шаҳри Истиқлол – Samsun Ekspress https://samsunekspress.com Sat, 01 Apr 2023 14:07:44 +0000 tr hourly 1 https://samsunekspress.com/wp-content/uploads/2025/03/cropped-Samsun-32x32.webp шаҳри Истиқлол – Samsun Ekspress https://samsunekspress.com 32 32 Ифтитоҳи коргоҳи дузандагию қолинбофӣ дар шаҳри Истиқлол https://samsunekspress.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%ba%d0%be%d1%80%d0%b3%d0%be%d2%b3%d0%b8-%d0%b4%d1%83%d0%b7%d0%b0%d0%bd%d0%b4%d0%b0%d0%b3%d0%b8%d1%8e-%d2%9b%d0%be%d0%bb%d0%b8%d0%bd%d0%b1%d0%be-h42697.html Sat, 01 Apr 2023 14:07:44 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%ba%d0%be%d1%80%d0%b3%d0%be%d2%b3%d0%b8-%d0%b4%d1%83%d0%b7%d0%b0%d0%bd%d0%b4%d0%b0%d0%b3%d0%b8%d1%8e-%d2%9b%d0%be%d0%bb%d0%b8%d0%bd%d0%b1%d0%be-h42697.html

 

 

 

 

Ифтитоҳи коргоҳи дузандагию қолинбофӣ дар шаҳри Истиқлол

.2023 , шаҳри Истиқлол

30 март Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Истиқлоли вилояти Суғд коргоҳи дӯзандагию қолинбофиро ба истифода доданд.

Иншооти мазкур аз ҷонби Корхонаи Воҳиди Давлатии “Нури Ховар” бунёд гардида, самти асосии фаъолияти он дӯзандагию қолинбофӣ мебошад ва бо дастгоҳу таҷҳизоти муосир муҷаҳҳаз гардидааст.

Дар коргоҳи дӯзандагӣ наздики 15 нафар занону духтарони хонанишин ба кор ҷалб гардида, ба духти сару либоси ягонаи мактабӣ, корӣ, рахти хоб ва либосҳои гуногуни миллӣ машғуланд.

Коргоҳи дузандагӣ дорои 12 мошинаи дарздузӣ, бурандагӣ, дарзмолкунӣ ва дигар таҷҳизоти зарурӣ аст.

Дар коргоҳи қолинбофӣ низ дастгоҳҳои муосир, таҷҳизот барои печонидани ресмон васлу насб карда шудааст, ки бо истифода аз он қолинҳои хушсифат бофта мешаванд.

Дар коргоҳ қариб 600 ҷуфт либосҳои гуногун ва қолинҳои дастии хушсифат истеҳсол намудан мумкин аст.

Ба Сарвари давлат иттилоъ доданд, ки айни замон дар коргоҳи қолинбофӣ 5 намуди қолин истеҳсол гардида, ашёи хом, аз ҷумла ришта аз хориҷи кишвар ворид мегардад.

 

 

 

 

Сифати қолинҳои коргоҳ ба талаботи рӯз ҷавобгу буда, мувофиқ ба талаботи бозор истеҳсол карда мешавад.

Президенти Ҷумҳурии Тоҷикистон муҳтарам Эмомалӣ Раҳмон бо коргарони коргоҳи мазкур суҳбати озоду самимӣ анҷом дода, онҳоро ба истеҳсоли маҳсулоти хушсифат ҳидоят намуданд.

Занону бонувони хонашини шаҳри Истиқлол дар навбати худ ба Пешвои миллат ҷиҳати фароҳам намудани шароити мусоиди кору зиндагӣ изҳори сипосу миннатдорӣ намуда, ваъда доданд, ки фаъолиятро дар ин коргоҳи тозабунёд боз ҳам беҳтару хубтар ба роҳ мемонанд.

Бунёди коргоҳи мазкур, ки дар доираи корҳои созандагӣ бахшида ба 35-солагии Истиқлолияти давлатии Ҷумҳурии Тоҷикистон ба амал омадааст, дар таъмини бозори дохилӣ бо маҳсулоти ватанӣ ва беҳдошти сатҳи зиндагии сокинони шаҳри Истиқлол нақши созанда дорад.

facebooktwitter

kaynak:http://www.president.tj/node/30341?utm_source=dlvr.it&utm_medium=twitter

 

 

]]> Ба истифода додани хати оби нӯшокӣ барои таъмини 18 ҳазор аҳолии шаҳри Истиқлол https://samsunekspress.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d1%85%d0%b0%d1%82%d0%b8-%d0%be%d0%b1%d0%b8-%d0%bd%d3%af%d1%88%d0%be%d0%ba%d3%a3-%d0%b1%d0%b0%d1%80-h42688.html Sat, 01 Apr 2023 12:38:53 +0000 https://1453kralmedya.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d1%85%d0%b0%d1%82%d0%b8-%d0%be%d0%b1%d0%b8-%d0%bd%d3%af%d1%88%d0%be%d0%ba%d3%a3-%d0%b1%d0%b0%d1%80-h42688.html

 

 

 

Ба истифода додани хати оби нӯшокӣ барои таъмини 18 ҳазор аҳолии шаҳри Истиқлол

.2023 , шаҳри Истиқлол

30 март Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Истиқлол хати оби нӯшокиро барои 18 ҳазор аҳолии шаҳр ба истифода супориданд.

Оби нӯшокӣ худҷорӣ буда, тавассути қубури қутраш 325 миллиметра аз масофаи 7,2 километр ҷорӣ мегардад. Иншооти мазкур дар раванди созандагию бунёдкорӣ ба истиқболи 35-солагии Истиқлоли давлатии Ҷумҳурии Тоҷикистон дар шаҳри Истиқлол бунёд гардидааст.

Иттилоъ дода шуд, ки лоиҳаи хати оби нӯшокӣ дар ҳамкорӣ бо шарикони рушд аз тарафи Корхонаи воҳиди давлатии “Хоҷагии манзилию коммуналӣ”-и Ҷумҳурии Тоҷикистон татбиқ мешавад. Оби нӯшокӣ бо қубури асосӣ дар ҳаҷми 110 метри мукааб об дар як соат ба обанбори “Офтобак”-и шаҳр, интиқол дода мешавад.

 

 

 

 

 

Дар обанбори мазкур ду ҳавз бо иқтидори ғунҷоиши 2000 метри мукааб об ҷойгир аст. Корҳои сохтмонӣ дар иншооти мазкур моҳи марти соли 2021 оғоз гардида, барои саривақт ва дар муҳлати муайяншуда анҷом ёфтани он беш аз 50 нафар мутахассиси маҳаллӣ ҷалб карда шуд.

Бояд тазаккур дод, ки қаблан сокинони шаҳри Истиқлол, ки беш аз 18 ҳазорро ташкил медиҳад, аз норасоии оби нӯшокӣ танқисӣ мекашид ва акнун, дар партави сиёсати инсонпарваронаи Пешвои миллат муҳтарам Эмомалӣ Раҳмон ва амалӣ намудани лоиҳаи мазкур сокинон бо оби нӯшокӣ пурра таъмин шуданд.

Дар доираи амалишавии лоиҳаи таъминоти аҳолӣ бо оби нӯшокӣ шафати кӯчаҳо, дохили биноҳои истиқоматӣ, иншооти соҳаи маорифу тандурустӣ ва варзишу хизматрасонии ҳудуди шаҳри Истиқлол дар умум ба масофаи 11,2 километр хати оби нӯшокӣ кашида шудаааст.

Маврид ба ёдоварист, ки иқдоми беназири Президенти мамлакат муҳтарам Эмомалӣ Раҳмон дар доираи татбиқи барномаҳои Даҳсолаи байналмилалии амал “Об барои рушди устувор”, солҳои 2018-2028, дар самти беҳтар намудани сатҳу сифати зиндагии беш аз 18 ҳазор аҳолии шаҳри Истиқлол амалӣ карда шуд.

Обанбори асосии хати оби нӯшокӣ дар масоҳати қариб як гектар ҷойгир ва дорои биноҳои безараргардонӣ ва такшинкунонии оби нӯшокӣ буда, бо дастгоҳу таҷҳизоти муосири соҳавӣ ва маводи зарурӣ таъмин мебошад.

Иқтидори ғунҷоиши об дар ду ҳавзи обанбор 1000 метри мукааб буда, таъминоти об тавассути ду насоси боиқтидор ба обанбори “Офтобак” интиқол меёбад.

Пешвои миллат муҳтарам Эмомалӣ Раҳмон масъулони соҳаро вазифадор карданд, ки пайваста дар беҳтар гардонидани сатҳи обрасонӣ ба аҳолӣ тадбирҳои бетаъхир андешанд ва дар ин радиф корҳои фаҳмондадиҳӣ вобаста ба истифодаи босамари об дар байни сокинон низ гузаронида шавад.

facebook

kaynak:http://www.president.tj/node/30343?utm_source=dlvr.it&utm_medium=twitter

 

 

]]> Ба истифода додани бинои осорхонаи таърихии шаҳри Истиқлол https://samsunekspress.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%b1%d0%b8%d0%bd%d0%be%d0%b8-%d0%be%d1%81%d0%be%d1%80%d1%85%d0%be%d0%bd%d0%b0%d0%b8-%d1%82%d0%b0-h42686.html Sat, 01 Apr 2023 11:36:38 +0000 https://1453kralmedya.com/%d0%b1%d0%b0-%d0%b8%d1%81%d1%82%d0%b8%d1%84%d0%be%d0%b4%d0%b0-%d0%b4%d0%be%d0%b4%d0%b0%d0%bd%d0%b8-%d0%b1%d0%b8%d0%bd%d0%be%d0%b8-%d0%be%d1%81%d0%be%d1%80%d1%85%d0%be%d0%bd%d0%b0%d0%b8-%d1%82%d0%b0-h42686.html

 

 

 

Ба истифода додани бинои осорхонаи таърихии шаҳри Истиқлол

.2023 , шаҳри Истиқлол

30 март Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Осорхонаи таърихии шаҳри Истиқлолро мавриди истифода қарор доданд.

Бинои осорхона дар доираи амалӣ намудани тадбирҳои созандагию ободонӣ бахшида ба 35-солагии Истиқлоли давлатии Ҷумҳурии Тоҷикистон бо мусоидати Мақомоти иҷроияи ҳокимияти давлатии вилояти Суғд аз тарафи соҳибкорони ватандӯст бо тарҳи меъмории миллӣ навсозӣ карда шудааст.

 

 

 

 

 

Бинои осорхона 1-ошёна буда, дар он 3 толори нигоҳдории нигораҳои таърихӣ ва ҳунарҳои мардумӣ мавҷуд аст, ки давраҳои гуногуни таърихии шаҳри Истиқлолро бозгӯ мекунанд.

Ба ақидаи таърихшиносон қадимтарин ёдгорие, ки дар ин осорхона нигоҳ дошта мешавад, таърихи беш аз 500-сола дорад.

Дар иншоот толори калон дар масоҳати 256 метри мураббаъ, хазина ва даҳлез ҷойгир аст.

Дар толори намоишии осорхона ҷои нигоҳдории нигораҳо, ҳуҷраҳои корӣ, ташхисгоҳ ва дигар иншооти хизматрасонӣ мавҷуд аст.

Нигораҳо ва тасвирҳо дар осорхонаи мазкур аз гузаштаи таърихи куҳани шаҳри Истиқлол шаҳодат дода, дар муаррифии ёдгориҳои он нақши муҳим дорад.

Мавриди зикр аст, ки дар шаҳри Истиқлол ёдгориҳои таърихии дар натиҷаи кофтуковҳои археологии олимон пайдо гардида, дар осорхона ҳифзу нигоҳдорӣ карда мешавад.

Инчунин ҷиҳати зебо нигоҳ доштани иншооти мазкур дар атрофи он корҳои кабудизоркунӣ анҷом ёфта, дарахтони ороишию сояафкан шинонида шудааст.

Лозим ба ёдоварист, ки дар доираи сиёсати фарҳангпарварона ва таърихдӯстонаи Пешвои муаззами миллат муҳтарам Эмомалӣ Раҳмон солҳои соҳибистиқлолӣ дар шаҳру ноҳияҳои мамлакат, аз ҷумла вилояти Суғд иншооти зиёди фарҳангӣ бо тарҳи муосир бунёд гардида, ёдгориҳои таърихӣ низ навсозӣ шудааст, ки ҳамасола сайёҳони дохилию хориҷӣ аз онҳо боздид менамоянд.

facebooktwitter

kaynak:http://www.president.tj/node/30344?utm_source=dlvr.it&utm_medium=twitter

 

 

]]> Ифтитоҳи хонаҳои истиқоматии хизматии кормандони шуъбаи ВКД дар шаҳри Истиқлол https://samsunekspress.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d1%85%d0%be%d0%bd%d0%b0%d2%b3%d0%be%d0%b8-%d0%b8%d1%81%d1%82%d0%b8%d2%9b%d0%be%d0%bc%d0%b0%d1%82%d0%b8%d0%b8-%d1%85%d0%b8%d0%b7%d0%bc%d0%b0%d1%82-h42681.html Sat, 01 Apr 2023 09:09:27 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d1%85%d0%be%d0%bd%d0%b0%d2%b3%d0%be%d0%b8-%d0%b8%d1%81%d1%82%d0%b8%d2%9b%d0%be%d0%bc%d0%b0%d1%82%d0%b8%d0%b8-%d1%85%d0%b8%d0%b7%d0%bc%d0%b0%d1%82-h42681.html

 

 

 

 

Ифтитоҳи хонаҳои истиқоматии хизматии кормандони шуъбаи ВКД дар шаҳри Истиқлол

.2023 , шаҳри Истиқлол

Дар идомаи сафари корӣ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои истиқоматии хизматии кормандони шуъбаи Вазорати корҳои дохилии Ҷумҳурии Тоҷикистон дар шаҳри Истиқлолро пас аз таъмиру тармим ва анҷоми корҳои навсозӣ мавриди баҳрабардорӣ қарор доданд.

Бинои истиқоматӣ аз 5 ошёна иборат буда, дар он барои зисту зиндагии кормандони мақомоти милитсия тамоми шароити зарурӣ фароҳам оварда шудааст. Аз ҷумла, тамоми хонаҳо бо лавозимоти рӯзгор, аз қабили яхдон, мошинаи ҷомашӯӣ, телевизор, қолину дигар ашёҳо муҷаҳҳаз буда, хонаҳо пурра аз таъмир бароварда шудааст.

Сарвари давлат муҳтарам Эмомалӣ Раҳмон нахуст ба як ҷуфт навхонадорон, ки дар мақомоти корҳои дохилӣ фаъолият намудаву ятими кулланд, калиди хонаи истиқоматиро ҳадя намуданд. Барои чунин таваҷҷӯҳ ва ғамхорӣ оилаи ҷавон ба Пешвои муаззами миллат изҳори миннадорӣ карданд.

Президенти мамлакат ҳамчунин бо шароитҳои бинои истиқоматӣ шинос шуданд. Иттилоъ дода шуд, ки бинои мазкур дорои 55 хона буда, аз ин 40 хонаи истиқоматӣ 2-ҳуҷрагӣ ва 10 хонаи дигар 1-ҳуҷрагӣ мебошад. Ин ҳадяи Сарвари давлат муҳтарам Эмомалӣ Раҳмон кормандони ниҳоди мазкурро, ки дар шаҳри Истиқлол кору фаъолият мекунанд, хушҳол намуд.

 

 

 

 

 

Қобил ба тазаккур аст, ки шарту шароити зисту зиндагонӣ ва имкониятҳои хизматии кормандони мақомоти ҳифзи ҳуқуқ ба таври ҳамешагӣ зери таваҷҷуҳи Сарфармондеҳи Олии Қувваҳои мусаллаҳи мамлакат қарор дошта, тадриҷан барои фаъолияти босамари онҳо шароиту имкониятҳои муосир фароҳам оварда мешавад. Хусусан таъмини оилаҳои низомиён бо хонаҳои истиқоматӣ дар ҷумҳурӣ бомаром идома дошта, ба ин васила шароити зисту зиндагонии онҳо ба тарзи чашмрас боло бардошта шудааст.

Дар ин рӯз аз ҷониби Президенти Ҷумҳурии Тоҷикистон муҳтарам Эмомалӣ Раҳмон ҳамчунин ба кормандони шуъбаи Вазорати корҳои дохилӣ дар шаҳри Истиқлол як адад микроавтобуси хизматӣ туҳфа карда шуд.

Зимни суҳбатҳои самимӣ кормандони милитсия ва оилаҳои онҳо ба Президенти мамлакат муҳтарам Эмомалӣ Раҳмон барои чунин таваҷҷуҳ ва ғамхориҳои ҳамешагӣ изҳори сипосу миннатдорӣ баён карда, иброз доштанд, ки ин гуна дастгириҳои пайваста масъулияти онҳоро барои иҷрои вазифаи хизматиашон боз ҳам дучанд менамояд.

facebooktwitter

kaynak:http://www.president.tj/node/30345?utm_source=dlvr.it&utm_medium=twitter

 

 

]]> Шиносоӣ бо амалишавии Лоиҳаи Барномаи безараргардонии партовҳои радиоактивӣ дар шаҳри Истиқлол https://samsunekspress.com/%d1%88%d0%b8%d0%bd%d0%be%d1%81%d0%be%d3%a3-%d0%b1%d0%be-%d0%b0%d0%bc%d0%b0%d0%bb%d0%b8%d1%88%d0%b0%d0%b2%d0%b8%d0%b8-%d0%bb%d0%be%d0%b8%d2%b3%d0%b0%d0%b8-%d0%b1%d0%b0%d1%80%d0%bd%d0%be%d0%bc%d0%b0-h42679.html Sat, 01 Apr 2023 08:26:59 +0000 https://1453kralmedya.com/%d1%88%d0%b8%d0%bd%d0%be%d1%81%d0%be%d3%a3-%d0%b1%d0%be-%d0%b0%d0%bc%d0%b0%d0%bb%d0%b8%d1%88%d0%b0%d0%b2%d0%b8%d0%b8-%d0%bb%d0%be%d0%b8%d2%b3%d0%b0%d0%b8-%d0%b1%d0%b0%d1%80%d0%bd%d0%be%d0%bc%d0%b0-h42679.html

 

 

 

Шиносоӣ бо амалишавии Лоиҳаи Барномаи безараргардонии партовҳои радиоактивӣ дар шаҳри Истиқлол

.2023 , шаҳри Истиқлол

30 март Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Истиқлол бо амалишавии Лоиҳаи Барномаи безараргардонии партовҳои радиоактивӣ шинос шуданд.

Лоиҳаи мазкур дар Партовгоҳҳои маъданҳои радиоактивӣ, ки дар солҳои 50-уми асри гузашта ба вуҷуд омадааст, амалӣ карда мешавад.

Ин лоиҳа дар заминаи ҳамкориҳои дуҷонибаи Ҷумҳурии Тоҷикистон ва Федератсияи Русия аз ҷониби Вазорати саноат ва технологияҳои нави Ҷумҳурии Тоҷикистон ва Ширкати “Росатом”-и Федератсияи Русия амалӣ гардида, барои иҷрои корҳо 110 миллион сомонӣ пешбинӣ гардидааст.

Тибқи маълумот дар майдони Партовгоҳҳои маъданҳои радиоактивӣ, ки масоҳати умумии он 7,5 гектарро ташкил медиҳад, баландии партовҳо аз 65 то ба 30 метр паст гардида, бо сангу шағал ва хок рӯйпуш карда мешавад. Дар марҳилаи охири безараргардонии партовҳо тадбирҳои сабзу хуррамгардонӣ анҷом дода мешавад.

 

 

 

 

Ба Пешвои миллат муҳтарам Эмомалӣ Раҳмон иттилоъ дода шуд, ки Лоиҳаи Барномаи безараргардонии партовҳои радиоактивӣ дар шаҳри Истиқлол дар чор қитъа амалӣ гардида, аллакай кор дар қитъаи якум пурра ба охир расида, дар қитъаи дуюм ҷараён дорад. Корҳои безараргардонӣ дар қитъаҳои 3-юм ва 4-уми партовгоҳ нимаи дуюми моҳи апрел оғоз гардида, дар охири моҳи майи соли 2023 ба анҷом мерасанд.

Дар иншооти мазкур зиёда аз 100 нафар ба кор ҷалб гардидаанд.

Бояд гуфт, ки дар ҷараёни корҳои безараргардонӣ риояи қоидаҳои бехатарӣ ва муомила бо маводҳои радиоактивӣ аз ҷониби олимони Академияи миллии илмҳои Тоҷикистон пайваста назорат карда мешавад.

Мувофиқи нишондод баъди безараргардонии қитъаи якуми партовгоҳ дараҷаи нурафкании радиоактивӣ ба меъёри мақаррарӣ баробар шудааст, ки барои саломатии аҳолӣ, муҳити зист ва дар умум тамоми мавҷудоти зиндаи атроф бехатар аст.

Бо мақсади татбиқи саривақтии лоиҳа дар мавзеи наздик ба сохтмон барои кормандону мутахассисон шароити зарурӣ, аз қабили нуқтаи тиббӣ, ҳуҷраҳои санитарӣ ва беҳдошт, ҷои шустушӯи техникаю механизми махсус ва зеристгоҳи барқӣ бунёд карда шудааст.

facebooktwitter

kaynak:http://www.president.tj/node/30349?utm_source=dlvr.it&utm_medium=twitter

 

 

 

]]> Боздид аз намоиши наврӯзӣ ва ҳунарҳои мардумӣ дар шаҳри Истиқлол https://samsunekspress.com/%d0%b1%d0%be%d0%b7%d0%b4%d0%b8%d0%b4-%d0%b0%d0%b7-%d0%bd%d0%b0%d0%bc%d0%be%d0%b8%d1%88%d0%b8-%d0%bd%d0%b0%d0%b2%d1%80%d3%af%d0%b7%d3%a3-%d0%b2%d0%b0-%d2%b3%d1%83%d0%bd%d0%b0%d1%80%d2%b3%d0%be%d0%b8-h42677.html Sat, 01 Apr 2023 07:07:12 +0000 https://1453kralmedya.com/%d0%b1%d0%be%d0%b7%d0%b4%d0%b8%d0%b4-%d0%b0%d0%b7-%d0%bd%d0%b0%d0%bc%d0%be%d0%b8%d1%88%d0%b8-%d0%bd%d0%b0%d0%b2%d1%80%d3%af%d0%b7%d3%a3-%d0%b2%d0%b0-%d2%b3%d1%83%d0%bd%d0%b0%d1%80%d2%b3%d0%be%d0%b8-h42677.html

 

 

 

 

Боздид аз намоиши наврӯзӣ ва ҳунарҳои мардумӣ дар шаҳри Истиқлол

2023 , шаҳри Истиқлол

Дар идомаи сафари корӣ дар шаҳри Истиқлол Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз намоиши наврӯзӣ ва ҳунарҳои мардумӣ, ки ба ифтихори ҷашни Наврӯзи байналмилалӣ баргузор шуд, дидан намуданд.

Дар ҷашнвораи наврӯзӣ сокинони шарафманду заҳматпешаи шаҳри Истиқлол бо ифтихори баланди ватандорӣ ва суруру шодмонӣ иштирок намуда, маҳсули заҳмат ва дастовардҳои меҳнатии худро ба намоиш гузоштанд.

Пешвои миллат муҳтарам Эмомалӣ Раҳмон бо сокинон суҳбати самимӣ ороста, онҳоро ба ҷашни ҷаҳонии Наврӯз самимона таҳният гуфтанд.

Ба таъкиди Президенти Ҷумҳурии Тоҷикистон муҳтарам Эмомалӣ Раҳмон Наврӯз ҳамчун ҷашни кадимаи миллати тамаддунофару фарҳангсолори тоҷик, таърихи беш аз 6 ҳазор сола дорад, ки ҷавҳари аслии ин ҷашни бостониро саодату хушҳолӣ, ҳамзистии осоишта, накӯкориву созандагӣ ва банёдкорӣ дар бар мегирад.

Сарвари давлат муҳтарам Эмомалӣ Раҳмон иброз доштанд, ки яке аз рамзҳои наврӯзӣ тозаву озода кардани хонаву маҳалли зист, кӯчаву хиёбон, шинонидани ниҳол ва коштани донаи умед мебошад.

Ба ифтихори ҷашни байналмилалии Наврӯз дар ин ҷо хони идонаи ҳафтсину ҳафтшин, ки бозгӯи фарҳанги қадимаи дастархондории миллати кӯҳанбунёди тоҷик аст, ороста шуд.

Гӯшаи дигари базмгоҳи наврӯзиро таомҳои миллӣ, аз қабили ғизоҳои бо гиёҳҳои шифобахши баҳорӣ омодашуда зебу зиннат мебахшид. Дар дегҳои алоҳида кадбонувон суманак омода мекарданд, ки он аз рамзҳои асосии ҷашни Наврӯз аст.

 

 

 

Инчунин кадбонувони соҳибзавқу хушсалиқаи шаҳри Истиқлол дар гӯшаҳои алоҳида маҳсулоти нонӣ, аз ҷумла кулчаю қалама, чаппотию фатир ва амсоли ин омодаву пешниҳод карданд. Дар ин баробар маҳсулоти қаннодию шириниҳо, шарбату афшураҳо ва мураббои мевагӣ низ ба маъраз гузошта шуд. Дар як гӯшаи базмгоҳи наврӯзӣ ҷавонон бозиҳои варзишӣ, шеъру таронахонӣ ва гулбазм барпо карданд.

Дар намоиши наврӯзӣ ҳунарҳои мардумӣ, аз қабили қолинбофӣ, намадбофӣ, зардӯзӣ, гулдӯзию кашидадӯзӣ, шерозбофӣ, атласу адрасбофӣ ва ҷомадӯзию тоқидӯзӣ аз тарафи бонувони ҳунарманди шаҳр муаррифӣ гардид. Бояд гуфт, ки ҳунарҳои қадимаи кандакорӣ, табақтарошӣ, гаҳворасозӣ, сабадбофӣ, сандуқсозӣ, оҳангарию дуредгарӣ ва дигар навъи ҳунарҳои дастӣ низ дар байни сокинони шарафманди шаҳри Истиқлол солҳои охир аз нав эҳё шуда, аз насл ба насл гузашта, рушду нумуъ меёбанд.

Президенти мамлакат муҳтарам Эмомалӣ Раҳмон таъкид намуданд, ки мо мардуми шарафманди тоҷик бисёр хушҳолу сарбаланд ҳастем, ки ҷомеаи ҷаҳонӣ ин ҷашни воқеан мардумиро чун дастоварди бузурги хиради башар пазируфтааст. Бо қаноатмандӣ изҳор шуд, ки аз ҷониби Созмони Милали Муттаҳид ба сифати ҷашни ҷаҳонӣ пазируфта шудани Наврӯз гувоҳи он аст, ки сокинони сайёра ба ин оини моҳиятан фарҳангиву инсонпарваронаи тоҷикон ва кишварҳои ҳавзаи Наврӯз эҳтиром доранд ва онро ҳамчун воситаи баҳамоӣ, таҳкими сулҳу субот ва дӯстию рафоқат эътироф менамоянд.

Хусусиятҳои хоси дигари ҷашни Наврӯз инсонпарварӣ, некиву накӯкорӣ, бахшишу меҳрубонӣ ва созандагиву бунёдкорӣ мебошад.

Сокинони заҳматпешаи шаҳри Истиқлол бо барпо кардани намоиши дастовардҳо, анъанаҳои накуи наврӯзӣ, расму оинҳои миллӣ, маҳсули дасти кадбонуҳо, ҳунари устоҳои чирадаст, ташкили бозиҳои варзишӣ ин маконро ба базмгоҳи ҳақиқии идона табдил доданд. Сарвари давлат муҳтарам Эмомалӣ Раҳмон оид ба таърихи Наврӯз ва анъанаҳои ин ҷашни хусравонӣ андешаронӣ карда, барои арҷгузорӣ ва идомаи расму оини аҷдодон ба сокинон изҳори сипос намуданд.

facebooktwitter

kaynak:http://www.president.tj/node/30346?utm_source=dlvr.it&utm_medium=twitter

 

 

 

]]> Мулоқот бо ятимон дар шаҳри Истиқлол https://samsunekspress.com/%d0%bc%d1%83%d0%bb%d0%be%d2%9b%d0%be%d1%82-%d0%b1%d0%be-%d1%8f%d1%82%d0%b8%d0%bc%d0%be%d0%bd-%d0%b4%d0%b0%d1%80-%d1%88%d0%b0%d2%b3%d1%80%d0%b8-%d0%b8%d1%81%d1%82%d0%b8%d2%9b%d0%bb%d0%be%d0%bb-h42675.html Sat, 01 Apr 2023 06:01:44 +0000 https://1453kralmedya.com/%d0%bc%d1%83%d0%bb%d0%be%d2%9b%d0%be%d1%82-%d0%b1%d0%be-%d1%8f%d1%82%d0%b8%d0%bc%d0%be%d0%bd-%d0%b4%d0%b0%d1%80-%d1%88%d0%b0%d2%b3%d1%80%d0%b8-%d0%b8%d1%81%d1%82%d0%b8%d2%9b%d0%bb%d0%be%d0%bb-h42675.html

 

 

 

Мулоқот бо ятимон дар шаҳри Истиқлол

.2023 , шаҳри Истиқлол

30 март Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо 100 нафар ятимони кул вохӯрӣ намуда, ба онҳо тӯҳфаҳо тақдим намуданд.

Барои ин наврасону ҷавонон, ки бо амри тақдир аз навозиши волидайн бенасиб мондаанд, дастархони идона ороста шуд. Ятимон бо шодию нишот аз дасти Сарвари раъийятпарвару инсондӯсти мамлакат либоси мактаби, пойафзол, шириниҳо, кӯмаки молӣ ва дигар тӯҳфаҳои арзишманд гирифтанд.

 

 

 

Президенти Ҷумҳурии Тоҷикистон муҳтарам Эмомалӣ Раҳмон бо наврасону ҷавонони ятим, ки аз шаҳрҳои Истиқлолу Истаравшан ва ноҳияҳои Ашт, Мастчоҳ ва Ҷаббор Расулови вилояти Суғд мебошанд, суҳбати самимӣ ороста, онҳоро барои таҳсили хубу аъло, омӯхтани касбу ҳунар, забонҳои хориҷӣ ва кор бо технологияи муосир ҳидоят намуданд.

Ятимони кул аз он изҳори хушҳолӣ менамоянд, ки дар чунин як кишвари ободу зебо зиндагӣ карда, дониш меомӯзанд ва ҳамеша таҳти ғамхорию дастгирии Пешвои маҳбуби миллат қарор доранд. Ҳангоми тақдими тӯҳфаҳо гуфта шуд, ки ғамхорӣ нисбат ба ятимону бепарасторон ва фарзандони оилаҳои камбизоат дар сиёсати иҷтимоии Ҳукумати Ҷумҳурии Тоҷикистон ҷойгоҳи махсус дошта, барои беҳтар намудани шароити таҳсил ва зиндагии онҳо пайваста тадбирҳои зарури ва самарабахш андешида мешаванд.

Дар замони соҳибистиқлолӣ дар баробари дигар муассисаҳои таълимӣ, шароити таҳсил ва будубоши тарбиятгирандагон дар мактаб-интернатҳои ҷумҳуриявӣ барои кӯдакони ятим бо дастгириҳои пайвастаи Пешвои миллат муҳтарам Эмомалӣ Раҳмон беҳтару хубтар карда мешавад. Ҷавонону наврасони ятим худро ҳаргиз бесаробон ҳис накарда, бо шукргузорӣ аз фазои сулҳу осоиши мамлакат, илму ҳунар омӯхта, дар шукуфоии аз ин ҳам бештари Тоҷикистони соҳибистиқлол саҳми босазо мегузоранд.

facebook

kaynak:http://www.president.tj/node/30347?utm_source=dlvr.it&utm_medium=twitter

 

 

 

]]>