Diasporumuz – Samsun Ekspress https://samsunekspress.com Wed, 30 Aug 2023 13:40:53 +0000 tr hourly 1 https://samsunekspress.com/wp-content/uploads/2025/03/cropped-Samsun-32x32.webp Diasporumuz – Samsun Ekspress https://samsunekspress.com 32 32 Yekaterinburqdakı diasporumuz Orta Ural Xalqları Günündə uğurla iştirak edib https://samsunekspress.com/yekaterinburqdaki-diasporumuz-orta-ural-xalqlari-gunund%c9%99-ugurla-istirak-edib-h49145.html Wed, 30 Aug 2023 13:40:53 +0000 https://1453kralmedya.com/yekaterinburqdaki-diasporumuz-orta-ural-xalqlari-gunund%c9%99-ugurla-istirak-edib-h49145.html

 

 

 

 

Yekaterinburqdakı diasporumuz Orta Ural Xalqları Günündə uğurla iştirak edib

2023

 

 

Yekaterinburqdakı diasporumuz Orta Ural Xalqları Günündə uğurla iştirak edib

 

 

 

 

Rusiyanın Yekaterinburq şəhərində Orta Ural Xalqları Günü münasibətilə keçirilmiş bayram şənliyində Azərbaycan diasporunu ənənəvi olaraq Sverdlovsk vilayətindəki “Azərbaycan-Ural” İctimai Milli-Mədəni Təşkilatı təmsil edib.

 

 

 

“Taqanskaya sloboda” parkında baş tutan tədbir millətlərarası harmoniyanı möhkəmləndirmək, regionda təmsil olunan xalqların mədəniyyətini və adət-ənənələrini nümayiş etdirmək məqsədilə gerçəkləşdirilib.

“Azərbaycan-Ural” İctimai Milli-Mədəni Təşkilatının sədri Şahin Şıxlinskinin rəhbərliyi ilə təşkil olunmuş Azərbaycan pavilyonunda xalqımızın qədim tarixini, zəngin mədəniyyətini, adət-ənənələrini və milli mətbəxini əks etdirən nümunələr nümayiş etdirilib.

Onun sözlərinə görə, xalqımızın səxavətini göstərən Azərbaycan süfrəsi, müxtəlif suvenirlər, xalçalar və qədim məişət əşyaları pavilyoni ziyarət edən qonaqların çox xoşuna gəlib. Qonaqlara milli yeməklərdən birini bişirmək imkanı da yaradılıb. Bu fürsətdən istifadə edən Yekaterinburq şəhər meri Aleksey Orlov “üç bacı” dolmasını məharətlə hazırlayıb. Bayram üçün xüsusi hazırlanmış və üzərində “Rusiya və Azərbaycan – əsrlər boyu dostluq” yazısı olan tort rəsmi şəxslərin iştirakı ilə kəsilib.

 

 

 

 

 

“Bakının işıqları” yaradıcı kollektivinin ifasında Azərbaycan musiqisi və milli rəqslərimiz təqdim olunub.

Qeyd edək ki, Azərbaycan pavilyonunu ziyarət edənlər arasında Sverdlovsk vilayətinin vitse-qubernatoru Oleq Çemezov, Yekaterinburq şəhərinin meri Aleksey Orlov, Sverdlovsk vilayətinin Qanunvericilik Məclisinin sədri Lyudmila Babuşkina, Rusiya Federasiyasının senatorları Aleksandr Vısokinski, Viktor Şepti, Azərbaycanın Yekaterinburqdakı Baş konsulu v.i.e Şöhrət Mustafayev və başqa rəsmi şəxslər olublar.

 

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/yekaterinburqdaki-diasporumuz-orta-ural-xalqlari-gununde-ugurla-istirak-edib-3409

 

 

]]> Qırğızıstandakı diasporumuz Azərbaycandan gələn bir qrup iş adamı ilə görüşüb https://samsunekspress.com/qirgizistandaki-diasporumuz-az%c9%99rbaycandan-g%c9%99l%c9%99n-bir-qrup-is-adami-il%c9%99-gorusub-h47997.html Fri, 28 Jul 2023 08:34:00 +0000 https://1453kralmedya.com/qirgizistandaki-diasporumuz-az%c9%99rbaycandan-g%c9%99l%c9%99n-bir-qrup-is-adami-il%c9%99-gorusub-h47997.html

 

 

 

 

 

Qırğızıstandakı diasporumuz Azərbaycandan gələn bir qrup iş adamı ilə görüşüb

, 2023

 

 

 

 

Qırğızıstandakı diasporumuz Azərbaycandan gələn bir qrup iş adamı ilə görüşüb

 

 

 

 

 

Bişkek şəhərində fəaliyyət göstərən “Azəri” İctimai Birliyinin ofisində İqtisadi və Dövlət Əməkdaşlığı üzrə Hökumətlərarası Komissiyanın 5-ci iclası çərçivəsində “Qırğızıstan-Azərbaycan” biznes forumunda iştirak edən Azərbaycan Respublikasının bir qrup iş adamı ilə görüş keçirilib.

 

 

 

 

 

Görüşdə Qırğızıstan Prezidenti yanında Milli İnvestisiya Agentliyinin, Azərbaycanın Qırğızıstandakı səfirliyinin əməkdaşları və Azərbaycan icmasının nümayəndələri iştirak ediblər.

 

 

 

 

Qonaqları salamlayan “Azəri” İctimai Birliyinin sədri Əzizağa Əliyev çoxmillətli qardaş ölkədə qırğızlarla birlikdə 80-dən çox etnik qrupun mehribanlıq şəraitində yaşadığını, 31 etnosun, o cümlədən azərbaycanlıların Qırğızıstan Xalqları Assambleyasında təmsil olunduğunu bildirib. Azərbaycan və qırğız xalqlarını tarixi, dil, dini və mədəni köklərin sıx bağladığını, bu ölkədə 20 mindən çox azərbaycanlının yaşadığını vurğulayan birlik sədri onların əksəriyyətinin ötən əsrin 20-ci illərinin sonlarından 50-ci illərinə qədər repressiyaya uğrayan, çətin günlərində qırğız xalqına sığınan soydaşlarımızın nəslindən olduğunu xatırladıb.

 

 

 

 

Azərbaycanlıların qardaş ölkədə ləyaqətlə təhsil aldıqları, Qırğızıstanın rifahı üçün çalışdıqları, elm, tibb, tikinti, nəqliyyat, kənd təsərrüfatı və hüquqşünaslıq sahələrində fəxri adlara və dövlət mükafatlarına layiq görüldükləri, amma tarixi vətənlərini unutmadıqları, ölkələrimiz və xalqlarımız arasında hərtərəfli əməkdaşlığı gücləndirmək və inkişaf etdirmək üçün bütün imkanlardan istifadə etdikləri bildirilib.

Sonra “Azəri” İctimai Birliyinin fəaliyyət istiqamətləri və həyata keçirdiyi layihələr barədə qonaqlara ətraflı məlumat verilib. Qırğızıstan azərbaycanlılarının tarixi vətənlərinin taleyüklü anlarında hər zaman xalqımızın yanında olduqları, Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə şanlı Azərbaycan Ordusunun Qarabağda tarixə qızıl hərflərlə yazılmış parlaq Zəfər qazanmasının sevincini indiyədək unutmadıqları, Cənubi Qafqaz bölgəsində ədalətli sülhün bərqərar olunması uğrunda misilsiz fəaliyyət göstərən Azərbaycan dövləti ilə qürur duyduqları vurğulanıb.

 

 

 

 

Bu il Azərbaycanla Qırğızıstan arasında diplomatik əlaqələrin qurulmasının 30 illiyinin qeyd edildiyinə diqqət cəlb edilib. “İkitərəfli münasibətlərin inkişafında və genişlənməsində Azərbaycan xalqının ümummilli lideri Heydər Əliyevin əvəzsiz rolu olub. Prezidentlər İlham Əliyevin və Sadır Japarovun səyləri nəticəsində xalqlarımız arasında dostluq və qardaşlıq münasibətləri daha da möhkəmlənib. Hazırda ölkələrimizin Türk Dövlətləri Təşkilatında təmsil olunması buna bariz nümunədir”, – deyə birlik sədri deyib.

 

 

 

 

 

Qonaqların adından çıxış edən azərbaycanlı iş adamı Zəfər Məmmədov “Azəri” İctimai Birliyinin və Azərbaycan diasporunun Qırğızıstandakı fəaliyyətini yüksək qiymətləndirib, biznes-forumun məqsədlərindən danışıb.

 

 

 

 

Tədbir qarşılıqlı xatirə hədiyyələrinin təqdim olunması ilə yekunlaşıb.

 

 

 

 

“Azəri” İctimai Birliyi azərbaycanlı qonaqların şərəfinə rəsmi ziyafət təşkil edib. Ziyafətdə Qırğızıstanın dövlət orqanlarının vəzifəli şəxsləri də iştirak ediblər.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/qirgizistandaki-diasporumuz-azerbaycandan-gelen-bir-qrup-is-adami-ile-gorusub-3278

 

 

]]> Diasporumuz Aktauda beynəlxalq forumun təşkilində fəal iştirak edib https://samsunekspress.com/diasporumuz-aktauda-beyn%c9%99lxalq-forumun-t%c9%99skilind%c9%99-f%c9%99al-istirak-edib-h47784.html Sat, 22 Jul 2023 07:31:24 +0000 https://1453kralmedya.com/diasporumuz-aktauda-beyn%c9%99lxalq-forumun-t%c9%99skilind%c9%99-f%c9%99al-istirak-edib-h47784.html

 

 

 

Diasporumuz Aktauda beynəlxalq forumun təşkilində fəal iştirak edib

, 2023

Diasporumuz Aktauda beynəlxalq forumun təşkilində fəal iştirak edib

 

 

 

 

 

 

Qazaxıstanın Manqistau vilayətinin Aktau şəhərində “Bakı Yay Enerji Məktəbi –2023” proqramı çərçivəsində beynəlxalq forum keçirilib.

 

 

 

 

Forum 9-12 iyul tarixində “Azərbaycan Mərkəzi” İctimai Fondunun, “Dostluq” Etnomədəni Birliyinin, Azərbaycanın Aktaudakı Baş Konsulluğunun, ADA Universitetinin və Mangistau vilayətinin akimliyinin təşkilatçılığı ilə gerçəkləşdirilib.

 

 

 

 

İlk dəfə Aktau şəhərində təşkil olunmuş tədbirdə Azərbaycan, Türkiyə, ABŞ, İspaniya, İtaliya, Nigeriya, Səudiyyə Ərəbistanı, Qazaxıstan, Yaponiya, Çin, Macarıstan, Bolqarıstan və Çexiyanı 67 iştirakçı təmsil edib. Onların arasında enerji şirkətlərinin mütəxəssisləri, müxtəlif dövlət qurumlarının, səfirliklərin və beynəlxalq təşkilatların nümayəndələri, dövlət qulluqçuları, o cümlədən enerji və ekoloji problemləri öyrənən alimlər, jurnalistlər və aspirantlar olub.

 

 

 

 

Üç gün ərzində forum iştirakçıları Mangistau vilayətinin enerji sahəsindəki potensialı ilə tanış olublar.

Qeyd edək ki, “Bakı Yay Enerji Məktəbi” enerji və ekoloji problemlərin, o cümlədən Xəzər dənizinin problemlərinin hərtərəfli öyrənilməsi proqramıdır. Ənənəvi olaraq hər il dünyanın hər yerindən məşhur alimlər, siyasətçilər və mütəxəssislər bu proqram üzrə bir araya gəlir. Bu il Yay Məktəbinin formatında dəyişikliklər edildiyi üçün proqram iştirakçıları ilk dəfə Aktau şəhərində görüşüblər.

 

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/diasporumuz-aktauda-beynelxalq-forumun-teskilinde-feal-istirak-edib-3243

 

 

]]> Diasporumuz Klaypeda şəhərində “Milli Mədəniyyətlər Günü” festivalında iştirak edib https://samsunekspress.com/diasporumuz-klaypeda-s%c9%99h%c9%99rind%c9%99-milli-m%c9%99d%c9%99niyy%c9%99tl%c9%99r-gunu-festivalinda-istirak-edib-h46139.html Mon, 05 Jun 2023 18:12:17 +0000 https://1453kralmedya.com/diasporumuz-klaypeda-s%c9%99h%c9%99rind%c9%99-milli-m%c9%99d%c9%99niyy%c9%99tl%c9%99r-gunu-festivalinda-istirak-edib-h46139.html

Diasporumuz Klaypeda şəhərində “Milli Mədəniyyətlər Günü” festivalında iştirak edib

 

 

 

 

, 2023
Diasporumuz Klaypeda şəhərində “Milli Mədəniyyətlər Günü” festivalında iştirak edib

 

 

 

 

Litvanın Klaypeda şəhərində keçirilən “Milli Mədəniyyətlər Günü” festivalında Azərbaycanı bu ölkədə fəaliyyət göstərən “Azəris” Cəmiyyəti təmsil edib.

 

 

 

 

 

Klaypeda Milli Mədəniyyətlər Mərkəzinin təşkilatçılığı ilə keçirilən təntənəli festival bu il Klaypeda diyarının Litvaya birləşdirilməsinin 100 illiyinə həsr olunub.

Bayram tədbiri zamanı festival iştirakçılarının mərkəzi küçələrlə qala-konsertin keçiriləcəyi “Arka” abidəsinə qədər möhtəşəm yürüşü keçirilib. Onların arasında Azərbaycan bayrağını qürurla daşıyan milli geyimli “Azəris” Cəmiyyətinin fəalları da olub.

Tədbir iştirakçılarını bir neçə dildə salamlayan Klaypeda meri Arvidas Vayktus çoxmillətli şəhərə və ona mədəni müxtəliflik bəxş edən icmaların nümayəndələrinə xoş arzularını ifadə edib.

3 saat davam edən qala-konsertdə Rəna Məmmədovanın rəhbərlik etdiyi “Azəris” Azərbaycan həftəsonu məktəbinin yetirmələri milli rəqslərimizi nümayiş etdiriblər.

 

 

 

 

 

Dane çayı yaxınlığındakı yarmarkada qurulmuş Azərbaycan pavilyonunda isə xalqımızın zəngin mədəniyyətini, milli adət-ənənələrini və mətbəxini əks etdirən nümunələr təqdim olunub.

 

 

 

 

Qeyd edək ki, “Azəris” Cəmiyyətinə Klaypeda şəhərində yaşayan Əliağa Məmmədov rəhbərlik edir.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/diasporumuz-klaypeda-seherinde-milli-medeniyyetler-gunu-festivalinda-istirak-edib-3051

]]> İsveçrədəki diasporumuz beynəlxalq ictimaiyyətin diqqətini Azərbaycanın mina probleminə cəlb edib https://samsunekspress.com/isvecr%c9%99d%c9%99ki-diasporumuz-beyn%c9%99lxalq-ictimaiyy%c9%99tin-diqq%c9%99tini-az%c9%99rbaycanin-mina-problemin%c9%99-c%c9%99lb-edib-h45655.html Wed, 24 May 2023 08:37:43 +0000 https://1453kralmedya.com/isvecr%c9%99d%c9%99ki-diasporumuz-beyn%c9%99lxalq-ictimaiyy%c9%99tin-diqq%c9%99tini-az%c9%99rbaycanin-mina-problemin%c9%99-c%c9%99lb-edib-h45655.html

 

 

 

İsveçrədəki diasporumuz beynəlxalq ictimaiyyətin diqqətini Azərbaycanın mina probleminə cəlb edib
2023
İsveçrədəki diasporumuz beynəlxalq ictimaiyyətin diqqətini Azərbaycanın mina probleminə cəlb edib

İsveçrədə fəaliyyət göstərən diasporumuz Azərbaycanın mina problemi ilə əlaqədar beynəlxalq ictimaiyyətə müraciət edib.

İsveçrə Azərbaycanlılarının Dostluq, Mədəniyyət və Həmrəylik Assosiasiyasının sədr müavini Ələkbər Əliyevin adından beynəlxalq təşkilatlara ünvanlanmış bəyanatda bildirilib ki, 2020-ci ildə Ermənistan və Azərbaycan arasında 44 günlük müharibə erməni işğalına son qoyulması ilə nəticələnsə də, ümumi dil tapmaq və tərəflər arasında mübahisəli məsələlərdə razılıq əldə etmək üçün unikal imkan yaradan proses bir sıra çətinliklərlə doludur.

Buna misal olaraq hazırda Azərbaycanın minalarla və partlamamış silah-suratla ən çox çirkləndirilmiş ölkələrdən birinə çevrildiyi göstərilib. İşğaldan azad edilmiş ərazilərdə mina partlayışları nəticəsində yüzlərlə Azərbaycan vətəndaşının, o cümlədən dinc sakinlərin həlak olduğu, yaralandığı, infrastruktura və ətraf mühitə böyük ziyan dəydiyi vurğulanıb. Ərazinin minalardan təmizlənməsi prosesinin uzun illər çəkə biləcəyi, göstərilən beynəlxalq dəstəyin töhfələr verməklə yanaşı, problemi tez bir zamanda həll edə bilmədiyi diqqətə çatdırılıb.

 

 

 

 

Ermənistanın minalanmış ərazilərin dəqiq xəritələrini Azərbaycana verməkdən imtinası məqsədyönlü hərbi cinayət adlandırılıb: “Bu, mümkün qədər çox adamın öldürülməsi, ən əsası, azərbaycanlıların öz evlərinə qayıtması prosesini uzatmaq məqsədi güdür”.

Bəyanatda bəzi beynəlxalq təşkilatların və qrupların müharibədən sonra Azərbaycan ərazilərində mina basdıqmaq çəhdinə görə həbs olunmuş Ermənistan hərbi diversantlarını müharibə əsirləri kimi müdafiə etmək cəhdləri pislənilib: “Onlar dinc insanların həlak olması ilə nəticələnən bu cinayətə göz yumaraq, mina döşəyən terrorçuları qorumaq istəyirlər. Bu, Ermənistanı daha çox terrorçu və diversant göndərməyə sövq edir. Ermənistanın minaları işğaldan sonra da 800 min dinc azərbaycanlının həyatını təhdid etməkdə davam edir”.

Mülki insanların ölümünə səbəb olan hər partlayışı sülh təşəbbüsünə qarşı açılmış atəş kimi qiymətləndirən soydaşlarımız beynəlxalq ictimaiyyəti bu dəhşətli problemin həlli naminə Azərbaycanı tam dəstəkləməyə çağırıblar.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/isvecredeki-diasporumuz-beynelxalq-ictimaiyyetin-diqqetini-azerbaycanin-mina-problemine-celb-edib-2987

 

 

]]> Manisadakı diasporumuz YAP nümayəndə heyəti ilə görüşüb https://samsunekspress.com/manisadaki-diasporumuz-yap-numay%c9%99nd%c9%99-hey%c9%99ti-il%c9%99-gorusub-h45101.html Thu, 11 May 2023 12:15:05 +0000 https://1453kralmedya.com/manisadaki-diasporumuz-yap-numay%c9%99nd%c9%99-hey%c9%99ti-il%c9%99-gorusub-h45101.html

 

 

Manisadakı diasporumuz YAP nümayəndə heyəti ilə görüşüb

, 2023
Manisadakı diasporumuz YAP nümayəndə heyəti ilə görüşüb

Türkiyədə səfərdə olan Yeni Azərbaycan Partiyasının (YAP) nümayəndə heyəti Manisada fəaliyyət göstərən diaspor təşkilatlarının fəalları ilə görüşüb.

“Heydər Əliyev İli” çərçivəsində baş tutan görüşlərdə Manisa Azərbaycan Mədəniyyət Evinin rəhbəri Seyfəddin Ayakyay, Manisa Azərbaycan Kültür və Həmrəylik Dərnəyinin sədri Şentürk Hoşgül, Turqutlu Azərbaycan Kültür Dərnəyinin sədri Ünal Kağba, azərbaycanlı tələbələr və Azərbaycan əsilli Türkiyə vətəndaşları iştirak ediblər.

Görüşlərdə çıxış edən YAP Təftiş Komissiyasının üzvü, Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov, Milli Məclisin deputatları İmamverdi İsmayılov, Mahir Abbaszadə, Malik Həsənov, YAP Suraxanı rayon təşkilatının sədri Vüqar Seyidov və başqaları bildiriblər ki, dahi şəxsiyyət Heydər Əliyevin “bir millət, iki dövlət” adlandırdığı ölkələrimiz arasında dostluq və qardaşlıq münasibətləri bütün sahələrdə böyük uğurla inkişaf edir. Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğanın yürütdükləri siyasi kurs nəticəsində Azərbaycan və Türkiyə qardaşlığı bütün dünya üçün örnəyə çevrilib. 44 günlük Vətən müharibəsində Türkiyənin dəstəyini xüsusi vurğulayan natiqlər qarşılıqlı əlaqələrin bundan sonra daha da genişlənəcəyinə əminliklərini ifadə ediblər.

 

 

 

Müasir Azərbaycan dövlətinin qurucusu, türk dünyasının nəhəng liderlərindən biri olan Heydər Əliyevin məşhur “Mən fəxr edirəm ki, azərbaycanlıyam” ifadəsinin beyinlərə və qəlblərə həkk olduğunu vurğulayan azərbaycanlı tələbələr nəzərə çatdırıblar ki, hər zaman təhsilləri və davranışları ilə Azərbaycanın adını uca tutmağa çalışırlar.

Görüşlər xatirə şəkillərinin çəkilməsi ilə yekunlaşıb.

Qonaqlar Türkiyənin “Kanal 45” televiziyasının proqramına qatılıblar və sualları cavablandırıblar.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/manisadaki-diasporumuz-yap-numayende-heyeti-ile-gorusub-2925

 

 

]]> Diasporumuz Qazaxıstandakı birlik bayramında ölkəmizi təmsil edib https://samsunekspress.com/diasporumuz-qazaxistandaki-birlik-bayraminda-olk%c9%99mizi-t%c9%99msil-edib-h44922.html Sat, 06 May 2023 18:28:56 +0000 https://1453kralmedya.com/diasporumuz-qazaxistandaki-birlik-bayraminda-olk%c9%99mizi-t%c9%99msil-edib-h44922.html

 

 

 

Diasporumuz Qazaxıstandakı birlik bayramında ölkəmizi təmsil edib

, 2023
Diasporumuz Qazaxıstandakı birlik bayramında ölkəmizi təmsil edib

Qazaxıstanın müxtəlif bölgələrində keçirilmiş Qazaxıstan Xalqları Birliyi Gününə həsr olunmuş tədbirlərdə Azərbaycan diasporu fəal iştirak edib.

Paytaxt Astanada bayram münasibətilə keçirilən marafonda diaspor fəallarımız Aslan Xəlilov, Mehdi Naxmedov və Rüstəm Abdimitalov uğurlu nəticə göstəriblər.

 

 

 

 

Astana şəhər bələdiyyəsi tərəfindən Triatlon-Parkda təşkil olunmuş marafonda 300-dən çox idmançı və idman həvəskarları yarışıblar. 500 metr, 2,5 kilometr və 5 kilometr məsafəyə qaçış zamanı soydaşlarımız müxtəlif medallara layiq görülüblər.

Cambul vilayətinin Jualı rayonunda keçirilən bayram şənliyində isə diasporumuzu “Mehriban” Azərbaycan Etnomədəni Birliyi təmsil edib.

Tədbir zamanı birliyin sədri Esmira Məmmədovanın rəhbərliyi ilə təşkil olunmuş Azərbaycan guşəsində xalqımızın tarixini, mədəniyyətini və milli mətbəxini əks etdirən nümunələr və suvenirlər nümayiş etdirilib.

Tədbirin bədii hissəsində birliyin milli geyimli xanım fəallarının ifasında Azərbaycana və türk dünyasına həsr olunmuş mahnılar və rəqslər təqdim olunub.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

 

kaynak:http://diaspor.gov.az/az/news-detail/diasporumuz-qazaxistandaki-birlik-bayraminda-olkemizi-temsil-edib-2876

 

 

 

]]> Qırğızıstandakı diasporumuz Heydər Əliyevə həsr olunmuş konfransa qatılıb https://samsunekspress.com/qirgizistandaki-diasporumuz-heyd%c9%99r-%c9%99liyev%c9%99-h%c9%99sr-olunmus-konfransa-qatilib-h44265.html Thu, 27 Apr 2023 22:44:17 +0000 https://1453kralmedya.com/qirgizistandaki-diasporumuz-heyd%c9%99r-%c9%99liyev%c9%99-h%c9%99sr-olunmus-konfransa-qatilib-h44265.html

 

 

 

Qırğızıstandakı diasporumuz Heydər Əliyevə həsr olunmuş konfransa qatılıb
26 aprel, 2023
Qırğızıstandakı diasporumuz Heydər Əliyevə həsr olunmuş konfransa qatılıb
Bişkekdə fəaliyyət göstərən “Azəri” İctimai Birliyi Qırğızıstan parlamentində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş konfransda iştirak edib.

 

 

 

Azərbaycanın Qırğızıstandakı səfirliyinin təşkilatçılığı və səfir Lətif Qəndilovun moderatorluğu ilə aparılan konfransda ölkə parlamentinin vitse-spikeri Nurbek Sıdıqaliyev, Nazirlər Kabinetinin sədr müavini Bakıt Torobayev, xarici işlər nazirinin müavini Aybek Moldaqaziyev, Təhlükəsizlik Şurasının katibi Marat İmankulov, Qırğızıstan-Azərbaycan parlamentlərarası dostluq qrupunun sədri İsgəndər Matraimov, Azərbaycan Milli Məclisinin üzvləri Musa Quliyev və Cavanşir Feyziyev çıxış ediblər.

 

 

 

Qırğızıstanla Azərbaycan arasında ikitərəfli əlaqələrin inkişafında və genişlənməsində ümummilli liderin əvəzsiz rolunu xatırladan natiqlər qeyd ediblər ki, Heydər Əliyev hələ sağlığında Franklin Ruzvelt, Uinston Çörçill, Şarl de Qoll kimi güclü siyasətçilər kimi əfsanəvi şəxsiyyətə çevrilib. Onun qeyri-adi xarizması, siyasətçi və dövlət xadimi kimi böyük istedadı hər bir müasirimizdə və həmvətənimizdə fəxarət hissi yaradıb, tədqiqatçıların və jurnalistlərin diqqətini cəlb edib. İllər keçdikcə Heydər Əliyev fenomeninə marağın daha da artdığı vurğulanıb.

Tədbir Heydər Əliyevin həyat və fəaliyyətinə həsr olunmuş sənədli filmin nümayişi ilə başa çatıb.

Konfransdan sonra Azərbaycan Milli Məclisinin üzvləri Musa Quliyev və Cavanşir Feyziyev “Azəri” İctimai Birliyinin ofisini ziyarət ediblər. Birliyin sədri Əzizağa Əliyev qonaqlara diasporumuzun fəaliyyət istiqamətləri barədə ətraflı məlumat verib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:http://diaspor.gov.az/az/news-detail/qirgizistandaki-diasporumuz-heyder-eliyeve-hesr-olunmus-konfransa-qatilib-2841

 

 

]]> Bakıda keçirilən “Əbədi Liderin iziylə” adlı rəsm sərgisində Nyu-Yorkdakı diasporumuz da təmsil olunub https://samsunekspress.com/bakida-keciril%c9%99n-%c9%99b%c9%99di-liderin-iziyl%c9%99-adli-r%c9%99sm-s%c9%99rgisind%c9%99-nyu-yorkdaki-diasporumuz-da-t%c9%99msil-olunub-h43214.html Wed, 12 Apr 2023 13:49:01 +0000 https://1453kralmedya.com/bakida-keciril%c9%99n-%c9%99b%c9%99di-liderin-iziyl%c9%99-adli-r%c9%99sm-s%c9%99rgisind%c9%99-nyu-yorkdaki-diasporumuz-da-t%c9%99msil-olunub-h43214.html

 

 

 

Bakıda keçirilən “Əbədi Liderin iziylə” adlı rəsm sərgisində Nyu-Yorkdakı diasporumuz da təmsil olunub
, 2023
Bakıda keçirilən “Əbədi Liderin iziylə” adlı rəsm sərgisində Nyu-Yorkdakı diasporumuz da təmsil olunub
Bakı Kitab Mərkəzində “Heydər Əliyev İli” çərçivəsində “Əbədi Liderin iziylə” adlı rəsm sərgisi təşkil edilib.

Sərgi ABŞ-ın Nyu-York şəhərində fəaliyyət göstərən “My Way” Uşaq-Gənclər Yaradıcılıq İnkişaf Mərkəzinin və Azərbaycan Elm və Təhsil Nazirliyinin nəzdindəki 2 nömrəli Uşaq-Gənclər İnkişaf Mərkəzinin birgə əməkdaşlığı ilə baş tutub.

 

 

 

Bu layihə iki mərkəz arasında dostluq və əməkdaşlığın yaranması, Amerikada yaşayan uşaqlara müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin mənalı həyatı və misilsiz xidmətlərindən bəhs edilməsi, uşaq və gənclərin yaradıcılıq qabiliyyətini üzə çıxarmaq məqsədi daşıyır.

Sərgidə çıxış edən 2 nömrəli Uşaq-Gənclər İnkişaf Mərkəzinin direktoru Əminə Musayeva, xalq rəssamı, professor Ağəli İbrahimov, “My Way” Uşaq-Gənclər Yaradıcılıq İnkişaf Mərkəzinin rəhbəri Alyona Bədəlova xalqımızın dahi şəxsiyyəti ilə bağlı xatirələrindən, Heydər Əliyevin digər sahələrlə yanaşı, incəsənətə, mədəniyyətə, təhsilə diqqətindən və uşaqlara olan qayğısından danışıblar.

Tədbir xalqımızın ümummilli liderinin həyat və fəaliyyətini əks etdirən videoçarxın nümayişi ilə davam etdirilib. Sonra sərgidə təqdim olunan əsərlərin gənc müəllifləri diplomlarla təltif olunublar.

Tədbirin bədii hissəsində mərkəzin şagirdlərinin ifasında şeir, musiqi və rəqsdən ibarət konsert proqramı təqdim edilib.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/bakida-kecirilen-ebedi-liderin-iziyle-adli-resm-sergisinde-nyu-yorkdaki-diasporumuz-da-temsil-olunub-2763

 

 

]]> Şu şəhərindəki diasporumuz Novruz bayramı festivalına qatılıb https://samsunekspress.com/su-s%c9%99h%c9%99rind%c9%99ki-diasporumuz-novruz-bayrami-festivalina-qatilib-h42667.html Fri, 31 Mar 2023 16:36:03 +0000 https://1453kralmedya.com/su-s%c9%99h%c9%99rind%c9%99ki-diasporumuz-novruz-bayrami-festivalina-qatilib-h42667.html

 

 

 

Şu şəhərindəki diasporumuz Novruz bayramı festivalına qatılıb
, 2023
Şu şəhərindəki diasporumuz Novruz bayramı festivalına qatılıb

Qazaxıstanın Cambul vilayətinin Şu şəhərində yaşayan Azərbaycan icması Novruz bayramına həsr olunmuş festivalda iştirak edib.

 

 

 

 

“Azərbaycan” Etnomədəni Mərkəzinin təşkilatçılığı ilə yaradılmış Azərbaycan guşəsində ölkəmizin zəngin mədəniyyətini, milli mətbəxini və Novruz adət-ənənələrini əks etdirən suvenirlər, geyimlər və nümunələr nümayiş etdirilib.

Festival çərçivəsində Azərbaycan rəqsləri təqdim olunub.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:http://diaspor.gov.az/az/news-detail/su-seherindeki-diasporumuz-novruz-bayrami-festivalina-qatilib-2693

 

 

 

]]>