Almaniyada yaşayan bəstəkar, Əməkdar artist Arif Mirzəyevə “Diaspor fəaliyyətində xidmətə görə” medalı təqdim edilib
3 iyun, 2024

Almaniyada yaşayan bəstəkar, Əməkdar artist Arif Mirzəyevə “Diaspor fəaliyyətində xidmətə görə” medalı təqdim edilib

Diasporla İş üzrə Dövlət Komitəsinin sədri Fuad Muradov Almaniyada yaşayan azərbaycanlı bəstəkar, pianoçu və orqan ifaçısı, Əməkdar artist Arif Mirzəyev ilə görüşüb.

Bu il 80 yaşı tamam olan bəstəkarı salamlayan Komitə sədri yubileyi münasibətilə qonağı təbrik edib, ona can sağlığı və yaradıcılıq uğurları arzulayıb.

Arif Mirzəyevin Avropadakı yaradıcılıq fəaliyyətini yüksək qiymətləndirən Komitə sədri, bəstəkarın yubileyi ilə əlaqədar Avropanın bir çox şəhərlərində keçiriləcək silsilə tədbirlər haqqında məlumatlı olduğunu bildirib.

Almaniyada Şərqin Sebastyan Baxı kimi tanınan maestroya 80 illik yubileyi və əvəzolunmaz xidmətlərinə görə Azərbaycan Respublikasının “Diaspor fəaliyyətində xidmətə görə” medalı təqdim edilib.

Əməkdar artist Arif Mirzəyev fəaliyyətinə verilən yüksək qiymətə görə Azərbaycan dövlətinə dərin minnətdarlığını ifadə edib.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/almaniyada-yasayan-bestekar-emekdar-artist-arif-mirzeyeve-diaspor-fealiyyetinde-xidmete-gore-medali-teqdim-edilib-4781

“STMEGİ” Fondunun vitse-prezidentinə “Diaspor fəaliyyətində xidmətə görə” medalı təqdim edilib

, 2023

“STMEGİ” Fondunun vitse-prezidentinə “Diaspor fəaliyyətində xidmətə görə” medalı təqdim edilib
Diasporla İş üzrə Dövlət Komitəsi sədrinin birinci müavini Valeh Hacıyev “STMEGİ” Dağ Yəhudilərinin Beynəlxalq Xeyriyyə Fondunun vitse-prezidenti İsay Zaxaryayevlə görüşüb.

Qonağı məmnunluqla salamlayan Komitə sədrinin birinci müavini “STMEGİ”nin soydaşlarımızın bir araya gəlməsi, dostluq əlaqələrinin möhkəmləndirilməsi, Azərbaycan həqiqətlərinin və mədəniyyətinin təbliğ olunması istiqamətində həyata keçirdiyi işləri yüksək qiymətləndirib.

Hazırda Rusiya Federasiyasında yaşayan həmyerlimizi qarşıdan gələn 50 illik yubileyi münasibətilə təbrik edən V.Hacıyev Azərbaycan diasporunun inkişafına verdiyi töhfələrinə görə “Diaspor fəaliyyətində xidmətə görə” Azərbaycan Respublikasının medalını ona təqdim edib.

İ.Zaxaryayev fəaliyyətinin yüksək qiymətləndirilməsinə görə Azərbaycan dövlətinə minnətdarlığını bildirib.

Görüşdə Komitənin Aparat rəhbəri Daşqın Rəcəbli də iştirak edib.

Qeyd edək ki, İsay Raşbiloviç Zaxaryayev 1973-cü ildə Quba rayonunun Qırmızı qəsəbəsində tanınmış jurnalist Raşbil Xaqayeviç Zaxaryayevin ailəsində anadan olub. Ali hüquq təhsili alıb. Xeyriyyəçilik, sahibkarlıq və investorluq fəaliyyəti ilə məşğuldur. 2001-ci ildə Zaxaryayevlər ailəsinin Moskvada yaratdığı Dağ Yəhudilərinin Beynəlxalq Xeyriyyə Fondu – “STMEGİ”-nin əsas fəaliyyət istiqaməti dünyanın müxtəlif şəhərlərində icma həyatının təbliği, dağ yəhudilərinin adət və ənənələrinin qorunmasıdır.

İsay Zaxaryayevin vitse-prezidenti olduğu “STMEGİ” Fondu İsraildə fəaliyyət göstərən “Azİz” İsrail-Azərbaycan Beynəlxalq Assosiasiyası ilə sıx əməkdaşlıq edir və dost ölkədə Azərbaycan mədəniyyətinin təbliği, mədəni irsimizin gənc nəslə ötürülməsi istiqamətində həyata keçirilən layihələri dəstəkləyir. Fond ölkəmizin suverenliyi və ərazi bütövlüyünün bərpası uğrunda canlarından keçmiş şəhidlərimizin ailələrinə kömək edir və işğaldan azad edilmiş Azərbaycan ərazilərinin bərpası prosesində fəal iştirak edir.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/stmegi-fondunun-vitse-prezidentine-diaspor-fealiyyetinde-xidmete-gore-medali-teqdim-edilib-3279

“Diaspor fəaliyyətində xidmətə görə” – Samsun Ekspress

Almaniyada yaşayan bəstəkar, Əməkdar artist Arif Mirzəyevə “Diaspor fəaliyyətində xidmətə görə” medalı təqdim edilib

“STMEGİ” Fondunun vitse-prezidentinə “Diaspor fəaliyyətində xidmətə görə” medalı təqdim edilib