan Mədəniyyət Fondunun rəhbəri Dövlət Komitəsində olub

, 2022
Amerika-Azərbaycan Mədəniyyət Fondunun rəhbəri Dövlət Komitəsində olub
Diasporla İş üzrə Dövlət Komitəsinin (DİDK) sədr müavini Elşad Əliyevin Amerika-Azərbaycan Mədəniyyət Fondunun rəhbəri Nurit Qringerin rəhbərlik etdiyi nümayəndə heyəti ilə görüşü keçirilib.

Qonaqları salamlayan Komitə sədrinin müavini onları Azərbaycanda görməkdən məmnun olduğunu bildirib. Azərbaycan dövlətinin diaspor siyasətindən, DİDK-nın fəaliyyət istiqamətlərindən, həyata keçirdiyi irimiqyaslı layihələrdən, ölkəmizdə bütün millətlərin, o cümlədən yəhudi icmasının multikultural və tolerantlıq şəraitində yaşamasından, dünyadakı yəhudi icması ilə məhsuldar əməkdaşlıq əlaqələrindən, Komitə sədri Fuad Muradovun ABŞ və İsrailə səfərləri çərçivəsində müxtəlif yəhudi təşkilatları ilə görüşlərinin nəticələrindən ətraflı danışıb.

Amerika-Azərbaycan Mədəniyyət Fondu ilə gələcək əməkdaşlıq imkanları, Azərbaycan-ABŞ-İsrail üçtərəfli münasibətlərinin daha da möhkəmləndirilməsi, dünyanın müasir çağırışları və bununla əlaqədar yaranmış mövcud çətinliklər barədə fikir mübadiləsi aparılıb. İsrailli həkimlər tərəfindən Bakıda İkinci Qarabağ müharibəsi qazilərini müayinə və müalicə edilməsi, o cümlədən qazi Arif Hacıyevin gözündə əməliyyat aparılması Azərbaycan və yəhudi xalqlarının dostluq əlaqələrinə, iki dövlətin strateji tərəfdaşlıq münasibətlərinə nümunə kimi qiymətləndirilib. Belə nümunələrin dünya ictimaiyyətinə təqdim olunması istiqamətində hazırlanan layihənin DİDK tərəfindən dəstəkləndiyi məmnunluqla vurğulanıb.

Nurit Qringer görüşü “Azərbaycanın dünyaya tanıdılması baxımından məsələlərə aydınlıq gətirilməsi” kimi dəyərləndirib.

Görüşdə DİDK-nın şöbə müdiri Səlhət Abbasova, Amerika-Azərbaycan Mədəniyyət Fondunun təmsilçiləri Ester Eti El-Kiss Mizrahi və Karen Yvet Kohendən iştirak ediblər.

Qeyd edək ki, Bakıda və Şabranda tarixi-mədəni və dini abidələri ziyarət edən, yəhudi və müsəlman konfessiyalarının rəhbərləri, İsrailin Azərbaycandakı səfiri Corc Diklə görüşən nümayəndə heyətinin proqramına Gəncə, Şuşa və Cəbrayıla səfərlər də daxildir.

Qonaqlar öncə Gəncədə Azərbaycanın dahi şairi və mütəfəkkiri Nizami Gəncəvinin məqbərəsini ziyarət edəcək, sonra qədim şəhərlə tanış olacaq, o cümlədən Ermənistanın raket hücumları nəticəsində dağıdılmış yaşayış ərazilərinə baxış keçirəcəklər. İşğaldan azad edilmiş ərazilərimizdə isə qonaqları həm erməni vandalizminin izləri, həm də hazırda həyata keçirilən bərpa-quruculuq işləri ilə tanışlıq gözləyir.

FOTO QALEREYA

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/amerika-azerbaycan-medeniyyet-fondunun-rehberi-dovlet-komitesinde-olub-2078

 

 

]]>