Azərbaycan Cəmiyyəti – Samsun Ekspress https://samsunekspress.com Mon, 18 Mar 2024 09:02:38 +0000 tr hourly 1 https://samsunekspress.com/wp-content/uploads/2025/03/cropped-Samsun-32x32.webp Azərbaycan Cəmiyyəti – Samsun Ekspress https://samsunekspress.com 32 32 ABŞ-dakı Meyn Azərbaycan Cəmiyyəti seçki kampaniyasına qoşulub https://samsunekspress.com/abs-daki-meyn-az%c9%99rbaycan-c%c9%99miyy%c9%99ti-secki-kampaniyasina-qosulub-h55390.html Mon, 18 Mar 2024 09:02:38 +0000 https://1453kralmedya.com/abs-daki-meyn-az%c9%99rbaycan-c%c9%99miyy%c9%99ti-secki-kampaniyasina-qosulub-h55390.html

ABŞ-dakı Meyn Azərbaycan Cəmiyyəti seçki kampaniyasına qoşulub

18 mart, 2024

ABŞ-dakı Meyn Azərbaycan Cəmiyyəti seçki kampaniyasına qoşulub

 

 

 

 

ABŞ-ın Meyn ştatında fəaliyyət göstərən Meyn Azərbaycan Cəmiyyətinin rəhbəri Tərlan Əhmədov Meyn ştatı Nümayəndələr Palatasına namizədliyini irəli sürən əslən Somalili Yusuf Yusufun seçki kampaniyasına qoşulub.

Kampaniya çərçivəsində keçirilən tədbirdə Meyn ştatının senatoru Jill Duson, Deqa Dhalak, Mana Abdi, Meyn Nümayəndələr Palatasının üzvləri və müxtəlif ölkələrin icma təmsilçiləri iştirak edib. Tədbirdə çıxış edən Tərlan Əhmədov hər kəsi namizəd Yusuf Yusufu dəstəkləməyə çağırıb. O, çıxışında rəhbəri olduğu cəmiyyətlə bağlı məlumat verərək müxtəlif ölkələrdən gələn icmaların bir birinə dəstək göstərməsinin önəmini vurğulayıb.

Qeyd edək ki, uzun müddətdir ABŞ-da yaşayan Tərlan Əhmədov həmin ölkənin ictimai-siyasi və mədəni həyatında aktiv iştirak edir, lobbiçilik fəaliyyəti göstərir.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/abs-daki-meyn-azerbaycan-cemiyyeti-secki-kampaniyasina-qosulub-4397

 

 

]]> Qlazqoda “Azərbaycan Cəmiyyəti” təsis edilib https://samsunekspress.com/qlazqoda-az%c9%99rbaycan-c%c9%99miyy%c9%99ti-t%c9%99sis-edilib-h41193.html Wed, 22 Feb 2023 08:21:51 +0000 https://1453kralmedya.com/qlazqoda-az%c9%99rbaycan-c%c9%99miyy%c9%99ti-t%c9%99sis-edilib-h41193.html

 

 

 

Qlazqoda “Azərbaycan Cəmiyyəti” təsis edilib
22 fevral, 2023
Qlazqoda “Azərbaycan Cəmiyyəti” təsis edilib
Şotlandiyanın Qlazqo və Stratklayd (Strathclyde) universitetlərində təhsil alan azərbaycanlı tələbələrin təşəbbüsü ilə “Azərbaycan Cəmiyyəti” yaradılıb.

Təsis konfransını giriş sözü ilə açan cəmiyyətin sədri Ləman Əliyeva bildirib ki, Qlazqo şəhərində azərbaycanlı tələbələrin sayının çox olması belə təşkilatın yaradılmasını zəruri edib. Başlıca məqsəd azərbaycanlı tələbələri bir araya gətirmək, vətənimizi yerli ictimaiyyətə tanıtmaq, bu istiqamətdə layihələrin və tədbirlərin həyata keçirilməsindən ibarətdir.

Sonra Azərbaycan haqqında geniş təqdimat nümayiş etdirilib. Ölkəmizin qədim tarixi, zəngin mədəniyyəti, adət-ənənələri, milli mətbəxi və füsunkar təbiəti barədə ətraflı məlumat verilib.

Tədbirin bədii hissəsində Azərbaycan rəqsləri, xüsusilə də birlik və həmrəylik rəmzi olan “Yallı” rəqsi təqdim olunub, milli musiqilərimiz səsləndirilib.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/qlazqoda-azerbaycan-cemiyyeti-tesis-edilib-2425

 

 

]]> “Good Shepherd” Qida Bankının saytında Meyn Azərbaycan Cəmiyyətinin fəaliyyətində söz açılıb https://samsunekspress.com/good-shepherd-qida-bankinin-saytinda-meyn-az%c9%99rbaycan-c%c9%99miyy%c9%99tinin-f%c9%99aliyy%c9%99tind%c9%99-soz-acilib-h39796.html Wed, 18 Jan 2023 08:07:06 +0000 https://1453kralmedya.com/good-shepherd-qida-bankinin-saytinda-meyn-az%c9%99rbaycan-c%c9%99miyy%c9%99tinin-f%c9%99aliyy%c9%99tind%c9%99-soz-acilib-h39796.html

 

 

 

“Good Shepherd” Qida Bankının saytında Meyn Azərbaycan Cəmiyyətinin fəaliyyətində söz açılıb

2023

“Good Shepherd” Qida Bankının saytında Meyn Azərbaycan Cəmiyyətinin fəaliyyətində söz açılıb
“Good Shepherd” Meyn Ştatının Qida Bankının https://www.gsfb.org portalında Meyn Azərbaycan Cəmiyyətinin fəaliyyətindən bəhs edilib.

Məqalədə bildirilib ki, Azərbaycan Avropa və Asiya ilə həmsərhəd bölgədə yerləşir, xalqımızın mədəniyyətində həm Şərq, həm də Qərb təsirləri hiss edilir, ölkəmizdə etnik mənsubiyyət, din və dil baxımından müxtəlif millətlər birgə yaşayır.

Məqalədə Meyn Azərbaycan Cəmiyyətinin rəhbəri Tərlan Əhmədovun fikirlərinə yer verilib. O bildirib ki, Azərbaycan icmasının bir araya gətirilməsi, Meyndə məskunlaşan soydaşlarımızın yerli cəmiyyətə inteqrasiyası, Azərbaycan mədəniyyətinin və mədəni müxtəlifliyin təbliği istiqamətində 15 ildir çalışan cəmiyyətin fəaliyyəti dəyişən ehtiyaclar səbəbindən müxtəlif spektrləri əhatə edir. COVID-19 koronavirus pandemiyası dövrünün çağırışlarına cavab verən cəmiyyət yerli sakinlərə, xüsusilə də təcrid vəziyyətində olan yaşlı insanlara müxtəlif maarifləndirici vasitələrlə və ərzaqla yardım edib, hazırda isə ukraynalı qaçqınlara köməyini əsirgəmir.

Tədbirlərin keçirilməsi ənənəsi qayıtdıqdan sonra cəmiyyətin icma quruculuğunu, mədəni tədbirləri davam etdirməklə insanların mənəvi rahatlıq tapmasına çalışdığı vurğulanıb. Bu baxımdan cəmiyyət insanları birgə toplantılarla bir araya gətirməyə çalışır. Çünki birgə məclislər insanlara öz mətbəxləri və mədəniyyətləri ilə fəxr etmək imkanı yaradır. Bu yaxınlarda Azərbaycan-Amerika cazmeni, bəstəkar Emil Əfrasiyabın iştirakı ilə “Pitsa və caz” tədbirinin keçirilməsi belə addımlardan biridir. Bu cür tədbirlər mədəniyyətlərarası mübadiləyə, Azərbaycan və Amerika mədəniyyətlərinin böyük zövqlə paylaşılmasına gətirib çıxarır.

Qeyd edək ki, “Good Shepherd” Ərzaq Bankı Meyn ştatında yoxsulluqla və aclıqla mübarizə aparan ən böyük yardım təşkilatıdır.

Culturally Relevant Food Series – Azerbaijan Society of Maine

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/good-shepherd-qida-bankinin-saytinda-meyn-azerbaycan-cemiyyetinin-fealiyyetinde-soz-acilib-2187

 

 

]]>