2026,

İlham Əliyev Özbəkistan Prezidenti ilə görüşüb

Oktyabrın 14-də Azərbaycan Respublikasının Prezidenti İlham Əliyev Özbəkistan Respublikasının Prezidenti Şavkat Mirziyoyev ilə görüşüb.

Dövlətimizin başçısı ölkələrimiz arasında əlaqələrin uğurla inkişaf etdiyini deyərək bu ilin avqustunda Özbəkistana dövlət səfərini məmnunluqla xatırladı.

Bu xüsusda səfər zamanı əldə olunmuş razılaşmaların həyata keçirilməsi kontekstində strateji tərəfdaşlığımızın və müttəfiqliyimizin daha da inkişaf etdirilməsi imkanları müzakirə olundu.

Azərbaycanda olmaqdan məmnunluğunu ifadə edən Prezident Şavkat Mirziyoyev ölkəmizin inkişafının və tərəqqisinin qardaş özbək xalqını sevindirdiyini vurğuladı.

Özbəkistan Prezidenti Azərbaycanın AQEM-ə uğurlu sədrliyi və bu təşkilatın Zirvə Görüşünə ev sahibliyi etməsi münasibətilə dövlətimizin başçısını təbrik etdi və bütün bunları ölkəmizin nüfuzunun göstəricisi kimi qiymətləndirdiyini dedi.

Söhbət zamanı bütün sahələrdə səmərəli əlaqələr məmnunluqla qeyd edildi, ilin əvvəlindən ticarət dövriyyəsinin artdığı vurğulandı.

Energetika, qarşılıqlı sərmayələr, tikinti, nəqliyyat-logistika, yüngül sənaye, geologiya, turizm və digər sahələrdə layihələrin uğurla həyata keçirildiyi bildirildi, mədəni və humanitar mübadilələrin əhəmiyyəti qeyd edildi.

Dövlət başçıları beynəlxalq və regional gündəlikdə duran məsələlər barədə fikir mübadiləsi apardılar.

Böyük ölçüdə şəkillər

https://x.com/azpresident/status/2110414719018475826

BÜTÜN YAZILAR

XƏBƏRLƏR

SƏNƏDLƏR

VİDEOLAR

ŞƏKİLLƏR

kaynak:https://president.az/az/articles/view/74044

https://x.com/azpresident/status/2110414719018475826

2026,

Türkmənbaşı şəhərində Prezident İlham Əliyevin İran Prezidenti ilə görüşü keçirilib

Oktyabrın 9-da Türkmənistanın Türkmənbaşı şəhərində Azərbaycan Respublikasının Prezidenti İlham Əliyevin İran İslam Respublikasının Prezidenti Məsud Pezeşkian ilə görüşü olub.

Söhbət zamanı Azərbaycan və İran prezidentlərinin görüşləri və telefon danışıqları məmnunluqla xatırlandı, bu yaxınlarda Azərbaycan nümayəndə heyətinin İran İslam Respublikasına səfəri və aparılmış müzakirələr qeyd olundu.

Prezident Məsud Pezeşkian ölkələrimiz arasında tarixi dostluq və qohumluq əlaqələrinin olduğunu deyərək, İranda baş verən hadisələr zamanı dost və mehriban qonşu kimi Azərbaycanın mövqeyinin yüksək qiymətləndirildiyini bir daha bildirdi.

Dövlətimizin başçısı İranın qeyri-üzv dövlət kimi “MDB plyus” formatında ilk dəfə iştirakına toxundu.

Görüşdə Ağbənd–Kəlalə layihəsinin icrası ilə əlaqədar işlərin yekunlaşma mərhələsində olduğu məmnunluqla qeyd edildi.

Söhbət əsnasında vurğulandı ki, Qırğızıstanın paytaxtı Bişkekdə dövlət başçılarının sonuncu görüşü zamanı ikitərəfli əməkdaşlığın inkişafı ilə bağlı müzakirə olunan məsələlərin həyata keçirilməsi istiqamətində iki ölkənin aidiyyəti qurumları fəaliyyətini davam etdirir.

https://x.com/YAP_1992/status/2108538746069213587

Böyük ölçüdə şəkillər

BÜTÜN YAZILAR

XƏBƏRLƏR

SƏNƏDLƏR

VİDEOLAR

ŞƏKİLLƏR

kaynak:https://president.az/az/articles/view/73787

https://x.com/YAP_1992/status/2108538746069213587

12 oktyabr, 2026

“Diaspor Akademiyası-3” layihəsinin ilk təlimi keçirilib

Azərbaycan Respublikasının Diasporla İş üzrə Dövlət Komitəsinin həyata keçirdiyi “Diaspor Akademiyası-3” layihəsinə start verilib. Oktyabrın 10-da “Zoom” proqramı vasitəsilə baş tutan ilk təlim “Diaspor siyasətinin əsasları və qlobal modellər: dövlət-diaspor münasibətləri və institusional çərçivə” mövzusuna həsr olunub.

Təlimçi, Siyasi Texnologiyalar Mərkəzinin rəhbəri Vəli Əlibəyov iştirakçılara diaspor anlayışının tarixi və mahiyyəti, diaspor fəaliyyətinin əsas istiqamətləri, lobbiçilik təcrübəsi, eləcə də müxtəlif ölkələrdə diaspor siyasətini tənzimləyən normativ-hüquqi çərçivə barədə ətraflı məlumat verib.

İnteraktiv formatda təşkil olunan təlimdə iştirakçılar mövzu ətrafında fikir mübadiləsi aparıb, öz təcrübələrini bölüşüb və onları maraqlandıran suallar təlimçi tərəfindən cavablandırılıb.

Təlimlər bu ilin oktyabr–dekabr aylarında həftədə bir dəfə keçiriləcək. Yekunda “Diaspor Akademiyası-3” layihəsindən məzun olan şəxslərə sertifikat veriləcək.

Məlumat üçün bildirək ki, layihənin əsas məqsədi diaspor nümayəndələrinin bilik və bacarıqlarının artırılması, onların səmərəli diaspor fəaliyyətinə hazırlanması, fandreyzinq alətlərinə yiyələnməsinə dəstək göstərilməsi, eləcə də əldə etdikləri bilik və təcrübəni yaşadıqları ölkələrdə fəaliyyət göstərən digər diaspor nümayəndələrinə ötürə biləcək kadrların hazırlanmasıdır.

https://x.com/DiasporaAz/status/2109640123168231507

dostların arasında bunu ilk tövsiyyə edən sən ol

Digər xəbərlər

Kaynak:https://diaspor.gov.az/az/news-detail/diaspor-akademiyasi-3-layihesinin-ilk-telimi-kecirilib-7424

https://x.com/DiasporaAz/status/2109640123168231507

2026,

İlham Əliyev və Rusiyanın Çeçenistan Respublikasının başçısı “Bakı Ağ Şəhər”də olublar

Azərbaycan Respublikasının Prezidenti İlham Əliyev və Rusiya Federasiyası Çeçenistan Respublikasının başçısı Ramzan Kadırov oktyabrın 10-da “Bakı Ağ Şəhər”də olublar.

“Bakı Ağ Şəhər” layihəsinin icraçı direktoru Ruslan Sadıxov Rusiyanın Çeçenistan Respublikasının başçısına burada yaradılmış şərait barədə məlumat verdi.

Qeyd olundu ki, bura əvvəllər “Qara şəhər” kimi tanınıb. 150 ildən çox müddətdə neft sənayesi tullantıları ilə çirklənmiş və vaxtilə çoxsaylı neft gölməçələrinin olduğu bu ərazidə Azərbaycan Prezidentinin təşəbbüsü ilə dünya miqyasında nadir ekoloji layihə icra olunaraq, müasir yaşayış massivi yaradılıb.

Dünyada müasir şəhərsalma konsepsiyasının ən parlaq nümunələrindən biri olan “Bakı Ağ Şəhər” layihəsinin icrasına Prezident İlham Əliyevin və birinci xanım Mehriban Əliyevanın iştirakı ilə 2011-ci il dekabrın 24-də başlanılıb.

Layihə ekoloji cəhətdən təmiz, dayanıqlı və “ağıllı şəhər” prinsipləri əsasında hazırlanıb. “Bakı Ağ Şəhər”də geniş daxili küçələr, yaşıllıq sahələri, müasir beynəlxalq heykəltaraşlıq nümunələri yaradılıb və şəhərsalmanın ən son yenilikləri tətbiq olunub.

Böyük ölçüdə şəkillər

BÜTÜN YAZILAR

XƏBƏRLƏR

SƏNƏDLƏR

VİDEOLAR

ŞƏKİLLƏR

kaynak:https://president.az/az/articles/view/73829

https://x.com/YAP_1992/status/2108951494527725780

2026,

İlham Əliyev və Rusiyanın Çeçenistan Respublikasının başçısı birgə nahar ediblər

Oktyabrın 10-da Azərbaycan Respublikasının Prezidenti İlham Əliyev və Rusiya Federasiyasının Çeçenistan Respublikasının başçısı Ramzan Kadırov birgə nahar ediblər.

Böyük ölçüdə şəkillər

BÜTÜN YAZILAR

XƏBƏRLƏR

SƏNƏDLƏR

VİDEOLAR

ŞƏKİLLƏR

kaynak:https://president.az/az/articles/view/73830

https://x.com/YAP_1992/status/2108951626644099296

2026,

Türkmənbaşıda Azərbaycan və Mərkəzi Asiya Dövlət başçılarının 8-ci Məşvərət görüşü keçirilib

Oktyabrın 8-də Türkmənistanın Türkmənbaşı şəhərində Azərbaycan Respublikası və Mərkəzi Asiya Dövlət Başçılarının 8-ci Məşvərət görüşü keçirilib.

Azərbaycan Respublikasının Prezidenti İlham Əliyev Məşvərət görüşündə iştirak etmək üçün “Avaza” Kompleksinə gəldi.

Türkmənistan Prezidenti Sərdar Berdiməhəmmədov Prezident İlham Əliyevi qarşıladı.

Sonra tədbirdə iştirak edən dövlət başçıları birgə foto çəkdirdilər.

Görüşü açıq elan edən Türkmənistan Prezidenti Sərdar Berdiməhəmmədov dedi:

-Hörmətli dövlət başçıları, indi sözü böyük hörmətlə Zati-aliləri, Azərbaycan Respublikasının Prezidenti İlham Heydər oğlu Əliyevə verirəm.

https://x.com/YAP_1992/status/2108109428377767957

İlham Heydər oğlu, buyurun, söz Sizindir.

Dövlətimizin başçısı tədbirdə çıxış etdi.

Prezident İlham Əliyevin çıxışı
-Hörmətli Sərdar Qurbanquliyeviç.

Hörmətli dövlət başçıları.

Əziz dostlar.

Əvvəlcə dəvətə və ənənəvi qonaqpərvərliyə görə Türkmənistan Prezidentinə təşəkkürümü bildirirəm.

Yenidən qardaş Türkmənistanda, gözəl Avazada olmaqdan şadam.

Keçən ilin noyabrında Azərbaycan Mərkəzi Asiya Dövlət Başçılarının Məşvərət formatının tamhüquqlu üzvü oldu. Bu tarixi qərarı yekdilliklə dəstəklədikləri üçün bütün hörmətli həmkarlarıma bir daha təşəkkürümü bildirirəm. Bu baxımdan Türkmənistanın və şəxsən hörmətli Qurbanqulu Məlikquliyeviç Berdiməhəmmədovun rolunu qeyd etmək istəyirəm. O, ötən ilin avqust ayında məhz burada – Avazada Azərbaycanın bu formatda tamhüquqlu iştirakı təşəbbüsü ilə çıxış etdi.

Son illərdə Azərbaycan-Türkmənistan münasibətləri dinamik şəkildə inkişaf edir. Ötən ildən başlayaraq ən yüksək səviyyədə artıq beş səfər həyata keçirilib. Bu, siyasi dialoqumuzun intensivliyini və ikitərəfli əlaqələrimizi daha da gücləndirmək üçün qarşılıqlı niyyətimizi əks etdirir.

Hörmətli Qurbanqulu Məlikquliyeviç Berdiməhəmmədovun təşəbbüsü ilə Füzuli şəhərində məscidin tikintisini xüsusi qeyd etmək istərdim. Keçən il onun təməlinin qoyulmasında birlikdə iştirak etdik. Qardaş Türkmənistanın ölkəmizə bu hədiyyəsi xalqlarımız arasındakı dostluğun və mənəvi yaxınlığın daha bir təzahürüdür.

Azərbaycanın azad edilmiş ərazilərinin bərpasında qardaş dəstəyi bizim üçün xüsusi əhəmiyyətə malikdir. Özbəkistan artıq Füzulidə Mirzə Uluqbəy adına məktəb, Qazaxıstan Kurmanqazı adına Uşaq Yaradıcılıq Mərkəzi və Qırğızıstan Ağdamda Manas adına məktəb inşa edib. Biz bu yardımı çox yüksək qiymətləndiririk.

Son illərdə Azərbaycanın Mərkəzi Asiya ölkələri ilə qarşılıqlı fəaliyyəti xeyli genişlənib. Siyasi əlaqələr yüksək səviyyədədir və qarşılıqlı yüksəksəviyyəli səfərlər müntəzəm xarakter alıb. İqtisadi-ticari əməkdaşlıq güclənir, qarşılıqlı investisiyalar artır və birgə layihələr həyata keçirilir. Ötən il Azərbaycanın Mərkəzi Asiya ölkələri ilə ticarət dövriyyəsi 50 faizdən çox artıb. Bu gün ölkəmizdə Mərkəzi Asiya ölkələrinin kapitalı ilə 400-dən çox şirkət aktiv şəkildə fəaliyyət göstərir. Son illərdə Azərbaycan Qazaxıstan, Özbəkistan və Qırğızıstanla birgə investisiya fondları yaradıb. Bu fondların hər birinin kapitalı yüz milyonlarla dollar məbləğindədir. Hesab edirəm ki, birgə layihələrin həyata keçirilməsi, yeni istehsal müəssisələrinin yaradılması və sənaye əməkdaşlığının genişləndirilməsi üçün, ilk növbədə, onların potensialından daha fəal şəkildə istifadə olunmalıdır. Biz yalnız qarşılıqlı ticarəti artırmaqla kifayətlənməməliyik, həm də birlikdə investisiya qoymalı, istehsal etməli və xarici bazarlara çıxmalıyıq.

Əməkdaşlığımızın əsas sahələrindən biri nəqliyyatdır. Xəzər dənizi ölkələrimiz arasında nəqliyyat qarşılıqlı əlaqələrində getdikcə daha vacib rol oynayır. Xəzərin hər iki sahilindəki nəqliyyat infrastrukturu Mərkəzi Asiyanı Azərbaycanla və daha sonra beynəlxalq bazarlarla birləşdirmək üçün çox mühüm əhəmiyyətə malikdir. Son illərdə nəqliyyat imkanlarımızı davamlı şəkildə genişləndiririk. Biz nəqliyyat infrastrukturuna, dəniz limanlarının, aeroportların, dəmir və avtomobil yollarının inkişafına böyük sərmayə qoymuşuq. Bu gün Xəzər dənizi vasitəsilə daşımaların həcmlərində əhəmiyyətli dərəcədə artım müşahidə edirik. Ortaq məqsədimiz bu marşrutları daha səmərəli və rəqabətədavamlı etməkdir. Paralel olaraq, “Rəqəmsal İpək Yolu” layihəsi həyata keçirilir və Xəzər dənizinin dibi ilə fiber-optik xətlərin inkişafı üçün işlər görülür. Orta Dəhliz getdikcə daha mühüm əhəmiyyət kəsb edir – keçən il bu marşrut üzrə tranzit yükdaşımaların həcmi 10 faizdən çox, bu ilin ilk səkkiz ayında isə təxminən daha 20 faiz artıb.

Energetika sahəsi əməkdaşlığımızda xüsusi yer tutur. Azərbaycan enerji resurslarının Mərkəzi Asiyadan beynəlxalq bazarlara tranzitində mühüm rol oynayır. Türkmənistan və Qazaxıstandan neft ölkəmiz vasitəsilə nəql olunur və bu daşımaların həcmi artır. Bərpaolunan enerji sahəsində əməkdaşlığımız davamlı olaraq genişlənir. Yaşıl enerji dəhlizi yaratmaq üçün Qazaxıstan və Özbəkistanla birgə iş aparırıq.

Hörmətli həmkarlar, əməkdaşlıq formatımızın geosiyasi əhəmiyyəti təkcə energetika və nəqliyyat sahələrində birgə layihələrlə yekunlaşmır. Ölkələrimizdə sülh, təhlükəsizlik, siyasi və iqtisadi sabitlik bütün nailiyyətlərimizin təməli, Mərkəzi Asiya ölkələrinin və Azərbaycanın gələcək uğurlu inkişafının, qarşılıqlı fəaliyyətimizin möhkəmlənməsinin təminatıdır.

Diqqətinizə görə təşəkkür edirəm.

x x x

Türkmənistan Prezidenti Sərdar Berdiməhəmmədov dedi:

-Hörmətli İlham Heydər oğlu, məzmunlu və konstruktiv çıxışınıza görə Sizə təşəkkürümü bildirirəm. Türkmənistanla bağlı səsləndirdiyiniz xoş sözlər, verdiyiniz qiymət və irəli sürdüyünüz təkliflər qarşılıqlı əlaqələrimizin gələcək inkişafı, regional və beynəlxalq əməkdaşlığın genişləndirilməsi baxımından mühüm əhəmiyyət kəsb edir. Türkmənistan Azərbaycan Respublikası ilə qardaşlıq münasibətlərinə böyük əhəmiyyət verir və bu münasibətlərin ardıcıl şəkildə möhkəmləndirilməsinə hazırdır. Əminəm ki, çoxtərəfli əməkdaşlığımız Mərkəzi Asiya ölkələri ilə Azərbaycan arasında mehriban qonşuluq, əməkdaşlıq və qarşılıqlı anlaşma əlaqələrinin daha da möhkəmləndirilməsinə töhfə verəcəkdir. Bir daha məzmunlu çıxışınıza görə Sizə təşəkkür edirəm.

Bu Məşvərət görüşünün ölkələrimizin müstəqilliyinin 35-ci ildönümünün qeyd olunduğu bir ildə keçirildiyini vurğulayan Qazaxıstan Respublikasının Prezidenti Kasım-Jomart Tokayev bunun xüsusi əhəmiyyət daşıdığını qeyd edərək bildirdi: “Azərbaycan Respublikasının Prezidenti, Məşvərət görüşünün tamhüquqlu iştirakçısı möhtərəm İlham Heydər oğlu Əliyevi xüsusi salamlayıram. Bugünkü görüşümüzün rəmzi əhəmiyyətini də xüsusi vurğulamaq vacibdir. Belə ki, bu görüş ölkələrimizin müstəqilliyinin 35-ci ildönümünün qeyd olunduğu bir ildə keçirilir. Bu illər ərzində biz uzun, mürəkkəb, həqiqətən də keşməkeşli, eyni zamanda, məhsuldar bir yol keçmişik. Bu yol bütöv bir dövrü özündə ehtiva edir. Biz suverenliyimizi möhkəmləndirmişik, inkişaf modellərimizi formalaşdırmışıq və beynəlxalq ictimaiyyətdə layiqli yerimizi tutmuşuq. Bu gün Mərkəzi Asiya və Azərbaycan haqlı olaraq Avrasiyada inkişaf və geosiyasi qarşılıqlı fəaliyyət mərkəzləri hesab olunur. Lakin ən başlıcası odur ki, qardaş xalqlarımızın müdrikliyi və birliyi sayəsində biz sülh və həmrəylik şəraitində yaşayırıq”.

Kasım-Jomart Tokayev görüşdə Mərkəzi Asiya dövlətləri və Azərbaycan tərəfindən süni intellektdən məsuliyyətli istifadəyə dair Bəyannamənin hazırlanmasını təklif etdi. Qazaxıstan Prezidenti, həmçinin bildirdi ki, təklif olunan bütün tədbirlər regional qarşılıqlı fəaliyyət üçün möhkəm humanitar platformanın formalaşdırılmasına xidmət etməlidir.

“Biz Mərkəzi Asiya və Azərbaycanda keçiriləcək irimiqyaslı mədəniyyət, idman, turizm, elm və digər bu kimi tədbirlərin vahid təqviminin hazırlanmasını təklif edirik. Bu, qarşılıqlı səfərlərin stimullaşdırılmasına, həmçinin birləşdirilmiş turlar çərçivəsində xarici turistlərin cəlb olunmasına imkan verəcək”, – deyə Qazaxıstan Prezidenti vurğuladı.

Qırğız Respublikasının Prezidenti Sadır Japarov ölkəsinin Mərkəzi Asiya ölkələri və Azərbaycanla əmtəə dövriyyəsinə diqqət çəkərək dedi: “Son dörd il ərzində Qırğızıstanın Mərkəzi Asiya ölkələri və Azərbaycanla əmtəə dövriyyəsi, demək olar ki, iki dəfə artaraq, 2025-ci ilin yekunlarına görə 3,5 milyard ABŞ dolları təşkil edib. 2025-ci ildə beş dövlətdən ölkəmizə yatırılan investisiyaların həcmi 140 milyon ABŞ dollarından çox olub”.

Mərkəzi Asiya və Azərbaycanın vahid elektron ticarət platformasının yaradılmasını təklif edən Sadır Japarov bildirdi: “Beləliklə, istehlakçıların və biznes subyektlərinin region ölkələrində buraxılan məhsullara daha geniş çıxışını təmin etmiş olarıq. Hər bir ölkənin özünəməxsus milli məhsullarını nəzərə alaraq, bu platforma regional məhsulların geniş çeşidini vahid məkanda birləşdirə və onların təşviqi üçün yeni imkanlar yarada bilər”.

Qırğızıstan Prezidenti vurğuladı ki, ölkələrimiz bir-birini tamamlayan böyük turizm potensialına malikdir.

“Tarixi şəhərlər, dağ və Xəzəryanı marşrutlar, zəngin mədəni irs Mərkəzi Asiya və Azərbaycanın səyahətlər üçün cəlbedici məkan olması istiqamətində təbliğat səylərimizi birləşdirməyə imkan verir. “Bir səyahət – bir neçə ölkə” prinsipi əsasında əməkdaşlığın inkişaf etdirilməsini, görməli yerlərimizin birgə turizm marşrutları vasitəsilə əlaqələndirilməsini təklif edirik”, – deyə Prezident Sadır Japarov qeyd etdi.

Qırğızıstan Prezidenti 2027-ci ildə Məşvərət Görüşünə ilk dəfə sədrlik etməsi münasibətilə Azərbaycana təbriklərini çatdıraraq dedi: “İcazə verin, hörmətli İlham Heydər oğlunu Azərbaycan Respublikasının 2027-ci ildə Azərbaycan Respublikası və Mərkəzi Asiya Dövlət Başçılarının Məşvərət görüşünə ilk dəfə sədrlik etməsi münasibətilə səmimi-qəlbdən təbrik edim. Əminəm ki, Azərbaycanın sədrliyi birgə fəaliyyətimizə və qarşılıqlı faydalı əməkdaşlığımızın inkişafına yeni təkan verəcəkdir. Qırğız Respublikası zəruri dəstəyi sərgiləməyə və Azərbaycanın sədrliyinin prioritetlərinin uğurla həyata keçirilməsinə kömək göstərməyə hazırdır”.

Tacikistan Respublikasının Prezidenti Emoməli Rəhmon görüşün və birgə görüləcək işlərin əhəmiyyətindən danışaraq dedi: “Mərkəzi Asiya və Azərbaycan daha sıx iqtisadi, nəqliyyat və enerji əməkdaşlığına keçid üçün əhəmiyyətli potensiala malikdir. Bu baxımdan xüsusi diqqət yetirilməsinə layiq bir sıra aktual istiqamətləri qeyd etmək istərdim. İlk növbədə, sənaye kooperasiyasının gücləndirilməsini vurğulamaq istərdim. Ölkələrimizin əhəmiyyətli resurs potensialı vardır. Bu isə birgə müəssisələrin, sənaye komplekslərinin yaradılması və təbii ehtiyatların emalının həyata keçirilməsi üçün geniş imkanlar açır”.

Özbəkistan Respublikasının Prezidenti Şavkat Mirziyoyev gələn il Xivə şəhərində “Mərkəzi Asiya – Azərbaycan” biznes forumunun keçirilməsini təklif edərək dedi: “Bu gün keçirilən görüşümüz xüsusi əhəmiyyət daşıyır. İlk dəfədir ki, görüşümüz qardaş Azərbaycanla birlikdə keçirilir. İlham Heydər oğlunu bu görüşümüzdə salamlayıram.

“Altı iqtisadiyyat – bir məhsul” formulu qarşıya qoymalı olduğumuz məqsədi yaxşı ifadə edir. Bir neçə ölkənin müəssisələri vahid istehsal zəncirində iştirak etdikdə, məhsul birgə yaradıldıqda iqtisadiyyatlarımız arasında tamamilə fərqli əlaqələr formalaşır. Bu əlaqələr adi əmtəə mübadiləsindən daha möhkəm və dayanıqlı olur. Bu istiqamətdə işlərin inkişaf etdirilməsi məqsədilə 2027-ci ildə qədim Xivə şəhərində “Mərkəzi Asiya – Azərbaycan” biznes forumunun keçirilməsini təklif edirik”.

Azərbaycanı sədrlik münasibətilə təbrik edən Şavkat Mirziyoyev bildirdi: “Fürsətdən istifadə edərək, Azərbaycanı Məşvərət görüşləri çərçivəsində sədrliyi qəbul etməsi münasibətilə təbrik edirəm. Əminəm ki, Azərbaycan tərəfinin rəhbərliyi ilə formatımız çərçivəsində görülən işlərə əlavə təkan veriləcək, qardaşlıq əməkdaşlığımız isə birlik, etimad və həmrəyliyin möhkəmləndirilməsinə xidmət edəcəkdir”.

Böyük ölçüdə video

Böyük ölçüdə şəkillər

BÜTÜN YAZILAR

XƏBƏRLƏR

SƏNƏDLƏR

VİDEOLAR

ŞƏKİLLƏR

kaynak:https://president.az/az/articles/view/73715

https://x.com/YAP_1992/status/2108109428377767957

2026,

İlham Əliyev Avstriyanın Azərbaycanda yeni təyin olunmuş səfirini qəbul edib

Azərbaycan Respublikasının Prezidenti İlham Əliyev oktyabrın 5-də Avstriya Respublikasının ölkəmizdə yeni təyin olunmuş fövqəladə və səlahiyyətli səfiri Ettienn Berxtoldu qəbul edib.

Səfir etimadnaməsini dövlətimizin başçısına təqdim etdi və Azərbaycan dilində dedi: “Zati-aliləri cənab Prezident, Avstriyanın Bakıdakı yeni səfiri olaraq öz etimadnaməmi Sizə təqdim etməkdən şərəf duyuram”.

Səfir ölkəmizdəki diplomatik fəaliyyəti dövründə Azərbaycan dilini daha yaxşı öyrənəcəyinə ümidvarlığını bildirdi.

Dövlətimizin başçısı səfirin Azərbaycan dilində danışmasından məmnunluğunu ifadə etdi.

Prezident İlham Əliyev ölkələrimiz arasında siyasi dialoq, iqtisadi, qarşılıqlı sərmayələr, mədəniyyət və digər sahələrdə əməkdaşlığın gələcəkdə daha da genişlənəcəyinə əminliyi ifadə etdi, Azərbaycanda uzun illərdir ki, Avstriya şirkətlərinin fəaliyyət göstərdiyini deyərək, perspektivdə onların sayının artmasının önəminə toxundu.

Dövlətimizin başçısı iki ölkə arasında diplomatik münasibətlər qurulduqdan bəri qarşılıqlı hörmətə əsaslanan əlaqələrimizin inkişaf etdiyini dedi.

Prezident İlham Əliyev səfirə fəaliyyətində uğurlar arzuladı.

Səfir ikitərəfli münasibətlərimizin genişləndirilməsi istiqamətində səylə çalışacağını qeyd etdi.

Söhbət zamanı müxtəlif səviyyələrdə qarşılıqlı səfərlərin, siyasi məsləhətləşmələrin və parlamentlərarası əlaqələrin münasibətlərimizin inkişafındakı roluna toxunuldu, Azərbaycanın və Avstriyanın beynəlxalq təşkilatlar çərçivəsində əməkdaşlığının önəmi vurğulandı.

Görüşdə ölkəmizin Avropanın enerji təhlükəsizliyinin təmin olunmasına verdiyi töhfə qeyd edildi, bu xüsusda cari ilin yanvarından Azərbaycan təbii qazının Avstriyaya tədarükünə başlanması məmnunluqla xatırlandı.

Böyük ölçüdə şəkillər

https://x.com/YAP_1992/status/2107052963826913305

BÜTÜN YAZILAR

XƏBƏRLƏR

SƏNƏDLƏR

VİDEOLAR

ŞƏKİLLƏR

mənbə: https://president.az/az/articles/view/73635

https://x.com/YAP_1992/status/2107052963826913305

2026

GAİM-də “1+4” proqramı üzrə riyaziyyat dərsləri davam edir

Gürcüstanın Marneuli şəhərində fəaliyyət göstərən Gürcüstan Azərbaycanlılarının İnteqrasiya Mərkəzində (GAİM) abituriyentlər üçün “1+4” universitetə hazırlıq proqramı çərçivəsində riyaziyyat dərsləri davam edir.

Təcrübəli müəllim Fərzin Məşədiyev tərəfindən keçirilən dərslər həftənin II, IV və VI günləri saat 15:00-dan 19:00-dək təşkil olunur.

Proqramın əsas məqsədi gənclərin bilik və bacarıqlarının inkişaf etdirilməsi, onların ali təhsilə qəbul prosesinə hərtərəfli hazırlanması və bu istiqamətdə dəstəklənməsidir.

Ünvan: Gürcüstan, Marneuli, Q. Mazniaşvili küçəsi 3 (Azərbaycan Evi)

https://x.com/DiasporaAz/status/2107471747457187933

Foto qalereya

dostların arasında bunu ilk tövsiyyə edən sən ol

Digər xəbərlər

mənbə: https://diaspor.gov.az/az/news-detail/gaim-de-1-4-proqrami-uzre-riyaziyyat-dersleri-davam-edir-7416

https://x.com/DiasporaAz/status/2107471747457187933

2026

Azərbaycan mədəniyyəti Tbilisoba festivalında

Gürcüstanın paytaxtı Tbilisidə ənənəvi “Tbilisoba” – Tbilisi Şəhəri Günü qeyd olunub. 1979-cu ildən keçirilən festival şəhərin zəngin tarixini, mədəni müxtəlifliyini və Gürcüstanın müxtəlif bölgələrinin adət-ənənələrini nümayiş etdirən tədbir kimi tanınır.

Bayram çərçivəsində “Gürcüstanın Aktiv Azərbaycanlı Qadınlar Assosiasiyası” və M.F.Axundzadə adına Azərbaycan Mədəniyyəti Muzeyinin birgə təşkilatçılığı ilə yaradılan Azərbaycan guşəsində milli mətbəx və mədəniyyət nümunələri nümayiş etdirilib. Tbilisi Meriyasının və bələdiyyəsinin nümayəndələri də Azərbaycan guşəsinə baş çəkərək milli təamlarımızdan dadıblar.

“Ceyran” Azərbaycan rəqs ansamblının ifasında təqdim olunan “Uzundərə” və “Sarı gəlin” rəqslərini iştirakçılar sürəkli alqışlarla qarşılayıb.

Azərbaycan mədəniyyətinin Tbilisoba festivalında təqdim edilməsi Gürcüstanda yaşayan soydaşlarımızın milli irsimizin yaşadılması və iki xalq arasında dostluq əlaqələrinin möhkəmləndirilməsinə verdiyi töhfənin daha bir nümunəsinə çevrilib.

Foto qalereya

https://x.com/DiasporaAz/status/2107465482739884144

dostların arasında bunu ilk tövsiyyə edən sən ol

Digər xəbərlər

mənbə: https://diaspor.gov.az/az/news-detail/azerbaycan-medeniyyeti-tbilisoba-festivalinda-7413

https://x.com/DiasporaAz/status/2107465482739884144

2026

Bəstəkar Xədicə Zeynalova beynəlxalq konfransda iştirak edib

Almaniyada yaşayan azərbaycanlı bəstəkar, musiqişünas, sənətşünaslıq üzrə fəlsəfə doktoru Xədicə Zeynalova Leypsiq şəhərində keçirilən “chor.com 2026” adlı beynəlxalq musiqi konfransında iştirak edib.

Konfrans çərçivəsində iştirakçıların peşəkar bilik və təcrübələrini zənginləşdirən müxtəlif seminarlar, təlimlər və ustad dərsləri təşkil olunur, sərgi və konsert proqramları keçirilir.

Soydaşımız konfransda təşkil olunan “Interkulturelle Brückenbauerinnen – Mədəniyyətlərarası körpülər quran qadınlar” adlı xüsusi təlimdə çıxış edib. O, öz yaradıcılıq və peşəkar təcrübəsini iştirakçılarla bölüşüb, Azərbaycanın zəngin musiqi mədəniyyətindən, bəstəkarlıq fəaliyyətindən və uzun illərdir həyata keçirdiyi mədəniyyətlərarası layihələrdən bəhs edib. Avropanın ən böyük musiqi konfranslarından birində azərbaycanlı bəstəkar və musiqişünas kimi çıxış etməkdən qürur duyduğunu söyləyib.

Qeyd edək ki, Xədicə Zeynalova Bakı Musiqi Akademiyasının, eləcə də Detmold Musiqi Akademiyası və Paderborn Universitetinin məzunudur. Almaniyada beynəlmiləl tərkibli “Bridge of Sound” orkestrinin və “Harmony of Sound” beynəlxalq musiqi festivalının təsisçisi və bədii rəhbəri kimi Azərbaycanın zəngin musiqi irsini xaricdə uğurla təbliğ edir. 2024-cü ildə Almaniyada “İlin ən yaxşı bəstəkarı” adına və “Artist in Residence” nominasiyasına layiq görülən ilk azərbaycanlı bəstəkardır. O, xalqlar arasında dostluğun möhkəmləndirilməsi və Azərbaycan diasporunun inkişafı sahəsində xidmətlərinə görə Prezident İlham Əliyevin 07 yanvar 2026-cı il tarixli Sərəncamı ilə “Tərəqqi” medalı ilə təltif olunub. 45-dən çox elmi kitab, məqalə və dərsliyin müəllifidir. Əsərləri Almaniya, Hollandiya, İngiltərə, Azərbaycan, Yaponiya, Türkiyə və digər ölkələrdə nəşr olunub.

https://x.com/DiasporaAz/status/2107470459239600431

Foto qalereya

dostların arasında bunu ilk tövsiyyə edən sən ol

Digər xəbərlər

mənbə: https://diaspor.gov.az/az/news-detail/bestekar-xedice-zeynalova-beynelxalq-konfransda-istirak-edib-7415

https://x.com/DiasporaAz/status/2107470459239600431