Torontoda #türk və #yəhudi icmaları ilə görüşlər keçirilib
📌 https://t.co/OLrpfulzsE pic.twitter.com/RxpY4pFgQn

— Azerbaijani Diaspora (@DiasporaAz) March 13, 2023

 

 

 

Torontoda türk və yəhudi icmaları ilə görüşlər keçirilib
, 2023
Torontoda türk və yəhudi icmaları ilə görüşlər keçirilib

Kanadaya səfəri çərçivəsində Diasporla İş üzrə Dövlət Komitəsinin (DİDK) şöbə müdiri Səlhət Abbasovanın Toronto şəhərində yaşayan türk xalqlarının, yəhudi icmasının nümayəndələri və Cənubi Azərbaycandan olan soydaşlarımız ilə görüşləri keçirilib.

“Vətən” Azərbaycan İncəsənət və Mədəniyyət Mərkəzinin təşkilatçılığı ilə baş tutan görüşdə Qaraçay türkləri, tatar, qazax, türkmən, özbək, İraq türkmənləri və digər icmaların nümayəndələri iştirak ediblər.

Tədbir iştirakçılarını salamlayan DİDK-nın şöbə müdiri bildirib ki, belə görüşlərin davamlı təşkil edilməsi türk xalqlarının Kanadada daha böyük və güclü bir icma olaraq təmsil olunmasına mühüm töhfələr verəcək.

DİDK şöbə müdirinin Qızılbaş Qlobal İrs Şurasının regional rəhbəri Arşı Qızılbaşla da görüşü keçirilib. Qeyd edək ki, Arşı Qızılbaş Dünya Azərbaycanlılarının Şuşada keçirilmiş V Qurultayının iştirakçısı olub.

Azərbaycandan Kanadaya köçmüş yəhudi icmasının üzvləri ilə görüşdə vətənimizə olan dərin sevgidən və sıx bağlılıqdan danışılıb. Yəhudi əsilli azərbaycanlılar ölkəmizdə böyüyüb boya-başa çatdıqlarını vurğulayaraq, Kanadada Azərbaycan mədəniyyətini təmsil və təbliğ etdiklərini, gələcəkdə Azərbaycan icması ilə birgə müxtəlif tədbirlərin təşkilində yaxından iştirak etmək istədiklərini nəzərə çatdırıblar.

Görüş zamanı Azərbaycan poeziyasından müxtəlif şeir nümunələri səsləndirilib. Sonra Toronto şəhərində fəaliyyət göstərən sinaqoq ziyarət edilib və yəhudi icması daimi sülh və inkişaf naminə Azərbaycana böyük nailiyyətlər arzulayıb.

Səfər çərçivəsində cənubi azərbaycanlı soydaşlarımız, o cümlədən “HB” (Heydərbaba) Media Qrupunun rəhbəri, “Azərbaycan StarTV”-nin təşkilatçısı və baş redaktoru olan Yaşar Poorali ilə də görüş keçirilib. “Təbriz” musiqi və rəqs ansamblının üzvləri ilə görüş Ontario əyalətinin Vaughan şəhərində yerləşən “Kavkaz Cuisine and Restaurant” adlı Azərbaycan restoranında baş tutub. Hər iki görüş zamanı diaspor fəaliyyəti, Azərbaycan mədəniyyətinin Kanada ictimaiyyətinə çatdırılmasına dair layihələrin Komitə tərəfindən dəstəklənməsi və gələcək layihələrlə bağlı birgə əməkdaşlıq məsələləri müzakirə edilib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/torontoda-turk-ve-yehudi-icmalari-ile-gorusler-kecirilib-2585

 

 

Torontoda #türk və #yəhudi icmaları ilə görüşlər keçirilib
📌 https://t.co/OLrpfulzsE pic.twitter.com/RxpY4pFgQn

— Azerbaijani Diaspora (@DiasporaAz) March 13, 2023

Azərbaycan icması Toronto şəhərində piket keçirib

Azərbaycan icması Toronto şəhərində piket keçirib

Kanadanın Toronto şəhərində yaşayan Azərbaycan icması Ermənistanın törətdiyi son təxribatlara və apardığı təcavüzkar siyasətə etiraz məqsədilə piket keçirib.

Aksiya “Vətən” Mədəniyyət və İncəsənət Mərkəzinin təşkilatçılığı ilə şəhərin izdihamlı Mel Lastman meydanında baş tutub.

Azərbaycan, Türkiyə və İsrail bayraqlarının dalğalandırıldığı piketdə dost xalqların nümayəndələri, o cümlədən yəhudi və türk icmalarının üzvləri də iştirak ediblər.

Aksiya iştirakçıları “Qarabağ Azərbaycandır!”, “Azərbaycan sülh istəyir!”, “Ermənistan faktları təhrif edir, dünya ictimaiyyətini aldadır!”, “Ermənistan, qeyri-qanuni silahlı birləşmələrini Qarabağdan çıxar!”, “Ermənistan, sülh müqaviləsini imzala!”, “Ermənistan, işğal siyasətini dayandır!”, “Ermənistan, bölgədə təxribatçı olma, hərbi təxribatlarını dayandır!”, “Ermənilərin basdırdıqları minalar mülki əhalini öldürür!”, “Ermənistan, bizim torpaqlarımızın minalanmasını dayandır!”, “Ermənistan, itkin düşmüş adamlarımızın taleyi barədə məlumatları Azərbaycana təqdim et!”, “Ermənistan Azərbaycanın İrəvandakı mədəni irsini məhv edib!” kimi şüarların əks olunduğu plakatları nümayiş etdiriblər.

Aksiyada çıxış edən soydaşlarımız şəhər sakinlərinə “Azərbaycan dayanıqlı sülh istəyir” tələbinin əks olunduğu bukletlər paylayıblar. Bukletlərdə Azərbaycanın tarixi torpaqlarında Ermənistanın apardığı işğalçılıq siyasəti haqqında məlumat verilib.

Aksiya zamanı Toronto şəhərinin mərkəzi küçələrində Azərbaycan həqiqətlərinin əks olunduğu LED ekranlı avtomobil hərəkət edib. Ekranda “Azərbaycan sülh istəyir, Ermənistan müharibə istəyir!”, “Ermənistan faktları təhrif edir, dünya ictimaiyyətini aldadır!”, “Ermənistan minaları = müharibə cinayətləri!”, “Azərbaycan torpaqlarında erməni əsgərlərinə YOX!”, “Ermənistan Azərbaycanın İrəvandakı mədəni irsini məhv edib!”, “Ermənistanın minaları mülki vətəndaşları öldürür”, “Ermənistan, sülh müqaviləsini imzala!” şüarları və bu mövzuları əhatə edən təsvirlər nümayiş etdirilib.

Qeyd edək ki, Ermənistanın sentyabrın 12-13-də Azərbaycanla dövlət sərhədində törətdiyi təxribatlara etiraz əlaməti olaraq dünyanın 30-a yaxın ölkəsində fəaliyyət göstərən Azərbaycan diaspor təşkilatları tərəfindən müxtəlif aksiyalar keçirilib, nüfuzlu beynəlxalq təşkilatlara və dünya liderlərinə müraciət və bəyanatlar göndərilib.

FOTO QALEREYA

 

 

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/azerbaycan-icmasi-toronto-seherinde-piket-kecirib-1597