Azerbaycan Diaspora Bakanı Fuad Muradov – Samsun Ekspress https://samsunekspress.com Fri, 04 Aug 2023 14:06:19 +0000 tr hourly 1 https://samsunekspress.com/wp-content/uploads/2025/03/cropped-Samsun-32x32.webp Azerbaycan Diaspora Bakanı Fuad Muradov – Samsun Ekspress https://samsunekspress.com 32 32 Amerikalı jurnalistlər Şuşanı ziyarət ediblər https://samsunekspress.com/amerikali-jurnalistl%c9%99r-susani-ziyar%c9%99t-edibl%c9%99r-h48192.html Fri, 04 Aug 2023 14:06:19 +0000 https://1453kralmedya.com/amerikali-jurnalistl%c9%99r-susani-ziyar%c9%99t-edibl%c9%99r-h48192.html

 

 

 

 

Amerikalı jurnalistlər Şuşanı ziyarət ediblər

2023

 

 

Amerikalı jurnalistlər Şuşanı ziyarət ediblər

 

 

 

 

Azərbaycanın işğaldan azad edilmiş rayonlarına səfər çərçivəsində bir qrup amerikalı jurnalisti və media eksperti ölkəmizin mədəniyyət paytaxtı Şuşada olub.

 

 

 

 

Şuşa şəhər Sövlət Qoruğu İdarəsinin əməkdaşı amerikalı qonaqlara Azərbaycanın ən mühüm şəhərlərindən biri olan, Qafqazın musiqi mərkəzi hesab edilən Şuşanın yaranma tarixi, inkişafı, işğal illərində azərbaycanlıların tarixi izlərini silmək məqsədilə erməni vandallarının şəhərdəki tarixi memarlıq, mədəni və dini abidələrini dağıtması, hazırda aparılan yenidənqurma və abadlıq işləri barədə ətraflı məlumat verib və sualları cavablandırıb.

 

 

 

 

Nümayəndə heyəti “Güllələnmiş heykəllər” meydanını, Xurşidbanu Natəvanın evini, “Xan qızı bulağı”nı, Yuxarı Gövhərağa məscidini, Molla Pənah Vaqifin məqbərəsini, Gəncə Qapısını, Şuşa qalasını və Cıdır düzünü ziyarət edib.

 

 

 

 

 

Qeyd edək ki, nümayəndə heyətinə ABŞ-ın Yel Univeristetində təhsilini davam etdirən, “Report” İnformasiya Agentliyinin ABŞ bürosunda çalışan azərbaycanlı jurnalist Vüsalə Abbasova, “Arab News”un BMT bürosunun rəhbəri, Əfqanıstan, İraq və Cənubi Livandakı münaqişə bölgələrində dünyanın qabaqcıl media qurumlarının (Fox TV, CNN, Al Jazeera) müharibə müxbiri kimi uzun illər çalışmış Əfram Kosafi, Kolumbiya Respublikasının tanınmış televiziya şəbəkəsinin (Caracol TV and Canal 1) Nyu-York və paytaxt Vaşinqtondakı müxbiri, tanınmış blogger Paola Varqas, “Schirach Report”un təsisçisi və baş redaktoru Paolo von Şiraç, “Anadolu” Agentliyinin ABŞ bürosunun fotojurnalisti, “Turkish Journal”ın təsisçisi Selcuk Acar və “RC Communications”nın prezidenti, tanınmış jurnalist və siyasi şərhçi Kelvin Dark daxildir.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/amerikali-jurnalistler-susani-ziyaret-edibler-3306

 

 

 

]]> Azərbaycan diaspor təşkilatları bəyanat yayıb https://samsunekspress.com/az%c9%99rbaycan-diaspor-t%c9%99skilatlari-b%c9%99yanat-yayib-h48073.html Mon, 31 Jul 2023 07:29:17 +0000 https://1453kralmedya.com/az%c9%99rbaycan-diaspor-t%c9%99skilatlari-b%c9%99yanat-yayib-h48073.html

 

 

 

Azərbaycan diaspor təşkilatları bəyanat yayıb
31 iyul, 2023
Azərbaycan diaspor təşkilatları bəyanat yayıb

 

 

Azərbaycan diaspor təşkilatları Laçın-Şuşa-Xankəndi yolu ətrafında yaranmış vəziyyətlə bağlı bəyanat yayıb.

Bəyanatda deyilir:

 

 

 

“Avropa Şurasının Baş katibi Mariya Pejçinoviç-Buriçin Azərbaycanın Qarabağ bölgəsindəki erməni sakinləri üçün təchizat məsələsi ilə bağlı 28 iyul 2023-cü il tarixli bəyanatı bizdə böyük təəccüb və təəssüf hissi yaratdı. Bu açıqlama Şuranın Nizamnaməsində, İnsan Hüquqları üzrə Avropa Konvensiyasında və Ümumdünya İnsan Hüquqları Bəyannaməsində təsbit olunmuş məqsəd və prinsiplərə ziddir.

 

 

 

 

Azərbaycan diaspor təşkilatları bildirir ki, Azərbaycanın Qarabağ bölgəsində yaşayan ermənilərin guya blokadaya alınması və humanitar fəlakətlə üzləşməsi barədə deyilənlər Ermənistanın beynəlxalq ictimai rəyi çaşdırmaq üçün əl atdığı növbəti böhtan və cəfəngiyyatdır. Belə ki, 2020-ci ildə 44 gün davam edən və Azərbaycanın tarixi zəfəri ilə başa çatan İkinci Qarabağ müharibəsindəndən qısa müddət sonra rəsmi Bakı 30 illik işğala və məşəqqətlərə baxmayaraq, iki ölkə arasında bir-birinin ərazi bütövlüyü, suverenliyi və sərhədlərinin qarşılıqlı tanınması və hörmət edilməsi əsasında münasibətlərin normallaşmasına dair baza prinsipləri və sülh müqaviləsi təklifi ilə çıxış edib. Ermənistan tərəfi bu sülh təşəbbüslərinə uzun müddət cavab verməsə də və müxtəlif bəhanələrlə prosesi ləngitsə də, Azərbaycan tərəfi qətiyyət göstərərək sülh müqaviləsi, sərhədlərin delimitasiyası və kommunikasiyaların açılması istiqamətində təşəbbüslərin irəlilədilməsi üçün xoşməramlı səylərini davam etdirib. Azərbaycan hakimiyyət orqanları tərəfindən Qarabağ bölgəsinin yerli erməni sakinləri ilə dialoq istiqamətində ardıcıl addımlar atılıb, yeni Laçın yolunun tikintisi qısa müddətdə başa çatdırılıb və yol istifadəyə verilib.

 

 

 

 

Ermənistan tərəfi isə bunun əksinə, “beynəlxalq mexanizm çərçivəsində Bakı-Xankəndi danışıqları vasitəsilə Qarabağ ermənilərinin hüquq və təhlükəsizliyinin təmin edilməsi” kimi əsassız təkliflə çıxış edərək, Azərbaycan və yerli erməni sakinlər arasında təmaslara maneçilik törədib və faktiki olaraq ölkəmizə qarşı ərazi iddialarını başqa ad altında davam etdirib. Eyni zamanda 10 noyabr 2020-ci il tarixli üçtərəfli razılaşmaya zidd olaraq, öz hərbi birləşmələrini Azərbaycan ərazisindən çıxarmayıb, mina xəritələrini rəsmi Bakıya təqdim etmək əvəzinə, Azərbaycan ərazilərini minalamaqda davam edib, nəticədə 2020-ci ilin noyabr ayından bəri iki nəfər jurnalist daxil 303 nəfər azərbaycanlı mina qurbanına çevrilib.

 

 

 

 

Azərbaycan öz sərhədlərinə nəzarət və Ermənistanın qeyri-qanuni fəaliyyətinin qarşısını almaq məqsədilə özünün suveren ərazilərində Laçın sərhəd buraxılış məntəqəsi təsis edib. Azərbaycan tərəfindən erməni sakinlərin, Beynəlxalq Qızıl Xaç Komitəsinin (BQXK) və Rusiya sülhməramlı kontingentinin sərhəd buraxılış məntəqəsindən keçidinin təmin olunmasına baxmayaraq, Ermənistan tərəfi Azərbaycan ərazilərində qeyri-qanuni fəaliyyətini davam etdirmək məqsədilə bölgədə saxta “gərgin humanitar vəziyyət” barədə iddialar yayıb. Eyni zamanda 15 iyun tarixində Azərbaycan sərhədçilərinin atəşə tutulması, qaçaqmalçılığa cəhd edilməsi, yük avtomobillərinin 26 iyul tarixində Azərbaycan ərazilərinə icazəsiz göndərilməsi kimi təxribatlar törədib.

Azərbaycan tərəfinin erməni sakinlərin ehtiyaclarının qarşılanması üçün “Ağdam-Xankəndi” yolundan və digər alternativ yollardan istifadə daxil olmaqla, bir sıra təkliflər irəli sürməsinə və onların Avropa İttifaqı, BQXK tərəfindən dəstəklənməsinə baxmayaraq, erməni tərəfinin bu təkliflərə qarşı çıxması, alternativ yollara beton maneələr düzməklə əraziyə girişi bloklaması Ermənistanın humanitar vəziyyət barədə iddialarının siyasi şantaj və manipulyasiya olduğunu bir daha göstərib.

 

 

 

 

Azərbaycan diaspor təşkilatları bəyan edir ki, Ermənistanın məqsədi bölgəyə üçüncü tərəfləri cəlb etmək, gərginliyin coğrafiyasını genişləndirmək və sülh prosesini iflasa uğratmaqdan ibarətdir. Son günlər baş verən bütün bu təxribatlara görə məsuliyyət Azərbaycan ərazilərində qanunsuz hərbi mövcudluğu davam etdirən, separatizmi təşviq edən və reinteqrasiya səylərinə əngəl törədən Ermənistan və onun rəhbərliyinin üzərinə düşür. Eyni zamanda 1980-ci illərin sonu və 1990-cı illərin əvvəllərində Ermənistandan və Azərbaycanın işğal olunmuş ərazilərindən zorla qovulmuş bir milyona yaxın azərbaycanlıların çəkdikləri iztirablara, Ermənistanın 1992-ci il fevralın 26-da Azərbaycanın Xocalı şəhərində soyqırımı törətməsinə, 30 il ərzində Azərbaycan ərazilərini işğal altında saxlamasına, Naxçıvan Muxtar Respublikasını 32 ildir blokadaya almasına, son üç il ərzində Azərbaycan ərazilərində Ermənistan silahlı qüvvələrinin mövcudluğuna, Ermənistanın kommunikasiyaların açılmasına maneçilik törətməsinə göz yuman bir sıra ölkələrdən və beynəlxalq təşkilatlardan Azərbaycanın suverenliyinə və ərazi bütövlüyünə hörmət etməyi, daxili işlərinə qarışmamağı və ikili standartlar siyasətinə son qoymağı tələb edirik”.

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycan-diaspor-teskilatlari-beyanat-yayib-3286

 

 

 

]]> Diaspor nümayəndələrinin Şuşaya 10-cu səfəri gerçəkləşib https://samsunekspress.com/diaspor-numay%c9%99nd%c9%99l%c9%99rinin-susaya-10-cu-s%c9%99f%c9%99ri-gerc%c9%99kl%c9%99sib-h48031.html Sat, 29 Jul 2023 12:29:41 +0000 https://1453kralmedya.com/diaspor-numay%c9%99nd%c9%99l%c9%99rinin-susaya-10-cu-s%c9%99f%c9%99ri-gerc%c9%99kl%c9%99sib-h48031.html

 

 

 

 

 

Diaspor nümayəndələrinin Şuşaya 10-cu səfəri gerçəkləşib

2023
Diaspor nümayəndələrinin Şuşaya 10-cu səfəri gerçəkləşib

 

 

Tətillərini Azərbaycanda keçirməyə üstünlük verən diaspor nümayəndələrinin mədəniyyət paytaxtımız Şuşaya 10-cu səfəri baş tutub.

 

 

 

“Dəmir yumruğun gücü ilə Şuşadayıq” layihəsi çərçivəsində doqquzuncu dəfə gerçəkləşən səfərdə 20 ölkədən gələn 70-dən çox diaspor nümayəndəsi iştirak edib.

 

 

 

Səfər proqramına ənənəvi olaraq “Bazarbaşı” meydanının, Cıdır düzünün, “Güllələnmiş heykəllər”in yerləşdirildiyi meydanın, Şuşa Bəyannaməsinin imzalandığı məkanın, Xurşidbanu Natəvanın evinin, “Xan qızı bulağı”nın, Molla Pənah Vaqifin məqbərəsinin, Üzeyir Hacıbəyovun heykəlinin, Bülbülün ev-muzeyinin, Gəncə Qapısının, Saatlı, Aşağı və Yuxarı Gövhərağa məscidlərinin və digər görməli yerlərin ziyarəti daxil edilib. Diaspor nümayəndələrinə Qarabağın incisi olan Şuşada aparılan yenidənqurma və abadlıq işləri ilə bağlı məlumat verilib.

 

 

 

 

Səfərin sonunda diaspor nümayəndələri Cıdır düzündə Azərbaycan bayrağı açıb, “Yallı” sədaları altında rəqs ediblər. Onlar bu xoşbəxtliyi xalqımıza bəxş edən Müzəffər Ali Baş Komandana və Azərbaycan Ordusuna təşəkkür ediblər. Eyni zamanda onlara xüsusi diqqət və qayğı göstərən Şuşa Şəhəri Dövlət Qoruğu İdarəsinin əməkdaşlarına minnətdarlıqlarını bildiriblər.

 

 

 

 

Qeyd edək ki, Prezident İlham Əliyevin Dünya Azərbaycanlılarının V Qurultayında səsləndirdiyi tövsiyələrdə xaricdə yaşayan soydaşlarımızın hər il tarixi vətənlərini, xüsusilə də azad edilmiş torpaqlarımızı ziyarət etməsinin önəminə diqqət cəlb edilmişdi.

 

 

 

 

Diasporla İş üzrə Dövlət Komitəsi 2021-ci ildə dörd dəfə (27 iyul, 17 avqust,9 oktyabr və 2 dekabr), 2022-ci ildə üç dəfə (26 iyul, 17 avqust, 7 sentyabr), 2023-cü ildə isə iki dəfə (29 iyun və 8 iyul) diaspor nümayəndələrinin Şuşa şəhərinə səfərlərini təşkil edib. “Biz dəmir yumruğun gücü ilə Şuşadayıq” şüarı ilə reallaşan səfərlər Azərbaycan diaspor tarixinin ən mühüm hadisələrindən biridir.

 

 

 

 

Bundan başqa, Komitə mütəmadi olaraq beynəlxalq ictimaiyyətin məlumatlandırılmasında böyük rol oynayan xarici jurnalistlərin və elm adamlarının Şuşaya, eləcə də işğaldan azad edilmiş digər rayonlara səfərlərini təşkil edir.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/diaspor-numayendelerinin-susaya-10-cu-seferi-gerceklesib-3283

 

 

]]> Riqadakı icmamız “Sabah” futbol klubuna azarkeş dəstəyi göstərib https://samsunekspress.com/riqadaki-icmamiz-sabah-futbol-klubuna-azarkes-d%c9%99st%c9%99yi-gost%c9%99rib-h48023.html Sat, 29 Jul 2023 09:41:30 +0000 https://1453kralmedya.com/riqadaki-icmamiz-sabah-futbol-klubuna-azarkes-d%c9%99st%c9%99yi-gost%c9%99rib-h48023.html

 

 

 

Riqadakı icmamız “Sabah” futbol klubuna azarkeş dəstəyi göstərib

, 2023

 

 

 

Riqadakı icmamız “Sabah” futbol klubuna azarkeş dəstəyi göstərib

 

 

UEFA Avropa Konfrans Liqasının II təsnifat mərhələsinin ilk oyununda Riqanın “RFS” futbol klubu ilə qarşılaşan Azərbaycanın “Sabah” futbol klubuna Latviya paytaxtında yaşayan Azərbaycan icması güclü azarkeş dəstəyi nümayiş etdirib.

 

 

 

“Azəri” gənclər təşkilatının sədri Amil Səlimovun təşkilatçılığı ilə stadionun tribunalarında toplaşan soydaşlarımız gərgin mübarizə şəraitində keçən oyun zamanı Azərbaycan bayraqlarını dalğalandırmaqla və fasiləsiz olaraq səsləndirdikləri şüarlarla futbolçularımızı ruhlandırmağa çalışıblar.

 

 

 

 

“Sabah”ın bu oyunda 2:0 hesabı ilə qələbə qazanması soydaşlarımız tərəfindən böyük coşğu ilə qarşılanıb.

 

 

 

 

Qeyd edək ki, xaricdə keçirilən idman turnirləri zamanı müxtəlif ölkələrdə yaşayan diaspor fəallarımızın idmançılarımızı yad divarlar arasında tək buraxmaması və azarkeş dəstəyi göstərməsi artıq ənənəyə çevrilib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/riqadaki-icmamiz-sabah-futbol-klubuna-azarkes-desteyi-gosterib-3281

 

 

]]> Türkiyənin Xaricdəki Türklər və Əqrəba İcmaları İdarəsi Haaqadakı diasporumuza təşəkkür edib https://samsunekspress.com/turkiy%c9%99nin-xaricd%c9%99ki-turkl%c9%99r-v%c9%99-%c9%99qr%c9%99ba-icmalari-idar%c9%99si-haaqadaki-diasporumuza-t%c9%99s%c9%99kkur-edib-h48021.html Sat, 29 Jul 2023 08:24:49 +0000 https://1453kralmedya.com/turkiy%c9%99nin-xaricd%c9%99ki-turkl%c9%99r-v%c9%99-%c9%99qr%c9%99ba-icmalari-idar%c9%99si-haaqadaki-diasporumuza-t%c9%99s%c9%99kkur-edib-h48021.html

 

 

 

 

 

Türkiyənin Xaricdəki Türklər və Əqrəba İcmaları İdarəsi Haaqadakı diasporumuza təşəkkür edib

, 2023

 

 

 

Türkiyənin Xaricdəki Türklər və Əqrəba İcmaları İdarəsi Haaqadakı diasporumuza təşəkkür edib
Niderland Krallığının Haaqa şəhərində fəaliyyət göstərən Hollanda Azərbaycan-Türk Kültür Dərnəyi qardaş ölkənin zəlzələ bölgəsinə göstərdiyi dəstəyə görə Türkiyə Cümhuriyyəti Mədəniyyət və Turizm Nazirliyi Xaricdəki Türklər və Əqrəba İcmaları İdarəsindən təşəkkür məktubu alıb.

 

 

 

 

Xaricdəki Türklər və Əqrəba İcmaları İdarəsinin sədri Adullah Erenin adından dərnəyin rəhbərliyinə və könüllülərinə ünvanlanan məktubda deyilir:

 

 

 

 

“Dəyərli Hollanda Azərbaycan Türk Kültür Dərnəyinin rəhbərliyi və könüllüləri,

Xaricdə yaşayan vətəndaşlarımız 6 fevral 2023-cü il tarixində Türkiyədə yaşanan və 11 şəhərimizə təsir edən zəlzələ fəlakətinin ardından bütün imkanlarını səfərbər etmiş, ölkəmizdən kilometrlərlə uzaqda yaşasalar da, qəlblərinin hər zaman vətənləri ilı birlikdə döyündüyünü bir daha göstərmişlər.

 

 

 

Hollanda Azərbaycan Türk Kültür Dərnəyi olaraq ölkəmizin bu çətin zamanlarında göstərmiş olduğunuz həmrəylik və zəlzələnin yaralarının sarılması üçün nümayiş etdirdiyiniz dəstəklərdən dolayı rəhbərliyinizə və könüllülərinizə təşəkkür edir, sevgilərimi bildirirəm”.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/turkiyenin-xaricdeki-turkler-ve-eqreba-icmalari-idaresi-haaqadaki-diasporumuza-tesekkur-edib-3280

 

 

]]> Torontodakı Azərbaycan Evində dünya şöhrətli alim Məsud Əfəndiyevlə görüş keçirilib https://samsunekspress.com/torontodaki-az%c9%99rbaycan-evind%c9%99-dunya-sohr%c9%99tli-alim-m%c9%99sud-%c9%99f%c9%99ndiyevl%c9%99-gorus-kecirilib-h47951.html Wed, 26 Jul 2023 13:56:45 +0000 https://1453kralmedya.com/torontodaki-az%c9%99rbaycan-evind%c9%99-dunya-sohr%c9%99tli-alim-m%c9%99sud-%c9%99f%c9%99ndiyevl%c9%99-gorus-kecirilib-h47951.html

 

 

 

 

Torontodakı Azərbaycan Evində dünya şöhrətli alim Məsud Əfəndiyevlə görüş keçirilib
26 iyul, 2023

 

Torontodakı Azərbaycan Evində dünya şöhrətli alim Məsud Əfəndiyevlə görüş keçirilib

 

 

 

Kanadanın Toronto şəhərində fəaliyyət göstərən Azərbaycan Evində dünya şöhrətli alim, Münhendəki Helmholtz Mərkəzinin professoru, Humboldt mükafatı və “Fields İnstitute Fellows” ömürlük mükafatını alan ilk azərbaycanlı alim, Azərbaycanın əməkdar elm xadimi Məsud Əfəndiyevlə görüş keçirilib.

Azərbaycan Evinin təşkilatçılığı ilə baş tutan görüşdə elm xadimləri, Azərbaycan icmasının nümayəndələri və vaxtilə ölkəmizdə yaşamış yəhudilər iştirak ediblər.

 

 

 

Tədbirdə öncə Diasporla İş üzrə Dövlət Komitəsinin Məsud Əfəndiyev haqqında çəkdiyi videoçarx nümayiş etdirilib və Fields İnstitutunun “Fields İnstitute Fellows” ömürlük mükafatı barədə məlumat verilib. Dünya şöhrətli elm xadimi, Nobel mükafatı laureatı Əziz Sancarın azərbaycanlı həmkarları Lütfü Zadə və Məsud Əfəndiyev barədə fikirlərinə diqqət cəlb edilib.

 

 

 

Görüşün moderatoru York Universitetinin professoru Ulduz Rəhimov dünyada “Dean`s Distinguished Professor” (Dekanın görkəmli professoru) statusunu daşıyan azsaylı riyaziyyatçı alimlərdən biri olan Məsud Əfəndiyevin elmi fəaliyyətindən danışıb və onu “hər bir azərbaycanlının qürur mənbəyi” adlandırıb.

 

 

 

Görüşün təşkil olunmasına görə Azərbaycan Evinə minnətdarlığını bildirən Məsud Əfəndiyev bu tədbiri diasporumuzun monolitliyinin göstəricisi kimi dəyərləndirib. Alim kimi yüksək zirvələrə çatmasında valideynlərinin, ailə üzvlərinin və elmi mühitin rolundan, Kanadaya gəlişinin məqsədindən və Fields İnstitutunun “Fields İnstitute Fellows” ömürlük mükafatının ona təqdim olunması səbəbindən danışıb.

 

 

 

 

Azərbaycançılıq ideologiyası və onun Kanadada rolu, xaricdə yaşayan övladlarımızın milli mənsubiyyət və inteqrasiya məsələləri, Diasporla İş üzrə Dövlət Komitəsinin son illərdəki nailiyyətləri, Dünya Azərbaycanlı Alimlərin I Forumunda iştirak qaydaları kimi mövzulara toxunub.

 

 

 

 

3 saatdan çox çəkən maraqlı görüş sualların cavablandırılması, fikir mübadiləsinin aparılması və xatirə şəklinin çəkdirilməsi ilə yekunlaşıb.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/torontodaki-azerbaycan-evinde-dunya-sohretli-alim-mesud-efendiyevle-gorus-kecirilib-3276

 

 

]]> İslandiyada yaşayan soydaşımız futbol üzrə yeniyetmələr arasında dünya çempionatının ikincisi olub https://samsunekspress.com/islandiyada-yasayan-soydasimiz-futbol-uzr%c9%99-yeniyetm%c9%99l%c9%99r-arasinda-dunya-cempionatinin-ikincisi-olub-h47947.html Wed, 26 Jul 2023 10:50:05 +0000 https://1453kralmedya.com/islandiyada-yasayan-soydasimiz-futbol-uzr%c9%99-yeniyetm%c9%99l%c9%99r-arasinda-dunya-cempionatinin-ikincisi-olub-h47947.html

 

 

 

İslandiyada yaşayan soydaşımız futbol üzrə yeniyetmələr arasında dünya çempionatının ikincisi olub

26 iyul, 2023

 

 

 

İslandiyada yaşayan soydaşımız futbol üzrə yeniyetmələr arasında dünya çempionatının ikincisi olub
İsveçin Höteborq şəhərində keçirilən yeniyetmə qızlar arasında futbol üzrə “World Gothia Cup Youth 2023” dünya çempionatında İslandiyadakı Azərbaycan icmasının fəalı Aysu Mey uğurla çıxış edib.

 

 

 

 

 

“Azəri” İslandiya Azərbaycan Cəmiyyətinin sədri Zakir Həsənov bildirib ki, Aysu Mey çempionatda İslandiyanın “KA 1” futbol klubunun tərkibində kubok uğrunda mübarizə aparıb. 79 ölkə arasında 82 futbol klubunun qatıldığı çempionatda İslandiyanın yeniyetmə futbolçuları G14 kateqoriyası üzrə finala yüksəliblər.

 

 

 

 

SKF idman arenasında baş tutan final oyununda “KA 1” klubu İsveçin “Hammarby IF FF” futbol klubu ilə qarşılaşıb. Yeniyetmə qızların gərgin mübarizə şəraitində keçən oyunun taleyini son anda islandiyalıların qapısına təyin olunan penalti həll edib. Nəticədə islandiyalılar, o cümlədən Aysu Mey çempionatın gümüş medalını qazanıblar.

 

 

 

 

 

Qeyd edək ki, “Gothia Cup” iştirakçılarının sayına görə ən böyük beynəlxalq futbol kuboku, yeniyetmələr arasında dünya çempionatı hesab edilir. 1975-ci ildən etibarən hər il İsveçdə keçirilən yarışda 11-19 yaşarası oğlan və qızlar iştirak edirlər. Bu turnirin futbol üzrə dünya çempionatından əsas fərqi milli komandaların olmamasıdır. Turnirdə yaşa görə bölünən müxtəlif ölkələrin klubları iştirak edir. Çempionat UNICEF tərəfindən dəstəklənir.

 

 

 

 

 

Diasporla İş üzrə Dövlət Komitəsi gənc Aysu Meyi və valideynlərini bu qələbə münasibətilə təbrik edir, ona idmançı karyerasında davamlı uğurlar qazanmağı arzulayır.

 

 

 

 

 

 

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/islandiyada-yasayan-soydasimiz-futbol-uzre-yeniyetmeler-arasinda-dunya-cempionatinin-ikincisi-olub-3274

 

 

 

]]> “Mines Action Canada” təşkilatı Fransa-Azərbaycan Dialoqu Assosiasiyanın mina təhlükəsi ilə bağlı müraciətini cavablandırıb https://samsunekspress.com/mines-action-canada-t%c9%99skilati-fransa-az%c9%99rbaycan-dialoqu-assosiasiyanin-mina-t%c9%99hluk%c9%99si-il%c9%99-bagli-muraci%c9%99tini-cavablandirib-h47943.html Wed, 26 Jul 2023 08:18:13 +0000 https://1453kralmedya.com/mines-action-canada-t%c9%99skilati-fransa-az%c9%99rbaycan-dialoqu-assosiasiyanin-mina-t%c9%99hluk%c9%99si-il%c9%99-bagli-muraci%c9%99tini-cavablandirib-h47943.html

 

 

 

“Mines Action Canada” təşkilatı Fransa-Azərbaycan Dialoqu Assosiasiyanın mina təhlükəsi ilə bağlı müraciətini cavablandırıb

, 2023

 

 

 

“Mines Action Canada” təşkilatı Fransa-Azərbaycan Dialoqu Assosiasiyanın mina təhlükəsi ilə bağlı müraciətini cavablandırıb

 

 

 

Fransa-Azərbaycan Dialoqu Assosiasiyasının ölkəmizin azad olunmuş ərazilərində Ermənistan tərəfindən yaradılmış mina təhlükəsi barədə müraciətini Kanadanın “Mines Action Canada” (MAC) aparıcı şirkətinin icraçı direktoru Erin Hant cavablandırıb.

 

 

 

 

Azərbaycanda mina təhlükəsi ilə bağlı mövcud durum barədə məlumat verdiyi və bu məsələ ilə bağlı fikrini bölüşdüyü üçün Fransa-Azərbaycan Dialoqu Assosiasiyasına minnətdarlığını bildirən Erin Hant bildirib ki, Kanada hökumətinin dəstəyi ilə MAC artıq bir neçə ildir Cənubi Qafqazda minaların təmizlənməsi prosesini müdafiə edir. Bu müdafiənin 2021-ci ildə uğurlu olduğunu vurğulayan icraçı direktor bildirib ki, tezliklə bu fəaliyyətin yenidən uğurlu olacağına ümid edir. O, əlavə edib ki, şirkətləri Azərbaycan Respublikasının Minatəmizləmə Agentliyində (ANAMA) çalışan azərbaycanlı həmkarları ilə sıx işləyir.

 

 

 

 

 

Erin Hant xatırladıb ki, bu ilin may ayında MAC adından Bakıya səfər edib və II Beynəlxalq humanitar mina fəaliyyəti konfransına qatılıb. Bu konfransın Bakı və Ağdamda keçirildiyini vurğulayan kanadalı mütəxəssis bildirib ki, minaların Azərbaycanda icmalara təsirini görə biliblər. Onun sözlərinə görə, Azərbaycanda mina təhlükəsi ilə bağlı öyrəndiklərini Kanada hökumətinin və parlamentinin rəsmiləri ilə bölüşüb.

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/mines-action-canada-teskilati-fransa-azerbaycan-dialoqu-assosiasiyanin-mina-tehlukesi-ile-bagli-muracietini-cavablandirib-3273

 

 

]]> Birləşmiş Krallıq hökuməti Britaniya Azərbaycanlıları Koordinasiya Şurasının məktubunu cavablandırıb https://samsunekspress.com/birl%c9%99smis-kralliq-hokum%c9%99ti-britaniya-az%c9%99rbaycanlilari-koordinasiya-surasinin-m%c9%99ktubunu-cavablandirib-h47911.html Mon, 24 Jul 2023 19:40:44 +0000 https://1453kralmedya.com/birl%c9%99smis-kralliq-hokum%c9%99ti-britaniya-az%c9%99rbaycanlilari-koordinasiya-surasinin-m%c9%99ktubunu-cavablandirib-h47911.html

 

 

 

Birləşmiş Krallıq hökuməti Britaniya Azərbaycanlıları Koordinasiya Şurasının məktubunu cavablandırıb
24 iyul, 2023

 

 

 

Birləşmiş Krallıq hökuməti Britaniya Azərbaycanlıları Koordinasiya Şurasının məktubunu cavablandırıb
Britaniya Azərbaycanlıları Koordinasiya Şurasının ölkəmizin sərhədində Ermənistanın ekoloji durumu gərginləşdirmək cəhdi ilə bağlı 15 iyun 2023-cü il tarixli məktubuna Böyük Britaniya və Şimali İrlandiya Birləşmiş Krallığının Xarici İşlər, Birlik və İnkişaf Nazirliyinin məktublar şöbəsi cavab verib.

 

 

 

 

Cavab məktubunda bildirilib ki, Birləşmiş Krallıq hökuməti ətraf mühitin keyfiyyətinin ən yüksək standartlarına sadiqdir. “Biz iqlimin dəyişməsi üzrə BMT konfransında (COP26) və G7-də sədrliyimiz də daxil olmaqla, bu sahədə fəal liderlik vasitəsilə digər ölkələri də eyni cür hərəkət etməyə çağırırıq”.

 

 

 

 

 

Nəzərə çatdırılıb ki, Birləşmiş Krallıq hökuməti BMT-nin İqtisadi Komissiyasının Transsərhəd kontekstdə ətraf mühitə təsirin qiymətləndirilməsi haqqında Avropa Konvensiyasını (Espo Konvensiyası) dəstəkləyir, bu Konvensiyanın təfsiri və ya tətbiqi ilə bağlı iki tərəf arasında mübahisələrin həlli mexanizmini təmin edir.

 

 

 

 

Britaniya tərəfinin ekoloji standartlarla bağlı Azərbaycan və Ermənistanla fəal dialoq apardığı vurğulanıb: “Regional iqlim səfirimiz Deyvid Moran ötən ilin sonunda Ermənistana səfəri zamanı bunun vacibliyini vurğulayıb və Böyük Britaniya müvafiq olaraq Azərbaycanın Enerji Nazirliyi və Ətraf Mühit və Təbii Sərvətlər Nazirliyi ilə təmiz enerjiyə keçid və iqlim dəyişikliyinə dair Anlaşma Memorandumları imzalayıb”.

 

 

 

 

 

Azərbaycandakı “Ətraf Mühitin Mühafizəsi Naminə Beynəlxalq Dialoq” (İDEA) İctimai Birliyi kimi QHT-lərlə tərəfdaşlıqda həyata keçirilən “Ot kökləri” layihəsinin də dəstəkləndiyi bildirilib. Bu layihə çərçivəsində məktəblilərin icma səviyyəsində iqlim dəyişikliyi və ətraf mühitin mühafizəsi ilə bağlı tədbirlər görməyə ruhlandırılması təşəbbüslərinin müdafiə olunduğu vurğulanıb.

 

 

 

 

“Biz tarixi sülh razılaşmasına nail olmaq üçün lazım olan impulsu stimullaşdırmaq və gərginliyi azaltmaq məqsədilə geniş spektrli məsələlər üzrə hər iki hökumətlə işləməyə davam edirik”, – deyə sonda əlavə edilib.

 

 

 

 

 

Xatırladaq ki, Britaniya Azərbaycanlıları Koordinasiya Şurasının adından yerli ictimaiyyətə və beynəlxalq təşkilatlara ünvanlanan bəyanatda Azərbaycanın Naxçıvan Muxtar Respublikası ilə sərhəddə – Yerasx (Arazdəyən) kəndində Ermənistanın 16 500 kvadratmetr sahədə illik istehsal gücü 180 000 ton olan iri metallurgiya zavodu tikməsinə sərt etiraz bildirilmişdi.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/birlesmis-kralliq-hokumeti-britaniya-azerbaycanlilari-koordinasiya-surasinin-mektubunu-cavablandirib-3272

 

 

 

]]> Xaricdə yaşayan azyaşlı soydaşlarımız üçün “Azərbaycan dili” kitabı nəşr edilib https://samsunekspress.com/xaricd%c9%99-yasayan-azyasli-soydaslarimiz-ucun-az%c9%99rbaycan-dili-kitabi-n%c9%99sr-edilib-h47909.html Mon, 24 Jul 2023 18:22:19 +0000 https://1453kralmedya.com/xaricd%c9%99-yasayan-azyasli-soydaslarimiz-ucun-az%c9%99rbaycan-dili-kitabi-n%c9%99sr-edilib-h47909.html

 

 

 

Xaricdə yaşayan azyaşlı soydaşlarımız üçün “Azərbaycan dili” kitabı nəşr edilib

 

 

 

Xaricdə böyüyən nəslin Azərbaycana daha da bağlı olması məqsədilə müxtəlif ölkələrdə 60-dan çox həftəsonu məktəbi fəaliyyət göstərir. Xarici ölkələrdə Azərbaycan dilində fəaliyyət göstərən həftəsonu məktəblərində uşaqlara Azərbaycan dili, ədəbiyyatı, mədəniyyəti, incəsənəti tədris olunur.

 

 

 

 

 

Yenicə çapdan çıxmış “Azərbaycan dili” kitabı xaricdə yaşayan azərbaycanlılara öz mədəni irsinin və dilinin qorunub saxlanması və inkişaf etdirilməsinə dəstək məqsədilə hazırlanıb. Heydər Əliyev Fondunun və Diasporla İş üzrə Dövlət Komitəsinin birgə layihəsi olaraq ərsəyə gəlmiş bu kitab xaricdə yaşayan 6-10 yaşlı uşaqlar üçün nəzərdə tutulub. Kitabın hazırlanmasında azyaşlı soydaşlarımızın yaş səviyyəsi, dünyagörüşü, maraq dairəsi, Azərbaycan dilində ünsiyyət qurmaq üçün zəruri ehtiyacları nəzərə alınıb. Xaricdə anadan olan və böyüyən uşaqların Azərbaycan dilini daha yaxşı mənimsəməsi məqsədilə kitabdakı materialların təqdimatı zamanı sadədən mürəkkəbə doğru prinsipinə riayət olunub. Kitabda həm qrammatik mövzular, həm də oxu materialları müxtəlif şəkillərin köməyi ilə izah olunub. Kitab 37 bölmədən ibarətdir. Hər bölmə həm qrammatik, həm də danışıq üçün müxtəlif səpkili tapşırıqlardan təşkil edilib. Kitabın sonunda, artıq müəyyən qədər dil bacarıqları qazanmış şagirdlər üçün əlavə oxu mətnlərinə də yer verilib. Eyni zamanda, müxtəlif sahələrə aid söz və ifadələrin 4 dildə tərcüməsi təqdim olunub. Mövzuların təqdimatında Azərbaycanın milli dəyərlərinə aid materiallara üstünlük verilib və kitabda heç bir yardımçı dildən (xarici dildən) istifadə edilməyib.

 

 

 

 

 

 

 

Qeyd edək ki, xaricdə yaşayan 6-10 yaşlı uşaqlar üçün nəzərdə tutulmuş “Azərbaycan dili” kitabı ilk nəşrdir. Gələcəkdə yuxarı sinif şagirdləri üçün, eyni zamanda dilimizin qrammatik və orfoqrafik qaydalarını daha geniş əhatə edən yeni kitabların hazırlanması nəzərdə tutulur.

 

“Azərbaycan dili” kitabının elektron variantı
Xaricdə yaşayan azyaşlı soydaşlarımız üçün “Azərbaycan dili” kitabının elektron variantını əldə etmək üçün qeydiyyatdan keçin. Qeydiyyat tamamlandıqdan dərhal sonra yükləmək üçün müvafiq link qarşınıza çıxacaq.
Ad, soyad*(required)
First
Last
Yaşadığınız ölkə*(required)
Country
E-mail

 

kaynak:https://diaspor.gov.az/xeberler2020/x1169.php

 

 

 

]]>